مشكلتى هيا انى اتجوزت من اكتر من 4 سنين لكن اكتشفت بعد الزواج ان جوزي خبي عليا بعض الامور اكتشفتها بالصدفه زي انه مريض سكر وانه كان عامل عمليه وهو طفل (الخصيه المعلقه) اثرت في الخلفه المهم انى رضيت بالامر الواقع عشان بحبه وهو طيب جدا معايا وحنين برغم ان الموضوع ده ضايقنى جداا
رحنا لدكاتره كتير عشان الخلفه وجرب عمليه وادويه وهرمونات بس للاسف مجبتشي اي نتيجه الحمد لله على كل شيئ
انا نفسي ربنا يرزقنى بطفل ومش عارفه اعمل ايه اكمل معاه ولا لا هل يستحق انى اضحي بموضوع الخلفه دي عشانه
انا بالنسبه ليا يتيمه الاب والام وبتمنى ربنا يعوضنى عنهم بذريه صالحه وزوجي طيب معايا لكن مكنشي صريح معايا من الاول وهو ضعيف الشخصيه قدام اهله وخصوصا والده مادي جداا وطمعان في ابنه مع انه مش محتاج خالص والله وبيشجع ابنه انه يعرف واحده عليا وانا لسه على ذمته عشان لو طلبت الطلاق يبقي في واحده ستبن زي ما بيقوله شخص غريب جدا المهم ان جوزي دايما بيسمع للى حوليه وقراره مش من دماغه ………. يا ريت يا جماعه تنصحونى اكمل ولا لا معاه انا في فتره تفكير دلوقتى وقاعده بعيد عنه جزاكم كل خير
مشاكل الازواج
اكمل مع زوجى ام انفصل
اضيف بتاريخ: Saturday, December 10th, 2011 في 10:02
كلمات مشاكل وحلول: الحياة الزوجية, الزواج, الطلاق, مشاكل زوجية
عزيزتي الاخت الفاضلة لاشك ان زوجك مخطي عندما لم يخبرك بمرضه قبل الزواج خوفا من رفضك القبول به وارى انك تقولين انه رجل طيب جدامعك ويعاملك معاملة حسنة وهذة نعمة كبرى تستاهل منك الشكر والثناء ومسالة الخلفة والانجاب هذة بيدالخالق عزوجل متى مااراد لشي يكن فيكون باذن الله حتى لو اقر الاطباء بانه عقيم ولايخلف فقدرة الله عزوجل فوق كل شي ياماناس متزوجين ومحرومين من الخلفة منذ 20 سنة ااكثر ويشاء الله ان يكرمهم بالخلف الصالح بعد هذة السنين انت من حقك ان يكن لك اولاد وتسعدي بهم في هالحياة عليك بالدعاء لله عزوجل وبالصبر فان رحمة الله قريبة من عباده المومنين وان مع العسر يسرا والصبر مفتاح الفرج واسال الله رب العرش الكريم ان يرزقكم بالذرية الصالحة في حياتكم عاجل غيراجل وان يوفقكم ويسعدكم في حياتكم الزوجية
اختي مرض السكر لايوثر على الانجاب مالم تكن هناك موانع اوامراض اخرى وانت زوجة من حقك ان يكون لك ابناء تسعدي بهم ويشاركونك الحياة اذاتعذر علاج زوجك وتاكدت من الاطباءان لافايدةمن العلاج معه فمن حقكي طلب الطلاق منه لتعذرالانجاب وربنايكرمك بالزوج الصالح السليم اللي يحقق لك رغبتك وامانيك في الامومة ودي سنةالحياة وخصوصاانك يتيمةالابوين وتحتاجين لاولاد من لحمك ودمك يكونوالك سندابعدالله في هذي الدنيا ربنايكرمك وويرزقك
اختي الفاضلة لايحق لرجل ان يخدع من تقدم لهابالزواج ويخفى عنهاحقيقةمرضه اوشي يتعلق بحياته ومافعله زوجك هذايسمى غش وخداع وكذب وانت الان مخيرةبين امرين 1-اماطلب الطلاق منه 2- اوالبقاءعلى ذمته وهوعقيم لايخلف وانت تقولي انك محرومةمن الخلفة ويتيمةالابوين ماحدلك ونفسك بولد اوبنت يملاو عليك الحياة كالامهات الاخريات فهذامن حقك الشرعي ولااحدينكره لك من حقك ظلب الطلاق اذارغبتي في ذلك والزواج برجل اخريحقق لك رغبتك وامنيتك هذة وربي يكرمك ويسترعليك
اختي اقدرظروفك ومعانتك مع زوجك والحل في يدك انت اذا كنتي تحبيه ومش قادرة تستغني عنو وهو كمان بيحبك فاستمري معه واصبري لعل الله يرزقكم بالخلفة مع الاخذ بالاسباب العلاج وان كنت مش قادرة تعيشي معه وهو مايخلف والعيب منو وانت نفسك في ولد اوبنت فهذامن حقك الشرعي اطلبي الطلاق وتزوجي من غيره وفقك الله ورزقك الذرية الصالحة
