اولا انا بنت عندي 14 سنه وكل لما اسمع كلمه. فرح او حنه او اي حاجه فيها رقص اهرب منها واطلع ااي حجه عشان مروحش معرفش انا ليه كده ممكن عشان مش بعرف ارقص انا بجد تعبت لما اشوف البنات بترقص مش بقدر اقوم من مكاني بحس اني بتشل حتي مش بكون قادره اضحك حاسه اني مش زي البنات انا بجد بجد تعبت ايه الحل ممكن لو اتعلمت. الرقص الشلل ده يروح ولا ايييييه
عادى ماانا مبعرش ارقص ومبحبش الافراح
بسم الله الرحمن الرحيم – ليست المشكله في إنك تعرفي ترقصي أو متعرفيش لا لا لا مفيش بنت متعرفش ترقص ونصحتك المعلقه الكريمة (إيمان) بتعلم الرقص إذا كانت هذه مشكلتك – لكن أنتي لست مطالبة بأن تكوني راقصة بارعة ولا حتى راقصه بس لكن تقوقعك على ذاتك في عدم ذهابك إلى الأفراح يعود لشعورك بأن البنات اللاتي يرقصن يجتذبون الأنظار منك وهذا ليس صحيحا بالمرة – في الأفراح تجلس نجمات على مقاعدها يجتذبن الأنظار وعدسات الكاميرات ويكن متألقات – هذا ومن ناحية أنك تريدين أن تتعلمي الرقص خصيصا لارتيادك الأفراح هو انتى بتروحي الأفراح دي يوميا مش بالكثير كل 10 أو 15 يوم فرح وحسب ظروفك ؟ ولا إنتي مصممة تعملي مسح للأفراح وتاخديها مقاولة من الباطن وهات ياهز وسط – وبعدين من امته البنات اللي بترقص في الأفراح يكن موضع احترام من المجتمع ؟ أنا لا أتهمهن بالخلاعة لا سمح الله لكن مجتمعنا شرقي ونظرتنا للأمور مازالت ضيقة – إذهبي إلى الأفراح وان رقصتي رقصتي مرقصتيش انشاللا مارقصتي – الفرح بيكي بلاكي هيتعمل وعقبالك لما يرقصولك وترقصي مع عريسك
يابنتي مشكلتك هي الكسوف والخجل من الناس والبعدوالانظواءعنهم وده سلوك خاطئ وله عواقب وخيمةاخرجي من عزلتك وشاركي اهلك واقاربك واصدقائك افراحهم وعيش حياتك مثل بقية البنات متحلية باخلاقك وادبك وتربيةاهلك وبلباس محتشم وايه المانع انك ترقص مع البنات دون الاختلاط تجدي الفرحةوالبهجةوالسرور وجبرالخواطر شي مستحسن بين الناس وربي يسعدك ويوفقك
مشكلتك هي عدم ثقتك بنفسك .. ما تتكسفيش وقومي شاركي الناس فرحتهم يعني هي ليلة وتعدي وفرصة تفكي عن نفسك يعني ولو حابة تتعلمي الرقص اتعلميه ايه المشكلة الفيديوهات مالية اليوتيوب ولو العلام مجابش نتيجة عوضيها بالتصقيف 🙂 وهو الرقص ايه غير هز اكتاف عندنا اصلا
لا انتي لو رقصتي تجيبي الشلل لنفسك لا ترقصي احسن