امي انسانه ما تحب الأغاني ابدا، ف حلفت و حذرتني اني اذا غنيت راح تأخذ تليفوني وتبيعه،يا يوم سمعتني اغني سهوا وشلت التلفون مر أسبوع واسبوعين والتليفون عندها بس بعدها ما باعته.
تغير اسلوبي شوي فهالمدة وصرت اسمع الكلام وانفذ كل شيء بس بطريقة استفزازية و صرت باردة و ما ارد صرت حاسة بالتغيير هذا بداخلي قبل ما يكون أسلوبا بس
بعد أسبوعين يا خبر ف مدرستي ان بنروح رحلة وكان مسموح فيها باحضار التليفونات،فرحت بس زعلت بنفس الوقت لان ما كان عندي تليفون وقتها،حسيت بنقص و فراغ كبير داخلي وخصوصا لما اشوف ربيعاتي يخططون للرحلة وانا ساكته حسيت انه مش مهتمين فيني اهلي بالشكل اللازم.
يا يوم رحت عند ابوي قلت له بابا الله يخليك بقولك شي بس لا تعصب اباك تقنع امي ان ما تبيع تليفوني،قالي هاي مشاكل بينكم وانا ما يخصني و ما بتدخل،رحت غرفتي و بكيت لين ما عيوني م عدت اشوف فيها و صرت حاسه انه خلاص ما بقى لي حد من هالدنيا.
يدتي جاية عندنا زيارة فهالفترة وكانت موجودة وتعرف كل شي و كل يوم تواسيني وتقولي اتا كلمت امج وباجر بترجع لج التلفون لا نزعلين وانا اعرف انه ما كلمتها وحتى لو كلمتها امي من النوع اللي يا جبل ما يهزك ريح مسنحيل أي احد مني والدرب بيقنعها.
امي من زمان كان خاطرها بطقم وابوي كان يقولها اصبري شوي وهذا،امي وداها تشتري وهو ابوي من النوع اللي ابدا ما يحب يتمشى وايد ف راحوا هم الاثنين سوق الذهب وقبل ما يروحون م كنت اعرف أصلا وين بيروحون،يت عندي امي قبل ما تطلع وقالت لي:
امي: يلا حبيبي انا طالعه اذا اذن المغرب لا تنسين تصلين صلي ع الوقت ها؟-وهي تعدل شيلتها-
انا:اوك.
يلا حبيبتي تعالي بوسيني-وهي جايه عندي بتحظني و تبوسني
انا:-مديت لها خدي وانا اشوف شاشه اللاب توب-
ماما: ما بتبوسيني؟
انا:لا.
ماما:و-وهي تبتسم ابتسامة اللي يسمونها خيبة امل-الله يهديج يبنتي وطلعت.
راحوا وتاخروا شوي و يوم رجعوا كانت امي مستانسة وايد وتراوي كلحد الطقم ويت راوتني انا ابتسمت ابتسامه برود ع طرف و قلت لها حلو و قمت.
قبل ما اروح انام رحت الصالة وامي وابوي كانوا قاعدين هناك سلمت على ابوي وقلت تصبح ع خير وسلمت على امي وقلت لها تصبحين ع خير و ايوه كنت بنسى لبس العافية ورحت نمت.