اتمنى انك تطمنينا هل لقيتى حل مناسب لمشكلتك يمكن فى اشخاص بيعانوا من نفس مشكلتك فاتمنى من اصحاب المشاكل يكتبوا فى تعليق ايه الحل المناسب الى وصلوا ليه وانا عايزة وياترى ياجماعة لو كانت مخطوبة وكانت بتعانى من المشكلة دى كنتوا حتنصحوها باايه ترضى به زوج ام لا ؟
بسم الله الرحمن الرحيم اختي العزيزه كان الله في عونك وخصوصا انك يتيمه فاخواني في الموقع عرضو حلول كثيره وجميلة وانا من وجه نظري المتواضعه انك تزهبي لدكتورة امراض نساء جيدة واكشفي علي نفسك فان كنتي تستطيعي الانجاب فاصبري معه كمان سنه اوسنتين وفي خلال هزه الفتره ستكشف لكي اشياء كثيره فان رزققي الله خلاص لاداعي لاي خطوه اما ان لم تنجبي وساءت معاملتة هو واهلة فا ازهي لدار الفتي في الدراسة او الحسين لان اخشي مااخشاه ان في ظل وجود فرصهةمن العمروتزهب هزه الفرصه ثم ياتي بعدها وينصاغ لهواه اولاهله ويرميكي وحيده اسف للفظ ولاكن هوادق تعبير وقتها وصلي صلات استخارة مرة واثنين وعشرة حتي يهديكي الله لافضل قرار وزيدي من استغفارك فانااعتم اناس لم يرزقوالاطفال الابعدعشر سنوات ولاكن الامريختلف لان الاهل من الطرفين كانويشدون من ازربعض ويارب يرزقك الزريه الصالحه وعليكي بتكرارهزاالدعاء في السجود ربي لاتزرني فرداوانتي خير الرازقين
رأيي انك ترجعيله لان 4 سنين مش مده كبيره لعدم الخلفه
في ناس معندهومش مشاكل في الخلفه ومش بيخلفو
تقدري تستكملي العلاج وتصبري وتدعي ربنا وتقدري كمان تكفلي طفل
بالنسبه لابوه مش هيعيشلك طول العمر ودوام الحال من المحال
استهدي بالله وارجعي
فهميه ان نفسك فى الانجاب وان ك تسبيه لو فكر فى مضايقتك وربنا يرزق كل واحد من ناحيه
السلام عليكم يا اختى العزيزة ما دام لم يصارحك وانتى اكتشفتى ذلك ولم توافقى عليه قبل الزواج فاعتقد ان لكى الحق فى طلب الطلاق ان اردتى ذلك وشعرتى انك لن تستطيعى ان تكملى معه بدون اولاد وانه لا يوجد علاج( ولكن يا اختى استشيرى عالم من الازهر الشريف فى ان كان عليكى ذنب فى ذلك ام لا )والله اعلى واعلم والله ولى التوفيق
عيشي حياتك مع واحد تاني تكوني بتحبيه بجد. ما دام بتفكري كدا يبأ حياتك صعبه ونفسيتك زفت على طول. يعني ما بيخلفش وشخصيته ضعيفه وعنده سكر وأبوه مسيطر عليه وانتي نفسك بالخلفه تبأ محلوله وانشاء الله ربنا يوفإك مع واحد تاني تتهني معاه بدل الهم اللي انتي عايشه فيه.
اختى الكريمه اولا صلى ع نبيك محمد حاولى قدر الاستطاع مع زوجك لو انك تركتى زوجك وتزوجتى بغيرك هل سيكون مثل الاول ثانياهل لو انك اذا تركتى زوجك هل تضمنين الخلفه من غيرك فالرزق بيدك الله والاولاد رزق من الله فكل شئ هو رزق من الله حتى العلم رزق من الله فارجعى الى بيتك حتى لا يسوس اليك اشيطان باكتر من ذالك اخوكى الغلبان
اختي الكريمة قبل ان تقرري اي قرار تخيلي لو انتي مكانه اي لاتنجبي اطفالا وانك مريضة ولم تخبريه قبل الزواج فكيفك سيكون تصرفه معك انا اعتقد انه كان سيتزوج باخرى الله اعلم المهم لا تتسرعي
ان الدين الاسلامى واضح ان كنت تريديه فاكملى وان لا لا تملى لان هذا حقكك ولكن الاولاد ليسوا كل شى فى هذه الدنيا هناك امور كثيره ممكن تعوضك والراى لكى
صلى استخاره وزيدى ف الدعاء الصادق مع البكاء ربنا يهديكى الى صلاح والفلاح والنجاح انشاء الله
`سبب كل هذه المشاكل هو التسرع وعدم الدراسة الوافية الكاملة للزوج واسرته قبل اتمام الزواج او قبل ماتقع الفأس على الرأس.
