التحرش الجنسي

اتعذب بسبب التحرش الجنسي من حمايا بشكل دائم

انا عندي 29 سنة واتجوزت عن حب لكن المشكلة الوحيدة اللي كانت وافقة قصادنا قبل الزواج واللي كانت مخلياني مترددين انا واهلي حتى قبل ما نعمل الخطوبة هي كلام الناس عن والد زوجي وانه راجل خمورجي وبيسكر كتير جدا لدرجة ان ولاده وازواج بناته مش بيحبوه يقعد معاهم عشان ولادهم ميشفوهوش وهو بالحالة السيئة دي لكن انا صممت وقلت عادي انا هتجوزه هو مش هتجوز ابوه

بعد فترة من الزواج تعب حمايا وجوزي عرض عليه انه ييجي يقعد معانا بس بشرط يبعد عن اي حاجة ممكن تخرجه عن وعيه وهو وافق وفعلا في الاول بطل يشرب اي حاجة وكان بيتصرف طبيعي لكن فجأة رجع تاني يشرب وكان بيتصرف معايا بشكل غير لائق وجوزي علطول اصلا بره البيت عشان اوقات العمل بتاعته طويلة جدا وانا مش بشتغل وقاعدة في البيت وحمايا كمان قاعد وكنا بنضطر نفضل لوحدنا فترة كبيرة لاحظت انه بيحاول يقرب مني بشكل مش طبيعي ومش بيراعي اني مرات ابنه غير انه ساعات بيدخل عليا وانا نايمة لوحدي وانا مش طايقة الوضع ده ولا عارفة  اقول لاهلي ولجوزي ايه ابوك بيتحرش بيا مثلا وهو هيصدق مين فينا وممكن تفكيره يروح لبعيد ويفتكر حصل بيننا حاجة اانا بجد محتارة وقرفت من الوضع ده بفكر اسيب البيت واروح لاهلي من غير ما احكي لاي حد اي حاجة

او ممكن اعمل ايه ياريت تفيدوني

مشاكل وحلول ذات صلة

اضيف بتاريخ: Monday, November 1st, 2010 في 04:51

كلمات مشاكل وحلول: , , , , , ,

34 رد to “اتعذب بسبب التحرش الجنسي من حمايا بشكل دائم”

  1. ابوالبتول
    10/08/2017 at 00:05

    اتفق مع الاخت -سهيلة- في كل ماقالت لصاحبة المشكلة وارى ان كل ماقالت هوعين الصواب والراي الصحيح وبالله التوفيق

  2. الاستاذ
    08/05/2014 at 04:12

    اضربيه بالجزمه

  3. اتقوا الله
    25/02/2013 at 01:38

    الله أيكون في عونك
    الأفضل وضع كاميرا خفية داخل الحجرات لتثبتي لزوجك انه حاول التحرش بك
    بالتوفيق

  4. gftrdv
    23/05/2011 at 16:25

    اتكلى على الله واعملى ترباس كويس للحجرة وطبعا جوزك هيسال قولولية الاحتياط واجب مع واحد بيشرب وربنا معاك ويحميك

  5. جنه
    19/02/2011 at 19:36

    هقولك لية مش تتفقو مع اخواتو كل واحد يدفع مبلغ عشان تأجرولو شقة يعيش فيها لوحدو و يبقه في جدول كده كل حد يروح يطل عليه مرة ف الاسبوع ولا مرتين ؟؟؟

  6. سهيلة
    15/02/2011 at 03:40

    بصى انتى بتقولى ان زوجك شرط عليه انه يقعد معاكوا فى البيت بس يبعد عن الشرب انتى بتقولى انه رجع للشرب استغلى الفرصة دى وبدل ما تقولى لجوزك على موضوع التحرش ده قوليله مااقدرش اقعد مع راجل بيشرب فى بيت واحد وانت بتسيبنى معاه طول النهار فده وضع غلط والله اذا اتخذ موقف ورجعه بيته ماشى ماعملش اى حاجة رايى تروحى بيت اهلك افضل لك ولما تسالى قولى الصراحة لان لو فضلتى فى البيت ده حاتقعى فى الغلط غصب عنك وحايبقى اغتصاب حاتعملى ايه ساعتها جوزك واهلك حايقولولك ليه ما قولتيش وربنا يبعد عنك كل شر

