انا من مصر و عندي14 سنة ماما و بابا اتجوزوا غصب عنهم و عاشوا مع بعض بس كانوا بيتخانقوا كتير و دايما كنت بسمع بيقولوا هنطلق و خلفوني و انا الكبيرة بابا مكانش مستبشر بيا خالص بس انا كنت الدلوعة لاني الحفيدة الوحيدة و كانت شخصيتي متميزة ومكنتش احب الاقي نفسي مش متفوقة فكان عندي عزيمة و ارادة اني اذاكر و اكون احسن من غيري كانو بيحبوني و مكنتش اقدر اعيش من غيرهم اختي جات بعدي ب4 سنين و لقيت حب و تمييز شديد ليها حتي حاجتي كانوا بيدوهالها من غير اذني يتكلموا عليها قدامي و يقولوا انها طيبية و مبتحبش المشاكل لو حاجة كانت فايدي و هي عاوزاها كانوا يجبروني اديهالها لاحظت ان ماما بتضربني كتير و حست انها متميزة عني فكانت تروح تقولها اني ضربتها و انا والله معملتهاش حاجة الاقيها جيالي و بتضربني باعنف الطرق و من غير ما تسمعني و كانت بعد كل خناقة بينها و بين بابا حتي و انا عندي 3 سنين تقولي انتي سبب المشاكل فحياتنا و ساعتها و لحد دلوقتي انا مش فاهمة ليه دخلت المدرسة و كانت موهبتي الرسم كنت بعرف ارسم من غير ما حد يعلمني و كنت متفوقة و شاطرة و محبوبة لكل المدرسين كانت فيه بنت بتكرهني اوي بسبب كدا و كانت تتخانق معايا و تضربني و تخلي البنات اللي فالفصل يكرهوني و واحدة فيهم قعدت تضرني بالبوكس فبطني حتي لو اتصاحبت علي بنات اصغر مني او اكبر مني و عرفت كانت تخليهم يكرهوني زي ما باقي البنات كانوا بيعملوا و مليش اي صحاب و لا بعرف اكون صداقات و حتي الان البنات دول مش بيحبوني و ماما كانت بتحاول توقف المشاكل دي بكل الطرق و كنا بنسافر كل ترم و دي كانت رحمة ليا عشان نشوف بابا هناك و تيتا و جدو كل واحد فيهم عايش فشقة لوحده دايما ماما تعيب فيهم و تكلمني عليهم و لو كنت غلطت تتهمني و تتهم جيناتي و تقولي زي واحدة اعرفها ما دي جينات ليه ما تبقيش زي اختك مبتتعبنيش(و علي حسب كلامها ان فيه تشابه بين ماما و اختي في الطبع) لحد ما كرهتهم و كرهت نفسي لاني منهم و كرهت حياتي و كرهت كل حاجة و قطعت الصلاة لاني عندي سلس بول و ريح و عرفت ماما كتير جدا بالموضوع دا لكن مودتنيش لدكتور و في الفترة دي جت بنت جديدة الفصل و كنت فسنة رابعة و شافتني بتخانق مع البنت التانية فكرهتني بس انا حاولت انتهز الفرصة لانها متعرفش عني حاجة فبقينا صحاب و بنحكي لبعض اسرارنا و بنتنافس في المذاكرة حسيت ان حياتي نورت لكن ماما كانت رافضة صداقتنا انا استمريت في صداقتي بيها لكن هي استغلت ان مليش صحاب غيرها و بقت تاذيني لو راحت تشتري حاجة و انا استناها الاقيها مشيت مع بنات تانيين و تسيبني تهيني قدام البنات و لو وريتها حاجةو عملتها تقولي ايه الهبل دا بلغت و انا فخامسة ابتدائي و كانت دراستي بتزيد صعوبة و مش بفهم في المدرسة و الدروس عندي ممنوعة و لازم اذاكرل لوحدي زي اجدادنا العظماء و كنت وحشة في النحو فجابولي واحد قريبنا كان بيشرحلي و جبت