كان الله فى عونك .
دايما رائي لما تقفي فى اختيار صعب تجيبى ورقتين وتكتبى كل المميزات وكل العيوب وشوفى اية اكتر لو لاقيتى مميزاتة ومميزات انفصالك عنة اكتر من عيوبة وعيوب الاستمرار معاة يبقى كملى ومتفكريش كتير ولو العكس انفصلى فى هدوء وفكرى كويس حتعملى اية واخر حاجة ممكن انصحك بيها لو استمريتى معاة ان فى اطفال كتير فى الملاجىء تكفلى بواحد وادي نفسك الاحساس الجميل دة انك يكون عندك طفل بتربية وبتعتنى بية وبيكبر قدامك واديلو فرصة فى حياة احسن معاكى
مع العلم بأن هذه العملية لا تؤثر على القدرة الإنجابية
( أقصد الخصية المعلقة )
أهم شىء إنتى بيتحبيه ولا لأ ؟؟؟؟؟؟؟
لو تركتيه تضمنى منين يتقدملك اللى إنتى بتتمنيه؟؟؟؟
موضوع الإنجاب دة ممكن زى ماشيرى قالت أطفال أنابيب ودلوقت أصبحت كتير جداً جداً
مع العلم بأن هذه العملية لا تؤثر على القدرة الإنجابية .
كونه مريض بالسكر فلا أعتقد أنه سبب يؤدى للطلاق؟ حتى ولو أنه لم يصارحك به لعله لم يتذكره لأنه تعايش معه وأصبح شىء طبيعى بالنسبة له و خصوصاً إنه ليس بمرض معدى فلا تتقاضى الأمانه بمصارحتك. فألتمسى له العذر إذا كان هناك حب وإقتناع من ناحيتك به.
يابنتى الحب على عينا وعلى راسنا انما زى ما بتقولى انك يتيمه وان والده ديما بيحرضه عليك وانتىمن حقك يكون ليك طفل انتى صبرتى عليه على الا هوه فيه ومشيتى معاه للعلاج ولكن دون جدوى بكده تبقى عملتى الا اى ست عاقله بتعمله وخلصتى نفسك من زنبه روحى انفصلى عنه بكل هدؤ وتفاهم واتزوجى من رجل اخر عسى ربنا يراضيك بطفل او طفله تملى عليك حياتك ده حقك وربنا يوفقك ويراضيك ويراضى كل محتاج / المحامى
شوفى كل اللى اقدر اقولهولك لومتمسكه بزوجك وبتحبيه حاولى فى موضوع طفل انابيب ناس كتير عملتها ونجحت وخليكى جانبه ومعاه وخصوصاانك متجوزه من 4سنين بس يعنى فى فرصه تديهاله وتحاولو بيها ربنا يرزقك الذريه الصالحه لكن لو حسيتى انه مش هامه الموضوع وانانى وعايزك معاه بس كده وفعلا هيعرف حد عليكى خلاص انفصلى وربنايعوض عليكى بس اديله فرصه عشان مترجعيش تندمى وربنا يرشدك للطريق الصح
كان المفترض من زوجك ان يتقي الله فيك ويخبرك بما فيه من مشاكل عضوية قبل الزواج حتى تكوني انت وقتها صاحبة القرار في الارتباط برجل غير قادر على الانجاب .. ولكنك الان انت تواجهين بمفردك هذه المشكلة بحيرة وقلق على مستقبلك العائلي وما يزيد الامر سوءً هو ضعف شخصية زوجك مع اهله الذين يشجعونه على عمل علاقة تعارف بامرأة اخرى وهذا ما ادهشني واتعجب منه فبدلا من مواساتك والاخذ بيدك على تكملة مشوار حياتك مع ابنهم الذي يعاني من هذه الاصابة العضوية ومن ناحية اخرى انت تحبين زوجك وهو كذلك ولذلك فانا لا املك سوى النصح لك بتكملة حياتك مع هذا الرجل والا تشعريه بان هذا الشئ وهو الانجاب هو امنية حياتك فقد يشعر بالعجز في ارضاءك وهذه بالطبع مشيئة الله سبحانة وتعالي وعليك يا سيدتي ان تحاولي خلق مناخ متجدد في حياتك حتى لا تشعري باي نوع من الوحدة او الملل وباذن الله سوف يساعدك ويكافاك الله عن هذا الصبر والابتلاء .