هموم البنات

هل فقدت القدرة على الحب

انا بنت عمرى18 سنة (داخلة اولى جامعة)…..المشكلة انو صحباتى دائما بيقولوا عنى انى معقدة ….والسبب هو انى عمرى محبيت ولا كلمت ولد ولاسمحت لاى ولد ان يكلمنى(انا عندى فلسفة فى الموضوع دة شوية) انا باختصار عندى اخوات متزوجين وهما اتجوزوا جواز تقليدى (وان كنت شايفة ان فترة الخطوبة كانت ناجحة جدا) علشان كدة انا فى بداية سن المراهقة فكرت فى موضوع الحب بعقلى (يعنى قولت ان انا اكيد هتجوز مثل اخواتى …وكنت دائما بشوف بنات صحباتى بيتعذبوا من الحب فانا قفلت قلبى خالص لحد اما اتخطب وقلبى وكل مااملك يكون لخطيبى فقط …غير كمان ان ولااخلاقى ولا تربيتى ولا دينى يسمحولى بانى اكلم ولد غريب عنى (انا بحب انى اكون مثل القمر الناس كلها تشوفوا من بعيد بس محدش يقدر يلمسوا.. وانا الحمد للة جميلة وفى ولاد كتير بيحبونى طبعا لاخلاقى واحترامى اولا واخيرا ومفيش اى ولد منهم يتجرا انو يحاول يعرض ان يكلمنى.. انا عندى سؤال بليز كل ولد يرد علية ..انت ترضى ان اللى انت هتخطبها تكون بتكلم حد غيرك قبل الخطوبة ولا تحب ان تكون انت اول واخر راجل فى حياتها ؟؟؟؟؟؟؟؟ ..انا على عمرى ما كلمت ولاد خالص ولا على النت ولا غيرة ..هل انا غلطانة علشان عايزة احافظ على نفسى وسمعتى وسمعة اهلى ؟؟؟؟؟؟؟ وهل انا فعلا معقدة؟؟؟؟ اسفة على الاطالة

مشاكل وحلول ذات صلة

اضيف بتاريخ: Friday, August 31st, 2018 في 06:33

كلمات مشاكل وحلول: , , , , , , , , ,

7 رد to “هل فقدت القدرة على الحب”

  1. ابواميرة
    04/04/2020 at 11:30

    اتفق مع كل الاخوة -البرنس – أبو البتول – محمد محاسب – عمربلال – في كل ماقالوا لك هذا هو الراي الصحيح والصايب أتمنى انك تستفيدي من كل ماذكر لك وتطبيقه في حياتك وربي يؤفقك ويستر عليك ويسعدك طوال حياتك

  2. البرنس
    06/07/2019 at 00:40

    انت اللي صح وهم غلطانين والف تحية لك ياليت كل البنات زيك كدا قمة في الاخلاق والتربية والادب والاحترام استمري على كدا والقافلة تسير ولايضرها نباح الكلاب

  3. اخو البتول
    05/02/2019 at 17:12

    انا زيك تمام ولما عرفت من المواقع الإسلامية عالنت أن الحب او العشق حرام ماعدا أنه يكون بين الازواج.
    قلت الحمد الله أنه هداني بالعقل قبل الدين

  4. أحمد
    09/12/2018 at 23:37

    انا ولد ومشكلتي زيك بالضبط ومش عارف انا معقد ولا لا بس انا بفكر زيك بالضبط تفكير عقلاني بعد مشوفت اللي حصل لاصحابي..!

  5. محمد / محاسب
    05/09/2018 at 15:28

    بصراحة انتي صح والكل غلط – دي الحقيقة البنت زي الجوهرة الثمينة مكانها الفترينة الجميلة – اما البنت اللي بتسمح تكلم الشباب دي زي الفاكهة المكشوفة اللي بيعف عليها الذباب – دا رأيي بصراحة وانا قريت كتير وعرفت كتير من مشاكل البنات اللي متخطرش علي بال حد كتير بنات بتساهلوا مع الشباب واذا اتشبكوا قال يعني دا فتح ليهم طريق الانحراف مع خطيبهم حاجات كتير لا يصدقها عقل ولا مجال للسرد فيها- خليكي علي مانتي والمثل بيقول كل فولة ولها كيال يعني علي اد اخلاقك ربنا هيرزقك بالعريس اللي يستاهلك- ربنا يوفقك وكل عام وانتم بخير .

  6. ابوالبتول
    04/09/2018 at 07:28

    لايابنتي الحبيبة انت صح مليون مرة في الشئ اللي عملتيه بارك الله فيك ونعم الاخلاق والتربية اللي انت عليها ياليت كل البنات مثلك كدا اوعي تتاثري بكلامهن لك ولاتنخدع بكل تصرفاتهن وكلامهن لك اهتمي بدراستك ومستقبلك وربنا يؤفقك ياست البنات ويكرمك ان شاء الله بكل الخير في حياتك وتلاقي نصيبك مع ابن الحلال اللي يستاهلك ويسعدك طوال عمرك

  7. عمر بلال
    03/09/2018 at 00:26

    تتكلمي في ماذا في حب وصداقات وعلاقات والا مع الزملاء كلام لا بد منه انا لا اعرف جامعتكم بيدرسو الشباب مع البنات والا اين تكلميهم اكيد لازم تكلمي اولاد ، ولو من سيتزوجك سيكون من زملاءك بيعرف مين تكلمي وفيماذا ، انا بصراحة حاشر نفسي هنا ولا انا عارف اي شيء، لكن اشارك ، اللي تتعامل مع الناس في حدود الادب وتتكلم في اي شيء ضروري سلام وجواب على سؤال واعطاء معلومة وهكذا لن يضرها ، مع ان اسلوبك يبعدك عن كثير من المشاكل اللي انتي في غنى عنها ويريح قلبك من المتاعب والتشتت ،انا لا اهتم بما قبل الزواج الا اذا وصل للممنوع مع اني غيور جدا ولكن من بعد الخطبة والارتباط هذا يكون اكبر هم وقلق في حياتي ، انتي لست معقدة ولكن لديك منهج لحياتك ومبادئ وهي جميلة بالفعل الا انه لا بد ان يكون لها حدود لاتبالغي وترهقي نفسك والناس يعرفو الصح من الغلط والمباح والمحرم لاتحرمي حتى السلام والمعروف من الكلام واكيد انتي كمان تعرفي الحرام والغلط في ماذا يكون ، هذا رأيي ولكل شخص رأيه وثقافته في الحياة

اترك رداً أو حلاً لهذه المشكلة