فااليوم الثاني رحت المدرسة ورجعت ونمت، كنت نايمه ويت امي بتقومني حق صلامة المغرب وقومتني بطريقة كانها فالدفاع المدني وشمختني حتى بس قالت انه بالغلط،صليت وييت بيلس ع السفرة وابوي كان محد طالع دبي،كان في عزيمة مسوينها بنات صفنا الصبح وقالوا انه باجر لازم كل وحدة اتييب اكلة،قلت حق امي الاتي:
انا:ابا اروح كارفور أبا اشتري أغراض عسب بسوي سويت حق باجر بوديه المدرسه
ماما:ليش انشالله شو عندكم شو مسوين المدرسه؟
انا:مافي شي في اللي في أبا اسوي سويت ومافي اغراض وابا اروح كارفور بس
ماما:انا تعبانه وتوني رادة من الدوام اذا يا ابوج خليه يوديج
انا:هه ولا والله ع أساس ابوي بيوديني؟
ماما:خلاص عيل انا تعبانه ما بوديج
انا: خلاص يوم ايي انا اخبره،يعني تودينه وتتمشون ف سوق الذهب ساعتين ويشتري لج كل الاطقم اللي تبينها وانا م يوديني كارفون بنجوف
ماما: هه هذا ويهي أصلا اذا وداج يرد هو تعبان من دبي و يوديج بعد كيفج بتجوفين
انا:تمام بنجوف
رحت غرفتي وبكيت بكى الموت واحاول اهدي نفسي و هديت وقعدت افكر وافكر لين ما حسيت ان مخي بيطير من مكانه،رحت جلست فالصالة معاها وصار هالموقف:
انا:ساكتة و اشوف التلفزيون
ماما:-تكلم خالي- روح ودي غانم الدكان اشتري له اللي يبا حشرني
خالي:اوك
انا:طالعت امي بنظرة اللي نعم؟
ماما:تبين تروحين نتي؟
انا:هيه بسير
ماما:شو بتشترين اول شي؟
انا: في كيكه بسويها وانا اوصف لها بايدي و ابتسم ابتسامة الغصب
ماما:ع هالاسلوب الخايس مافي شي وبتنحرمين من كلشي تتحرين ان اذا سويتي دي و استوا اسلوبج خايس بعطيج التلفون يعني؟ترا كله بيرجع لج انتي اللي بتخسرين ربج وامج،والتلفون ببيعه و والله العظيم ببيعه
انا:ما قلت شي انزين؟اي أسلوب ما اسلوب؟بالهنا بيعيه،هه يعني هو ما بييب لج شي اطرافة كلها الله يعلم بحالها بس هو جي يعني السالفة عناد
ماما:اييب اللي اييب انا ببيعه واتفقنا انا وابوج أصلا وبنبيعه يعني شالفايدة منه ينحط جي؟اللهم ابيعه
انا:هه لا والله؟ابوي ما قال،لان انا كلمتة وقالي ما بتدخل
ماما: والله العظيم قال وانا حلفت بعد وهو أصلا قالج ما بتدخل عشان أصلا ما يباني ارجعه لج لانه يجوف انه مب مناسب لج أصلا فهالسن،وحتى لو تدخل وقالي عطيها التلفون انا ما بعطيج،لا تتحرين ان بالأسلوب بتيبين راسي انا ما امشي جي
انا:اوك
رحت الغرفة وقعدت مع نفسي شويورجعت الصالة وقلت لها:
انا:ابا اكلم بابا-وانا مادة ايدي يعني عطيني-
ماما:يودي-وهي تعطيني-
رحت الغرفة واتصلت اعلى ابوي وكانت المحادثة كالتالي:
ابوي:الو هلا بابا شتبين؟
انا:اييب لي وياك أوراق حق الطباعه A4 تمام؟
ابوي:شهالاسلوب؟دريول عندج انا تكلمين الأكبر منج جي؟عدلي اسلوبج لا ايي البيت واسلخج لين ما تموتين
انا:بابا شفيك ما قلت شي انت قلت شتبين وانا قلت لك اييب أوراق وياك بس انت ما فهمتني
ابوي:لا امبلا انا اسمع وهالكلام ترا ما يمشي علي،ويلا باي ماشي أوراق وسكر الخط علطول
رحت عند امي وعطيتها التلفون ومشيت،وقعدت فالغرفة شوي،يا اخوي الصغير و قالي ماما تباج قلت له انا؟قال هيه عشان تكلمين بابا
رحت علطول الصالة وقالت لي شو تبين من المكتبة؟قلت لها أوراق A4 قالت لي بس؟قلت لها هيه وقالت حق ابوي أييب لي،قبل ما تسكر الخط على ابوي قلت لها عطيني بكلمة شوي والمحادثة كالاتي:
ابوي:هلا بابا
انا:الو بابا اسفة ع اللي صار قبل شوي بس مب قصدي والله انت ما فهمتني
ابوي:ادري بابا مب قصدج حبيبي بس لازم ما نكلم الأكبر منا جي نزين حبيبي لازم نعدل اسلوبنا مع الناس عيب جي يعني لو حد ما يعرفج سمعج تقولين جي شو بيقول؟بيقول هاي قليلة ادب صح ولا لا؟لازم نعدل اسلوبنا يا بابا ويلا خلصا لا تصيحين انا بييب لج الأوراق
انا:اءء اوك بابا شكرا باي
ابوي: باي
ورجعت التلفون حق امي وصار كالاتي
انا:حطيت التلفون ع الطاولة ورحت بمشي وقالت
امي:اعتذرتي حق ابوج؟
انا:لفيت عليها وقلت- بيني وبينه
ابتسمت هي وانا رحت.
