البنات المراهقات

حاسة ان استاذى بيحبنى

اضيف بتاريخ: Sunday, May 10th, 2015 في 23:26

كلمات مشاكل وحلول: الحب, المراهقة, بنت, سن المراهقة, شاب

11 رد to “حاسة ان استاذى بيحبنى”

1. ابوالبتول

   

   02/08/2016 at 23:14

   يابنتي الحبيبة ده شخص سافل وحقير وبلا دين لااخلاق وتصرفاته معك توكد هذا الكلام وينبغى عليك ان تتركي الدرس عنده فورا ودون تاخير وتخبري امك بالحقيقة عشان تخلصك منه وممكن تدرسي مع احدى زملائك المتفوقات وتساعدك على المذاكرة وصدقينى هذا المدرس السافل يتربص بك حتى يوقعك في المهالك فهو شيطان احذري منه واعرفي كيف تصوني شرفك وكرامتك واياك والاستمرار معه بحجة انه يدرسك ليه مافيش مدرسات ولاعاجبك الوضع ده اطردوه شر طرده من بيتكم والله يسترعليكي ويوفقكي في دراستك كيف تريدين النجاح والتوفيق وانت شايفة الحرام ولاقادرة تطرديه من حياتك
2. ست البنات

   

   04/12/2015 at 18:38

   بصي حتا لو كان بيحبك لا يمكن اهلك حيوافقو انك تتجوزي شخص متجوز وعند اطفال
   وبعدين طالما كان بيبص على جسمك يبقا ده مش كويس وطالما انتي ف للثاتوي يبقا لازم تذاكري كوس وتخلي بالك من نفسك كويس عشان ممكن يعمل حاجه مش كويسه ولما يسالك على حاجه خاصه بيكي جاوبي فالازم تساليه ليه ي مستر بتسال؟؟؟؟!
3. هايدى

   

   24/05/2015 at 14:16

   بالنسبه للهانم (نبيلة) اللى داخله شمال ف البنت ياعينى
   حضرتك انا قرفت لما قريت الكومنت بتاعك لانه وضحلى قد ايه انتى انسانه سطحيه وبجد تثيرى الاشمئزاز انتى من الناس اللى بتشجع التحرش والاغتصاب وشايفه ان البنت هيا الغلطانه ف كل حاجه والراجل ياعينى هوا ضحية الاغراءات والالعيب انا عاوزة اسألك سؤال بس انتى تعرفيها ؟ تعرفى ظروفها ازاى ؟ وبما انك بتقولى ان البنات بتحب تحس انها جميلة ف عين الرجاله انا عاوزة اقولك مش معنى انك انتى بتحبى تبقى حلوة ف عين الرجاله يبقى تعممى القاعده وتقولى ان كل البنات كدا لا انتى بس اللى كدا ودى اكب طموحاتك ف الحياة انتى والبنات التافهه اللى زيك ربنا يشفيكى من المرض اللى انتى فيه وبعدين البنت احنا مانعرفهاش اصلا يعنى هيا مش مضطرة تيجى وتمثل علينا دور الضحيه ولا حاجه يعنى لا هيا تقدر تعمل كل حاجه هيا عاوزاها واحنا مش هنقوؤ حاجه ولا هنحاسبها
4. هايدى

   

   24/05/2015 at 14:10

   بصى يا حبيبتى احنا مانعرفش نيته ايه وهوا بيعمل معاكى كدا ليه وانا خايفة زيك نظلمه بس انا عاوزة اقولك حاجه انا بابا متوفى بردو وعارفه احساسك انك نفسك تجربى احساس الابوة ومابتصدقى حد يقولك انتى زى بنتى وبتتعاملى معاه على هذا المنطلق انه باباكى وانتى بنته بس ياحبيبتى انا اكبر منك ومجربه مافيش حد هيعاملك على انك بنته بجد لسبب بسيط انتى مش بنته يعنى كلمة انتى زى بنتى دى كلمه بيقولوها الرجاله عشان يقولولك انهم مش عاوزين منك حاجه وان غرضهم شريف مش اكتر فانتى ماتبعديش عنه فجأه ولكن بالتدريج عشان انتى مش هتعرفى تبعدى ف الاول والسنه قربت تخلص الحمد لله وتفريبا مش هتشوفيه تانى لكن دا مايمنعش انك تخلى بالك من نفسك ومن علاقاتك مع الناس تكون لها حدود وربنا يوفقك
5. نبيلة

   

