مشاكل الشباب مع البنات

انا مش لاقى البنت اللى احبها

أنا اسمى *** ة خريج كلية حاسبات و معلومات عين شمس عندى ٢٦ سنة.

مشكلتى إنى مريت و بأمر بمراحل وحدة و اكتئاب و مشاحنات ما بين والدتى (والدتى تعبانة نفسيا و عندها مشاكل فى التعامل مع الناس) و كل همها تجرى ورا الفلوس و راجل تتجوزه، و بين أبويا اللى انفصل عن والدتى من و أنا عندى سنة، علاقتى بوالدى متوترة لأنه بيساعدنى ماديا عشان لسه ملقيتش شغل بمرتب كويس و دايما بيفكر فى أملاكه و خايف على ورثه أكتر ما هو خايف على نفسه.

فى وسط كل ده نفسى ألاقى بنت أحبها تخاف عليا و تساعدنى أطلع من اللى أنا فيه، لكن للأسف لسه ربنا ما رزقنيش.

المشكلة الأكبر فى وباء الكورونا اللى حبس الناس كلها فى البيت، و بقيت حتى مش بشرب معسل أو أشوف صحابى (أنا بتكلم على نفسى زى ما أنا عشان اللى بيتريق على موضوع المعسل ده). بقيت قاعد ليل نهار على ال dating apps و أتفرج على البنات اللى شكلها حلو على الفيسبوك و أبعت لهم رسايل تعارف و أنا عارف إنهم مش حيردوا عليا.

أنا مضغوط جدا نفسيا و مش عارف أعمل إيه. حظر و وحدة و عصبية يعنى دمار نفسى شامل.

مشاكل وحلول ذات صلة

اضيف بتاريخ: Sunday, April 19th, 2020 في 15:32

كلمات مشاكل وحلول: , , , ,

2 رد to “انا مش لاقى البنت اللى احبها”

  1. ابواميرة
    25/04/2020 at 22:29

    اخي العزيز السلام عليكم ورحمة الله وبركاته وكل عام وانت بخير بقدوم شهر رمضان المبارك نسال الله ان يهله علينا وعليكم وعلى كل الامة العربية والإسلامية بالخير والبركات وان يرفع عنا هذا الوباء -كورونا -وعن الامة الإسلامية والعالم اجمع بالنسبة لسؤالك عن رغبتك في الجواز ولكن حتى الان مش لقي البنت اللي تتمناها زوجة لك عايزك تعرف يااخي ان كل شيء قسمة ونصيب وانت شاب والمستقبل قدامك فلاتجعل الياس يسيطر عليك وعندك شهادة حاسبات ومعلومات وفرص العمل متوفرة امامك تقدر تلاقي الشغل المناسب لك وربنا بيكرمك ان شاء الله طالما انت طموح ومتوكل على الله لاتجعل ظروف الحياة التي مريت بها وانفصال والديك توثر عليك اعتمد على نفسك وخليك واثق من روحك ومتفائل بالخير دوما ولن يخيب الله امانيك ابدا وشهر رمضان فرصة عظيمة لاجل تحرص على أداء صلاتك وتتقرب من ربنا عزوجل اكثر وتبتعد عن المحرمات والمعاصي وتصون نفسك عنها فالصيام جنة واسعي لمرضاة الله عزوجل بان تحسن معاملتك لابوك وامك وتعطي كل منهما حقه في البروالاحسان عشان ربنا يرضى عليك ويؤفقك طوال حياتك وسوف ترى الخير والسعادة طوال عمرك وربنا بيرزقك من حيث لاتحتسب وكل امورك مقضية باذن الله تحياتي لك

  2. Lm200
    23/04/2020 at 09:03

    هذه المهمة ليست من اختصاص البنات ، البنت تتزوج تريد رجل يحميها ويسترها ويخاف عليها ويكون لها اسرة وبيت واولاد تقر بهم عينها وتسكن اليهم نفسها ويساعدها الرجل ، لا تريد عالة يحتاج امرأة تساعده وتعالج العاهات التي يعاني منها او صنعها هو بنفسه بالمشي وراء المنكرات ، خليك بالبيت واذا انتهى الحجر الصحى انزل على المقهى واشفط المعسل حتى يقضي الزمن في امرك

اترك رداً أو حلاً لهذه المشكلة