ابني عمره 5 شهور يعانى من التهابات شديدة وحروق فى منطقة البامبرز ومش لاقية حل او علاج التهابات البامبرز مع أنى حطلة جميع المراهم والأدوية ودائما أنظفة تحت الماء الدافىء
العناية بالاطفال
التهابات ابني من البامبرز
اضيف بتاريخ: Sunday, December 26th, 2010 في 06:07
كلمات مشاكل وحلول: التهابات, التهابات البامبرز, العناية بالاطفال, حل, علاج
احترم اراء كل الاخوات اللي ردوا على ولكن اتفق مع ام يوسف – ميكي – رغد البياتي – في كل ماقالوه لك وربي يحفظ لك ابنك ويتربي بعزكم وتحياتي لك
اختي علاج التهابات عندطفلك الصغير تحتاج منك استخدام مرهم ميدو عند استخدام الحفائض له مع الاخذ في الاعتبار تنظيفه جيدا بماء دافي وتشطيفه بخرقة نظيفة وعدم ترك الحفاظة به لفترات طويلة حتى لاتسبب له التهابات اوحساسية بالجلد والله يحفظه لك ويبارك لك فيه
اوقفي استعمال الحفاظ لان جلده حساس ما يتحمل ,
احد اخواني سبب له الحفاظ تشوه مثل اثار الحروق
استعملي فقط قطعة من القماش او ضعي تحته منشفة ,
حبيبتي ابني هم عمره 5 شهور ونفس الحاله ها ي المنطقه التهبت سويتله خلطه تحت اشراق صيدلي هيه كريم كورتزون مع فيوجدين تخلطيهم في علبه
وتستعمليه بليل اخر تبديله والصبح بعد ماتغسليله المنطقه هم تدهنيه وتخلين الحفاضه يعني مرتين بليوم رح تشوفين فرق خلال يومين وبس تكمل العلبه خلص تبدين تخلين عصاره اسمه زنك بكل تبديله علمود لتهلك المنطقه
حبيبتي انا ابني من يوم ماتولد وانا بستخدم مرهام كيناكومب بصراحه تحفه بس حاجات بسيطه والدكتور هو اللي قالي عليه وبانسبه للحفاضات بامبرز احلي نوع وانا بستخدمه لابني هو 4شهور دلوئت والله ابن اخويا برده كان كده وبعد مستخدم المرهم ده برده خف خالص وربنا يشفي ياحبيبتي
اخواتى احب انبهكم ان مرهم ميكسديرم فيه كورتيزون … و مينفعش يستخدم غير تحت اشراف طبيب … او لمده قصيره جدا … لان الكورتيزون مضر جدا لو مش تحت اشراف طبيب و بيقلل مناعة المنطقه اللى بيتحط فيها … عشان كده الاخت اللى كانت بتقول كان الاول بيجيب نتيجه كويسه و بعدين بقى بيطول اوى عشان تحس بالنتيجه .. ارجوكم احترسوا جدا فى استخدام المراهم و خصوصا مع الاطفال الصغار
انا الدكتور قالي فعلا علي مرهم ميبو MEBO هو للحروق بس الدكتور كتبهولي لبنوتي يتحط مره واحده في اليوم وتاني يوم باذن الله هتلاقي ابنك بقه كويس ومفيش التهابات بامر الله ودايما من وقت للتاني كل ما تغسليله تبقي تحطي زيت جونسون بتاع الاطفال او اي كريم ملطف زي بانسنول وخلي بالك لان في مراهم كتير الدكتور قالي فيها كرتزون
السلام عليكم ورحمه الله وبركاته
أنا أبنى عنده ألتهابات وبستخدم كريم ميكسدرم وكان بيعمل مفعول جميل جدا وسريع بس مع الوقت بقى بيخففه بعد فترة طويلة وأنا شاكة أنه كل ما يجى يطلع درس تتطلع الحبوب دى اللى تحت البامبرز لأن فى أطفال بطلع حبوب وهى بطلع دروس فى وشها أو جسمى ومش عارفة أعمل أيه ممكن تفيدونى وجزاكم الله خيرا الجزاء