وللحين هاي الاحداث والله وأتمنى تفيدوني بحلول أبا حل اقنعهم ياخذون لي تلفون يديد كان خاطري فيه من زمان وهم يعرفون هالشي أبا حل ان اقنعهم ياخذون لي تلفون خلال أسبوع ونص بس،ولحد يتفلسف ويتم ينصح ترا ادري اسلوبي تغير بس غصبا عني يعني هم اللي قاعدين يسوونه ترا ما يرضي؟وانا اللي مزعلني امي اللي مب طايعة تفهم على حسب مزاجها تعاملني وانا مب جي الصراحة ماحب يعني،وغير هذا اللي قاهرني بعد اني دوم كنت أقول حق ابوي بابا الله يخليك اشتري لي Iphon 6s اليديد اباه وكان يقولي عندج تلفون حق شوه بعد ها،واحين راح مع امي ماشالله علهم واشترا لها طقم ب ثلاث الاف و اكثر و عادي عنده وانا كله بس لا لا لا لا عمري ما طلبت شي وياني نفس الوقت او يقولون لي هيه يعني جد قهرتني حركة اللي امي يشتري لها اللي تباه وانا اكل زق،وبس والله يريت تعطوني حلول بأسرع وقت ولحد يبخل علي بالحلول.
وشكرا حباييبي.
اختي الفاضلة كم عمرك الله يحفظك ويبارك فيك حبيتي الظاهر انك ماعندك اسلوب تربوي عشان تخاطبي امك ولاابوك وكانهم عندك زي اصحابك اورفيقاتك في المدرسة عيب عليك هذةالطريقة والاسلوب في التعامل مع الوالدين عشان امك اخذت التلفون حقك منشان ماتسمعي اغاني وخرابيط تزعلي منها وماتبي تكلميها كل تصرفاتك مع الاهل توحي بانك فتاة بلااخلاق ولاتربية دي الحقيقة رضيت ولا بطقاق على قولتكم الادب فضلوه على العلم وهومقياس للانسان في هذي الحياة بدون الادب والاخلاق الانسان مايساوي شي ولاله قيمة حتى لوكان معه مال قارون اوحاصل على اعلى الشهادات الجامعية ترفقي بامك وابوك وبوسي راسهم كل ماتشوفيهم وتحملي واصبري على كل شي يسوونه فيك وتعاملي معهم بكل ادب واحترام عشان ربنا يرضى عليك ويوفقك في حياتك كلها صدقينى ماتعرفي قيمة الكلام اللي قاعد قوله لك الايوم تتزوجي ويجوكي عيالك ساعتها هتعرفي قدر الوالدين ومكانتهما وتتمنى انك ماسويت فيهم كذي وتتحسفي على كلامك لهم الله الله الله في الوالدين واحمدي الله واشكري فضله انهم معك وانك مومحرومة منهم واحسنى اليهم وبري بهماوالسمع والطاعة لهما فهماسببا وجودك بعدالله في هذى الحياة وهما يدخلانك الجنة وكل شي يهون على شانهما ربي يبارك فيك ويهديك ويصلحك ويجعلك من خيرةالبنات البارات بااهلهن ويوفقك ويسعدك في حياتك