  7. muslim
    14/02/2011 at 23:40

    متقوليلوش انه بيتحرش بيكى على طول كده بس قوليله انه رجع يشرب وانه دخل عليكى قبل كده وانتى نايمه وان ده حرام هو اكييد هيقدر

  8. مصرى مسلم
    30/01/2011 at 14:49

    والله لو انتى عاوزة تحصل حاجة وتطور الامور ويتجرأ عليكى اكتر من كدة وخاصة انه راجل لا يراعى ربنا وبيشرب خمر والخمر هوة رأس كل خطيئة خلاص خليكى ,,,,, لكن لو عايزة ربنا يسترك انتى وزوجك وانا مش شايف واحدة شريفة وعفيفة ترضى بحد يتحرش بيها لحظة واحدة وتسكت علية ولا انتى عاجبك الحال ,,,, اسف جدا اذا اسأت ادبى فى الكلام ,,, يا اختى اما تدرين انه عندما سئل رسول الله عن الحمو فقال الحمو الموت ( الحمو هم أهل الزوج ) والله اتمنى انك فى التو والحين تسيبى البيت ومش لازم توضحى الاسباب وابعدى بنفسك عن شخص شارب للخمر وعدة الله يوم القيامة ان يشرب من طينة الخبال وهية عصارة اهل جهنم وربنا يسترك وتشجعى واحفظى كرامة زوجك الله يهديكى قولى آ مين

  9. الجزار0
    22/12/2010 at 01:36

    ياسبحان الله امرك غريب فعلا 0الناس حذروكى من افعاله واقرب الناس ليه رافضين يشوفوه وهوا كدا انتى غامرتى على حساب راحتك ونفسك يامدام قولى لجوزجك بمنتهى الشجاعه اواعملوا جدول للخمورجى دا يجلس كام شهر عند كل واحد من اولاده لترتاحى قليلا او يتوب الله عليه ويعافيه او يقبض روحه 0الله المستعان

  10. أبو عبد الله
    20/12/2010 at 12:28

    أختي الكريمة -حفظك الله- عليكي بإخبار زوجك ولكن أفضل أن تذهبي لبيت أهلك أولا ثم تتصلي على زوجك ليأتي لك عند أهلك ثم احكي له ما يحدث ولكن بينك وبين زوجك فقط حتى لا تحرجيه أمام أهلك وحتى تستري على والده فالله أمر بالستر قبل أي شيء. وأنه يجب أن يجد حلا لهذه المشكلة خوفا من وقوع المحظور واستشهدي بشرب والده الخمر التي تخرجه عن شعوره ولا يعقل ماذا يفعل كما أنه لا يصح أن يتركك هذه الفترة الطويلة مع والده السكير. وإن شاء الله يهدي والد زوجك
    آمل أن لا تشجعي زوجك على معاملة والده بقسوة ولكن شجعية على معاملته برفق ولين ومساعدته والدعاء له حتي يهديه الله سبحانه وتعالى.

  11. فارس
    15/12/2010 at 07:15

    استعيني بالله تعالى وكوني قوية بإيمانك بالله وعدم الخوف منه فهو رجل ضعيف الإيمان وأخبري زوجك بكل شيء وهو أكيد رجل عاقل ومحترم وسوف يتصرف التصرف الأمثل . أدعو الله لك بالستر في الدنيا والآخرة .

  12. العادل المعوضالابا دير
    09/12/2010 at 18:39

    اناراىان تسجلى لة ف الموبايل علشان يبقى مستند ليكى لحسن هو ما دام شيطان يبقى ممكن يتبلى عليكى بكلام وحش كتير
    اهم شىء المستند الاول وبعدين قولى لة انك سجلتى كلامة لو رجع وبقى كويس وبطل الخمر يبقى انتى عملتى خير
    ان ما رجع تقولى لذوجك وتظهرى لة السجيل ودى راى الشخصى وربنا يتولاكى