نتايج كويسة لكن كان بيتحرش بيا باستمرار في البيت لو اتاكد ان اخواتي بس اللي موجودين و ماما راحت الشغل و سابتني معاه و انا غبية مش فاهمة و كان يقولي تعالي المدرسة عشان تاخدي المذكرة فكان ياخد فرصة انه يعمل كدا كنت صغيرة لحد ما بقيت في اولي اعدادي و حسيت ان دا غلط فقولت لمامما و مبقناش نتعامل معاه تاني اما صاحبتي سيبت البنت دي لما بقيت فتانية اعدادي رجعت تالني للصلاة و حياتي احلوت اوي و كل حاجة عاوزاها جاتلي و لما سبت الصلاة حياتي باظت و لما ارجعت اصلي بالسر عشان محدش يجبرني بابا شافني و فضل يغصب عليا اصلي فكرهت الصلاة و بقيت احلم بكوابيس و اعيط و انا نايمة لما بلغت بقي شغل البيت مسؤليتي اكن انا ست البيت عليها اغسل الهدوم و انشرها و اطبقها-فطارو عشاء كنس و مسح ملي ازايز توضيب الاوض و تنضيف الشقة عشان الضيوف و المدرسين غسل مواعين بالهبل-مسح اسطح-حط السفرة و لم السفرة و ببساطة ممكن ياخدوا طبق و يحطوا فيه بسكوت و ميغسلهوش يلعبوا بيها و ميغسلوهاش و يوسخوا و يبعتروا براحتهم حتي ايام دراستي و امتحاناتي ليلة امتحان و فاضلي كتير في المنهج قالي قومي اكنسي البلكونة و بعد كل دا انا تخينة و وحشة و غبية و هفضل طول عمري غبية و يدعو عليا و ينسو عيد ميلادي و معفنة و عنيفة و معنديش احساس و مجنونة و مريضة نفسياو سبب المشاكل في البيت و مغرورةو صوتي يجيب انهيار و اتخلقت لكدا يعني مينفعش اعترض و يمسكوني يضربوني لحد ما اتعورولو نايمة فالاجازة بابا مش بيخليني انام بعد الساعة 11 يصحيني بعنف و شتايم و يطفي عليا المروحة و يقولي قومي عشان تنضفي و تشتغلي و لو عييت يفتكروني بمثل و يقولولي ملكيش كلام مانا لمدة 3 ايام و لو روحت كشفت و طلعت فعلا عيانة محدش بيداويني حتي و انا صغيرة و يمسكوني من رقبتي و يخنقوني يرمو عليا الكراسي و يهددوني انهم هيذلوني و يطردوني من البيت و مبفكرش غير فنفسي حتي زمايلي بقو يقولوا عليا رخمة و معقدة و انا مين يفكر فيا مين يجيبلي هدية او يدعمني و يقولي كلمة حلوة كلهم بيروحو كورسات تتويفل و تطوير ذات و لغات و يعيشوا احلي عيشة فحين اني لو اتكلمت مع ماما فمشكلة تقولي مشكلتك مش مشكلتي عملت حفلة في المدرسة و شاركت فيها عشان اصالح ماما لكنها مجاتش و قالت انها متعمدة دا دروس خصوصية ممنموعة لو عملت غلطة بسيطة و اتعاقبت عليها اصحي تاني يوم ماما تزعقلي عليها بعد ما اتضربت و اتعاقبت و تقولي انتي قرف انتي غم جيتيلي منين و لو طلبت منهم يشترولي حاجة يقولولي انتي طلبات و بس لكن تعملي حاجة في البييت لا و لو لا قدر الله جابوها يمنو عليا بيها و يذلوني بيها . بقيت انسانة عادية و شخصيتي بقت ضعيفة خصوصا بعد ما قرات الحاجات بتاعت الاخصائية النفسية بالصدفة اني شخصية محتارة لا عندي ثقة بنفسيب و لا انا مترددة و مش عارفة احب ايه و اكره ايه و السبب في الانحياز لاخواتي حتي لو هما غلطانين و يخلوني اتنازل عن ابسط حقوقي زي مثلا لما يضربوني و انا ارد الضربة بس بضرب اخف و الله اتهان و اتذل و يخلوهم يضربوني تاني و ان الحل اني محتاجة اخد كورسات و اعمل نشاطات كويسة في الاجازة و انمب موهبتي عشان احدد شخصيتي و حسيت انها جابت المشكلة باساسها و انا بحبها اوي حتي لما شافت بابا و هو بيقولي عندك شغل في البييت عاوز يتعمل راحت قالت ليه هي سندريلا؟ لكنهم مش عاوزين يودوني كورسات و انا بتحايل عليهم اروح و ماما تقولي انتي بتعاملينا اكننا جهلاء؟ امال لو خدتي كورسين هتتعملي علينا اكتر من كدا ايه؟ و كل دا بيحصل ادام اخواتي فبعيط لان عمري ماتصورت ان اكتر ناس حبيتها ووثقت بيها فحياتي بقو ياذوني (مع العلم اني كان استحالة اعيط قدام حد) تروح هي تضحك و تقولي اهو انا بقا دوستلك عالجرح طبعا قرات بتاع اخواتي و لقيت انها بتتكلم عن ذكاءهم و قوة شخصيتهم برضو بالصدفة كان بابا كاتب ملف لماما بيتكلموا فيه عن مشاكلهم و عرفت انا عبء قد ايه و قالوا اني اخدت اسوء ما فيهم لقيت انهم بيكرهوا بعض و ان بابا مفرحش لما عرف ان ماما حامل.من ضمن الحاجات اللي خليتني ازعهل علي نفسي لما بدات اخد درس علوم فاولي اعدادي كان المدرس بيقدرني جدا و كانت درجاتي الاعلي ودا كان ابعد درس روحته لوحدي عشان محدش رضي يوديني بالعربية بالرغم من ان ماما كانت تقولي اني قليلة الادب و غبية لما اطلب منها تشرحلي حاجة و انا فابتدائي في المادة اكتر من مرة و مفهمهاش لما نفس المدرس ادا اختي درس قال لماما انها اذكي مني و اماما قالتلها اكتر من مرة انها اذكي مني و كانت بتفرح و تيجي تقولي علي فكرة انا اذكي منك و مين و مين و مين قالو عليا كدا و انا للاسف كنت بسمعهم .بما اني اكبر حفيدة فكنت محدش قدي بيكلمني الاكبر مني كبار اوي و الاصغر مني صغيرين اوي فكنت باخد كورنر و اقعد لوحدي علي موبايل زراير و حلمي ان بابا يفاجئني بموبايل جديد زي صحابي و لما تيتا جددت موباتيلها اديتني بتاعها و بابا بيذلني بيه لو كنت قولت لاخويا كل و انت بؤك مقفول عشان الصوت ماما تقولي دي مشكلة نفسية عندك متكرههيهوش فنفسه و هوديكي عند دكتور نفساني لو كنت كلمت اختي بصوت واطي انها متعملش حاجة غلط ماما تزعقلي قدام الناس برةالبيت و تقولي انتي بتكرهيها فنفسها لو كانت بتكلمني عن بابا و عن العيشة اللي مش عاحباها معاه و اتنا جيت الحكيبلها مشكلتي تقولي اخلصي عشان ممش فاضية . انا حتي الان مش عارفة احب نفسي و اهلي و لا اي حد انا بكرهم اكتر من اي حد فحياتي لانهم دمروني كل يوم بنام معيطة و لا حد بيدري بيا و مش هسامحهم لحد ماشوف ربنا بيحاسبهم واحد واحد شخصيتي اتغيرت و مبقاش عندي اي طاقة اكافح بيها عشان اتعلم و اكون احسن من غيري بقيت بعيط طول الوقت و مفيش حد احكيله اسراري محتاجة مساعدة لو سمحتو