ربنا يشفيه وأنا بنصحك بتغيير الحفاض باستمرار واستعمال نوع pampers يعتبر أفضل نوع من الحفاضات ودهن المنطقة بمرهم نايس بيبى ان شاء الله فيه الشفاء
علشان تقللي التهابات الحفاض لازم تنزعي الحفاض عن ابنك نصف ساعة كل يوم.ولما يعمل حمام اغسليه فورا ولا تحكي جلد الطفل بيديكي ولكن ادفعي الماء بيديك والماء يقوم بالنظافة دون ان تلمسي جلد الطفل ثم جففي المكان جيدا برفق شديد بواسطة فوطة او قطعة قماش لينة من القطن ثم ضعي زيت اطفال مكان الحفاضة ولبسي الطفل حفاض اكبر من مقاسه بدرجة واحدة.اما لعلاج الالتهابات الموجودة فعلا فهناك حالات تستجيب للنصائح السابقة فقط وهناك حالات تحتاج بالاضافى الى ذلك مرهم مضاد للفطريات .واوعي تستخدمي اي بودرة لانها تسد المسام.والف سلامة
ممكن تجيبى مرهم من الصيدلية اسمة ميكسدرم بجد هايل لعلاج الالتهابات البمبرز تقريبا 6 جنية جربية وادعيلى
انا جربت كل الكريمات تقريبا وما لقيتش احلى من زيت الزيتون اشطف ابنى بميه دافيه وادهنله منه بعد كل تشطيف وكمان فى مرهم اسمه (ميبو) ب16 جنيه لعلاج الحروق نتيجة سريعه وهو بالاعشاب يوم منه ويوم زيت ونصيحة بلاش كيناكومب لانه فيه كورتيزون ياثر على جلد طفلك
مهههم عن تجربة
ارجوكي استعملي ماء دافي وليس ساخن وغسلي المنطقة بشامبو جونسون واشطفيها بالماء وادهني المنطقة بزيت جونسون للأطفال بجد روعة وعمر البيبي مايشتكي من التسلخات واسألك الدعاء بالله عليكي
اغلي مي وحطي فيها بعد ما تغلى شويت بابونج وغطيها وبعدين صفيها وحطيهم بعلبة وصيري كل ما تغيريله الفوطة بعد ما تنظفيه امسحي المنطقة بقطنة مبلولة بالبابونج كثييييييييييير رائع للالتهابات وهاد عن كلام دكتور اطفال براجع عنده اولادي
بده يومين 3 ورح تلاحظي انه بلش الجروح تسكر ورح تشوفي بعيونك وتدعيلي وكمان غيري نوع البامبرز انا بستخدم لاولادي بامبرز للاطفال احيانا بصمتوا بس حسب البراز والاكل اله دور جربي البابونج وكمان في بزاز اسمه كلاديرم للصمات كويس انا بستخدمه.. موفقة
حاولى تستخدمى نوع بامبرز كويس قطنى شوية ،كمان حاولى حتى لو تبول أن تشطفيه بالماء الدافىء و لا تتركى البامبرز مدة طويلة دون تغيير ، غيرى له 4 مرات على الأقل فى اليوم ، و أذا عرفت أنه تبرز غيرى البامبرز فى الحال لا تتركى البامبرز بالبراز على جلده فهو يؤدى للالتهابات ، كذا استعملى “صودو كريم” هو غالى شوية لكن مفعوله سحرى فى منع و علاج الالتهابات و ربنا يشفيه
انشاء اللة ربنا يشفهولك انا عندى طفلين وزوجى دكتور بجد احلى حاجة للالتهاب كريم ديكتاكورت او بندرمال الاتنين احلى بكتيييييير من كيناكومب وبعد ما تشطفية وتنشفيلة رشيلة بودرة دة فالعادى وحاولى تهوية شوية بس بجد الكريم بتاع ديكتاكورت دة زى السحر والبندرمال جميل جدااا حتى للكبار وربنا يشفية ويحفظهولك