  13. احمد هيحلها
    09/12/2010 at 16:34

    اولا استعيني بالله وخليكي زكيه يعني حاولي تسجليله اي كلام هايقولهولك وانتي جرجريه في الكلام وبعدين اكشفي حقيقته قدام جوزك اسمعي كلامي الموضوع مش صعب بالموبيل ومدام هو اصلا بيشرب مش هايكون في وعيه وارحمي نفسك من العذاب ده وكمان صورتك قدام جوزك هاتبقي كويسه اوي

  14. adham
    04/12/2010 at 13:26

    سيدتى لكى حلان الأول مصارحة زوجك بما حدث ويترتب عليه ما يحدث حتى لا تقعى معه فى المحظور
    الثانى هو طلب الطلاق من زوجك أو إبعاد والده الخمورجى عن منزل الزوجية ولا طاعة لمخلوق فى معصية الخالق والله ولى التوفيق

  15. طارق
    06/11/2010 at 13:02

    قال صلى الله علية وسلم الحم الموت لاتقعدى مع والد زوجى بمفردى ابا لانة ما اجتمع رجل وامراة الا وكان الشيطان ثالثهما صدقينى لن تسطتيعى ان تصمدى طويلا اللهم بلغت اللهم فشهد

  16. جمال توفيق _شبراالنملة_الكويت
    06/11/2010 at 09:59

    لالالالالالالالالا تسمع كلام احد
    انت خليكى ذكيه وابعدى عنه بذكاء
    ولا تتكلمى مع احد حتى اهلك ويتغيرو من ناحيته ويعرف جوزك
    انت ابتعدى باى حجه وروح عند اهلك فى اغلب الاوقات
    وربنا يقصر فى عمرة بدون مشاكل واصبرى حتى تنا لى اللاجر والثواب

  17. المفترية
    03/11/2010 at 03:47

    اكيد لازم تفتحى الموضوع دة لجوزك و تعرفية ان اهللك مش عارفين حاجة و لازم ياخد موقف سريع والا تتركى البيت الملعون دة اللى فية مللك الشياطين دة

  18. احسن راى ابو محمد
    02/11/2010 at 23:26

    انصحك تاخدى براى ابو محمد والله معاكى

  19. الفراشه
    02/11/2010 at 21:18

    لو كنتي خايفه تقولي لجوزك شوفي حد تثقي فيه من العيله بتاعته وقولي له وهويكلم الراجل الكبير ويهدده انك هتفضحي امره ولو مارجعش عن كده قولي لجوزك بعدها
    وهتكوني شهدتي عليه حد من ابنائه
    000000000000

  20. ابو عمار
    02/11/2010 at 14:18

    لازم تعرفى جوزك كل حاجه ده تخويف من الشيطان لازم تكونى قويه وتقولى لاهلك وتفضحى هذا السكير ربسرعه اخبرى كل من ترينه

  21. محمود
    02/11/2010 at 09:42

    اذا مقدرتيش تواجهى جوزك بالموقف ده اعملى مشكله مع حماكى واتلككى وسيبى البيت او اجبريه انه يسيب البيت ومعامليه معامله زباله من ورا جوزك وانفريه والمكان الى هو فيه متقعديش فيه ……….بس المشكله لو قلب الموضوع لاغتصاب انت هاتعملى ايه……….وتفتكرى ساعتها جوزك هايلوم مين…….ويفكر فيكى ازاى0……. وهل هايقدر يستمر معاكى بعد كده………يبقى انت اكيد من الاول لازم تواجهى الموقف ده معاه ومع جوزك بس ده لو انت صريحه مع جوزك ومع مدى احترام جوزك ليكى وعن تفكير جوزك فيكى شكله ايه …….واهى فرصه تعرفى انت عند جوزك ايه واهو اختبار ليه ولعلاقتكو ببعد

  22. كيرو
    02/11/2010 at 07:47

    ربنا يهديه ويحافظ عليكي ودي علامة من علامات اخر الدنيا الافضل ليكي انك تقولي لجوزك بالراحة علشان الامور لا تتطور الى وضع يعب قوله لاحقا وخلي بالك من نفسك. د / كيرو