تالمت جدا لما يحدث لك يابنتي الغالية وكان الله بعونك على اهلكي دول لاشك ان تصرفاتهم معك فيها من الظلم والاساءة والتفرفة التي نهانا الله عنها في تعاملنا مع ابناءنا وتاكدي ان صبرك على اذاهم وظلمهم يكتب الله لك به الاجر والثواب الكبير يوم القيامة اهتمي بدراستك وتفوق فيها وحافظي على دينك وخلاقك وشرفك وسمعتك وبقراءة القران وبالصلاة في وقتها والاكثار من الاستغفار والدعاء لربك عزوجل بان يؤفقك في حياتك ويحنن قلب اهلك عليك ويهديهم ويصلح حالهم ولاتتذمري منهم ابدا واحترميهم واعطي ابوك وامك حقهم من البر والاحسان عشان ربنا يبارك فيك ويؤفقك ويرضى عنك في الدنيا والاخرة وتقربي منهم اكثر حتى تنالي رضاهم ويغيروا معاملتهم لك للافضل وربنا يحفظك ويهدي اهلك ويصلحهم ويؤفقك ويسترعليك انت وكل بنات المسلمين
لاحول ولاقوة الابالله كان الله بعونك يابنتي الحبيبة في اهلك دول الذين فست قلوبهم ولاانسانية ولارحمة عندهم وحسابهم على رب العالمين الذي لاتخفى عليه خافيه لافي الارض ولافي السماء وكلي امرك الله يابنتي واصبري واحتسب الاجر والثواب عند الخالق عزوجل وتاكدي ان ربنا بينصفك على كل من ظلمك في هذة الحياة ومايفعله اهلك بك هذا حرام لايجوز ومن الظلم الذي نهانا الله عنه في معاملتهم لك والتفرقة بين الابناء ظلم كبير وعظيم عاقبته وخيمة ومن سوء التربية للابناء ان الاب والام يميزووا الابناء عن بعضهم ويسووا المعاملة لشخص عن الاخر كلهذا من قلة الدين وانعدماه في قلوب بعض الاباء والامهات ولاشك انهم مخطئون جدا في هذة التصرفات والافعال اللانسانية والمخالفة لشرع الله وتعاليمه اين الرحمة والشفقة انتزعت من قلوبهم وصاروا كالوحوش الكاسرة لست انت الوحيدة في هذا المجتمع بل غيرك الكثير من الابناء والبنات يلاقوا الظلم والاضطهاد والعنف الاسري من الاهل كوني واثفة من عدالة السماء وان كل ظالم له نهاية وتضرعي لربك عزوجل بان يرفع عنك ماانت فيه من سوء المعاملة والظلم والاضطهاد والعنف في حياتك وان يحفظك الله من كل سوء ويبارك فيك ويؤفقك في دراستك ويهدي اهلك ويحنن قلوبهم عليك خليك صابرة ومتوكلة على الله وهو ناصرك وحاميك من كل شر في هذة الحياة ويسترعليك ويكرمك بكل الخير مهما عملوا معاك لااريدك ان تقابل الاساءة بالمثل لاابد بل عليك معاملتهم بالاحسان والبر بالوالدين واعطاهم حقوقهم عليك وتاكدي ان الله لن يضيعك ابدا ولن يخذلك ابدا وسوف تجنى ثمار صبرك واحسانك لهم في هذة الدنيا وفي الاخرة لك اجر عظيم انما يؤفى الصابرون اجرهم بغيرحساب وتفوزي بجنات النعيم في الاخرة استودعتك الله الذي لاتضيع ودائعه
بصي يا عزيزتي
يمكن تكون اوهام في عقلك
.مفيش اب او ام بيكرهو اولادهم باختثصار انتي حته منهم كيف يكرهوكي. يمكن تكوني مبالغة شوية في وصف تعاملهم معاكي. تاكدي انهم بيحبوكي . يا ريت ترجعي تصلي تاني وتحاولي تقربي من اهلك وتكوني صداقات جميلة مع ناس جمسلة . انتي في مرحلة عمرية حرجة حاولي تكوني قريبة من اهلك وتتعلمي تسامحي ربنا يبارك فيكي