ممكن النشا زي الاخوات ماقالو او كريم كيناكومب كويس جددددددددا وممكن كمان زيت الزتون وعليه حنه بترشيها بعد ماتحطي الزيت كمان خلي بالك من نوعية الحفاض اللي بتستخدميه لان ممكن مع كل ده ميجبش نتيجه لو الحفاض نوعه مش كويس وربنا يرحمنا من التسلخات بتاعة الاطفال دي لانها بتخلي الطفل في مزاج متعكر جدا
حاولى انك تحطى قماش قطنى كحائل بين البامبرز و الجلد و مرهم مايكوترال رائع و كمان انا بحط لبنتى زيت زيتون يوم ويوم لما باغيرلها اخر مرة قبل النوم بس لازم قبلة استعملها الصابون و حماتى وجدتى قالولى على زيت الذرة او زيت الاكل العادى برضة بيهدى التسلخات
بنتى كانت زى ابنك بالظبط وجبتلها مرهم = ميكس ديرم= ممتاز بس لازم تغيرى البامبرز اول ما يعمل فيه علطول وتغسليلوا بمية دافية وصابون ديتول على طول قبل المرهم بس خالى بالك لو طنشتى البامبرز وقلتى شوية وهغسل هيلتهب اكتر وهيعمل جروح والمرهم فى الحالتين كويس جدا جدا بس خدى بالك بعد كدة بقى وربنا يشفيه يارب لانى عارفة منظر الالتهابات دى بس متطوليش فى المرهم قوى لما يخف وخلاص عشان مياخدش على الادوية كتير لو ملقتيش المرهم الاولانى هاتى ده =كوادريدرم= ده كويس برده بس الاولانى احسن منه
السلام عليكم
انصحك اولا انك تتركي البامبرز دة شوية ..يعني تخلي الولد فري كدة في لفات قطنيةعلشان مكان الجرح يبقي متهوي
وثانيا ضروري تستخدمي كريم للتسلخات الجلدية الخاصة بالبيبي ومنه كثسر قوووي (سودا كريم )ودة مفعوله كويس جدا …ثالث حاجة لما يشفي ان شاء الله من التسلخ وعلشان مايرجعش تاني دايما غيري للولد اول باول لما يعمل علشان تبلل الجلد لفترة طويلة دة السب الاساسي للتسلخ ..وربنا معاكي
اختى الفاضله كمدات النشا دى مفيده فى حاله واحده وهى عند التطعيم ان شاء الله لما تطعميه حقنه ال6 شهور تحطى كمدات نشا على منطقة الحقنة عشان متلتهبش اما فى حالة وجود التهابات اصلا صعب تحطى عليها غير الكريمات الطبية.
انا عندى بنت عندها 6 شهور كانت تعانى من المشكله دى وخاصة فى الصيف يا ريت متستعمليش الميه الدافئة عشان بتزود الإلتهاب ولو اننا فى ايام برد يعنى حاولى تكون فاتره شويه وفيه كريم انا جبته جاب معايا نتيجة اسمه freebaby من الصيدلية وسعره كويس جدا هيجيب نتيجة بس مع الإستعمال المتكرر حوالى 5 مرات يوميا وحطى طبقه خفيفه منه مش كتير وان شاء الله تنتهى الإلتهابات فى خلال 3 أو 4 ايام بس انتى اصبرى عليه شويه. وألف سلامه على ابنك ربنا يخلى دول عندنا اغلى من عنينا
ممكن تحطى على الالتهابات نشا جربيها وان شاء الله هينفع لان انا عندى اولاد خالتى الصغيرين لما يكون عندهم التهابات بشوف خالتى بتحطلهم نشا وما شاء بتخف وهما بردوا جربوا المراهم قبل كده جربى النشا وشوفى ولو منفعش اسالى دكتور او حاجه….