   15/05/2015 at 11:30

   طبعا وانتى البنت البريئة اللى الايشارب رجع منك بدون قصد علشان صدرك يبان وبردوا مش قصدك تلبسى لبس ضيق قدامه علشان يفصل جسمك ولا اى حاجة انا بنت وعارفة ان شعورنا فى اظهار جمالنا وابراز جسدنا علشان نشوف الشهوة فى عيون الرجالة حاجة جوانا بس ارجع واقولك اللوم عليكى مش على المدرس انتى اللى استدرجتيه وعاملة نفسك الضحية وانا اأكدا لك انك لو عاوزاه يبعد عنك هتعملى اى حاجة وانتى مش محتاجة مشورتنا بكلمة منك هتبعديه خالص عنك
6. Soooo

   

   13/05/2015 at 06:30

   اختي العزيزه بما أن الأمتحانات قربت فقولي لمامتك انك عايزه تتفرغي للمذاكره طول الشهر الجاي والدرس اللي في البيت هيضيعلك وقتك واظن انها مش هتجبرك على حاجه انتي مش عايزاها انتي بس جربي اللي قولتلك عليه
   المهم ياروحي بلاش تقعدي معاه لوحديكم وخففي من علاقتك معاه يعني لو لقيتيه بيهزر معاكي طنشي كأنك مسمعتيش حاجه ولو سألك عن حياتك الشخصيه جاوبي بأختصار خليه يحس انك مش طايقاه لأنه شكله مش تمام
   انا نصيحتي ليكي نصيحه اخت الصنف اللي زيه الأبتعاد عنه غنيمه ربنا يستر عليكي وعلينا من اللي زيه .
7. انا صاحبة المشكلة

   

   12/05/2015 at 11:07

   يا جماعه هوا بيدينى المجموعه العامة بفلوس بالاضافه الى درس خاص لوحدى دا بقى اللى من غير فلوس يعنى انا بدفعلى تمن العامة بس وهوا دايما يقول لماما دى زى بنتى وماما ادتله فلوس قبل كدا ومارضيش ورجعهم تانى بجد انا مش هينفع اسيبه عشان انا ثانوية عامة وامتحاناتى الشه الجاى ومش هينفع اقول لماما لان ماما هتعمل مشكلة كبيرة معاه وممكن تبهدلنى انا وهتشك فيا عشان انا مش قريبه من ماما خالص
8. mai

   

   11/05/2015 at 09:12

   خلى باللك فى ناس كده معندهاش ضمير صدقينى حصلت مع حد قريب منى كان بيعملها كدة وطلع انو بيستدرجها واحدة واحدة لحد مالغلها عقلها خالص ودخلت معاه فعلاقة وهو بردو راجل متجوز ومخلف وهى 18 سنة وهو 37 خلى باللك
9. Soooo

   

   11/05/2015 at 06:15

   حبيبتي بلاش يديلك درس لوحدك لأن اللي فهمته من المواقف دي انه مش بيبصلك زي بنته مفيش اب في الدنيا يبص لبنته بطريقه مش كويسه ولاحظي انه مش ابوكي والشيطان شاطر بصي ياحبيبتي لو هيديكي درس يبقى في مجموعه بنات مش لازم يروحلك البيت
   ياروحي النوايا دي ربنا يعرفها وحده بس متحطيش نفسك في موقف بايخ ولاحظي ان دي خلوه وحرام خصوصا لما الكلام مش عن الدرس وبس لأ ده بقى شخصي وربنا يسترها علينا وعليكي
10. نصيحة من أخ

    

    11/05/2015 at 02:48

    بصي يا بنت الحلال … الظاهر كده ان الراجل ده نيته مش تمام ودخوله البيت لو مفيش راجل فيه حرام ومش من الاصول … وقعادك معاه لوحدكم كتير غلط كمان.. وانه يبص ليك يا بنت عمي غلط خالص ويا ريت تاخدي بالك في أي وقت تاني من ظهور أي مللي من جسمك لان أي حد ممكن يفهم حاجة زي دي غلط لا سمح الله

    انا بنصحك لان عندنا اعراض وبنات ربنا يسترهم … وبلاش توجهي عواطفك للشخص ده او لغيره واستني لعند اما ربنا يكرمك بابن الحلال اللي تديله كل العواطف والمشاعر اللي عندك
11. اشرقت

    

    11/05/2015 at 00:49

    بص يا قلبي اعتبرني زي اختك الكبيرة المستر بتاعك داه مش مريح خالص قولي لمامتك نفس الحكايه لو سمعتك الحمدالله لو هي عصبية و من النوع اللي ما يسمعش قولي لها انا مش عايزة الراجل يدرسني مش بيشرح كويس و بيضيعلي وقت صدقني حبيبتي داه انسان غير محترم و مدام حالتكو المادية تسمح انك تخدي درس بالفلوس ليه لا و بعدين لو انتي في مجموعه شدي حيلك و لا داعي انو يجي البيت و يستغل مراهقتك! غريب دروس خصوصية ببلاش في مصر !!! مشي الراجل و الغي صداقة ع الفيس ربنا يوفقك و يحفظك =) ادعيلي معاكي ^_^