  23. متابع
    02/11/2010 at 01:23

    اذا ما قلت لجوزك رح يطمع فيك حماك اكتر واكتر …..ف الحقي نفسك

  24. Ossama
    01/11/2010 at 23:13

    شغلي شرايط قــرآن طوال فترة غياب زوجك وخلي الصوت عالي قدر الإمكان
    وإذا لم يعود لصوابه بلغي زوجك وقولي
    حسبي الله ونعم الوكيل

  25. امير النجوم
    01/11/2010 at 21:59

    u. قوي قلبك وخبري زوجك بالموضوع واكيد رح يتفهمك

  26. عزوز
    01/11/2010 at 19:51

    قولي لزوجك بدون تردد ولا تخشي الا الله الحافظ

  27. شباب الدرب
    01/11/2010 at 19:40

    لازم تحكى لزوجك وهو عارف ابوة ومعاملتة
    يمشية من البيت لازم

  28. سيد العاطفى
    01/11/2010 at 17:57

    لازم تقولى لجوزك وهو يتصرف مع ابوه وهو عارف تصرفات ابوه وهيصدقك
    وبعدين جوزك كده كده هيعرف لو رحتى بيت اهلك هيعرف
    ولو خبيتى عليه دلوقت هيعرف بعد كده
    وبدل ما يعرف بعد كده لما تكون حصلت مشكله اكبر من كده
    يبقى قوليله من دلوقت وهو يلحق الموضوع
    وربنا يهدى الجميع وربنا يسعدك ويروق بالك
    (سيد العاطفى)
    مصر—بنى سويف

  29. طائر الحب
    01/11/2010 at 09:16

    يا اختي اية اللي يخلي زوجك يكذبك في هذا الامر يعني هو عارف ابوه انه شارب للخمر مش سيدنا الشيخ ميقمشي من على سجادة الصلاة لازم تقولي لزوجك باسرع وقت حتى تحافظي على بيتك وحياتك من الانهيار لانه افرضي ان حماكي كان متقل العيار وشرب بزيادة والامر اتقلب من تحرش لاغتصاب ساعتها بيتك مش هينخرب يعني
    فالحقي الموضوع قبل ما تزداد المشكلة ربنا يهديلك جوزك ويصلحلك الحال ويجزيكي الخير ويعينك

  30. ابو محمد
    01/11/2010 at 09:01

    ياالله ربنا معاكي يابنتي وينجيكي من الراجل ده
    الحل في رأيي انك وفي لحظه كويسه مع جوزك تقوليله انه اشترط علي ابوه انه مايشربش خمور
    ودلوقتي ابوه بدأ يشرب تاني وانك خايفه يعمل حاجه فيكي اقصد يضربك او يهينك او اي شيء يعني لأن السكران بيبقي ناسي الدنيا كلها وممكن يعمل اي حاجه
    وان ده خطر علي صحته ولو هو ماخدش خطوه تجاه ابوه ابقي قوليله انك خايفه من كذا وكذا لأنه بيتحرش بيكي وانتي مش عاوزه فضايح وخفتي تقوليله في المرة الأولي
    وربنا معاكي

  31. الصريح
    01/11/2010 at 08:44

    عزيزتى ياريت تواجهى الامور بوضوح صارحى جوزك على كل شىء

  32. عصام حليمه
    01/11/2010 at 07:51

    شوفى يا اختى الراجل الشايب العايب اللى زى ده فضحه واجب وطنى…………بمعنى انك تقولى للفندى جوزك (اللى عامل فيها عبده العبيط وجايب خمورجى يعد لمراته) ع الحقيقه كامله عمل الصح وكلم ابوه واحترم نفسه معاكى كان بها يستمر الوضع على ما هو عليه اى حاجه تانيه غير كده يبقى انت عملتى الصح واللى يحصل يحصل

  33. ااقول لكم
    01/11/2010 at 07:00

    اذاكنتى بتحبى زوجك فاتحية وقولى لة والمفروض يطرد ابوة علشان تعيشوا بسلام دة مش اب دة شيطان

  34. سريع
    01/11/2010 at 05:58

    جمدي قلبك وقولي لجوزك واكيد هيصدقك بلاش تردد وبلاش خوف ومتعرفيش اهلك بالموضوع ده دلوقتي لغاية ماتعرفي تصرف جوزك ازاي

اترك رداً أو حلاً لهذه المشكلة