انا بنت دلوقتي في تانية ثانوي مولودة في السعودية ودرست فيها لغاية السنادي ( اللي هيا ثانية ثانوي ) وهنزل ان شاء الله اخد تالتة ثانوي من مصر !!
انا عندي مخاووف كبيييرة اوووي من الموضوع ده اولها
اني معرفش النظام هناك ايه ( يعني حتى لما بروح في الاجازات بحس اني غريبة مش عارفة حاجة )
يعني لا اعرف نظام الدروس ولا الكتب ولا اي حاااااجة بحاول مع نفسي اعرف وبدخل النت بس برضو مش زي اللي عايشين هناك
كمان عايزة اقول اني من النوع اللي بحب القمة والتميز في كل حااااجة وممكن يحصلي حاجة لو حد يتفوق عليا او ماعرفش احل او او ….
انا فعلا خاااايفة اووووووووووووي نفسي اجيب مجموع عااالي كل اللي يعرف يحبطني ويقولي مش هتجيبي حاجة والدراسة هناك صعبة والامتحانات انتي مش متعودة عليها .. الخ
انا دلوقتي باخد درس في رياضيات 1 وان شاء الله لما اخلصه هبدا في رياضيات 2 عشان على الاقل اخد فكرة ولو بسيطة
كمان انا الانجيليزي كويسة فيه بس مش متعودة على التعبير والترجمة والحاجات دي !!
كل ما ارتاح من ناحية اتعب من التانية
وكمان مش عارفة النظام الجديد هيبقى ايه ..!!! غامممض
واللغة الاجنبية التانية ( انا اخترت الماني)انا مش عارفة هيعملوا معايا ايه ؟؟ انا دلوقتي هبدا ادرس قواعدها واساسيتها
المشكلة اني هبقى ماخدتش منهج تالتة فهل هيرضو يخلوني امتح في تالتة عادي ولا ايه ؟؟
تفتكروا انا ممكن اجيب مجموع هناك وخصوصا ان القرار ده كان قراري بعد تفكير لمدة سنتين وبقا ماينفعش ارجع فيه .. شكلي هيبقى وححححش اوووي لو فشلت
انا نفسي تفيدوني باي حاااااااجة .. انا بجد في حااااالة يرثى لها وتدعولي بالله عليكم
ومستنياكم
لو سمحتي ممكن تفيديني وتقولي لي عملتي ايه وايه النظام وعرفتي تمشي في مصر ولا لا ضروري عشان انا محتاجه رايك لاني نفس حالتك بظبط ٢ ثانوي وعايزني انزل مصر فمحتاره اوي وتعبت نفسيا من التفكير ياريت تقدري تساعديني وتقوليلي عملتي ايه ودخلت يكليه ايه ونظام الدروس وكل حاجه بالتفصيل لان رايك هيكون مهم اوي في اتخاذ قراري ارجو الرد ضروري :((
الافضل لك تكملي ثانويةالعامةفي السعودية والجامعةتكون في مصر لان اختلاف المناهج والدراسةوالظروف الاجتماعيةتختلف بين السعوديةومصر واسالي ناس مجربين قبل ان تقدمي علي شي في حياتك وربي يوفقك
نصيحه مني بلاش تنزلي ولو نزلتي الثانويه في مصر محتاجه جهد رهييب جدا انا كنت زيك بالظبط وقلت لاهلي عايز انزل مع اني كنت بجيب في السعوديه مجاميع عاليه جدا وبعد ما نزلت لقيت اكتر من مشكله 1- كان لازم اعيد تانيه ثانوي تاني بس بالنسبالك مش هتعيدي زي 2- الامتحنات في مصر صعبه جدا جدا يعني انا في السعوديه قبل الامتحات بقرئ الكتاب مره وادخل اقفل هنا لازم تحلي 1000 سؤال قبل الامتحان وفي الاخر تلاقي اسئله غريبه 3- الواحد لما كان في السعوديه كنت من المدرسه للبيت بس لما نزل مصر بقي بدل الصاحب 100 صايع 24 ساعه في الشارع يعني لو نزلتي حاولي تهتمي جدا بالدراسه لان انا في الاخر جبت 70 % في تانيه ثانوي المنهج المصري بس السعودي جبت 96%
الموضوع مش فى الفرق بين نظام التعليم هنا وهناك الموضوع بالنسبالك خوف من مرحله جديده بس وده شئ طبيعى جدا وبيحصل لكل البشر بس بالنسبه للمجموع اى حد بيجتهد فى اى مكان وفى اى نظام بينجح فيه وبيتفوق والدراسه فى مصر مش شئ صعب ولا حاجه بس العمليه محتاجه منك التزام يعنى حفظى على دروسك فى مواعيدها المظبوطه وذكرى حاجتك اول لما ترجعى وحاولى تتخيرى مدرسين كويسين وسمعتهم كويسه لان فى مدرسين ماعندهمش الخبره هتلقيهم بيتعبوكى فى المذاكره جدا وهتطلعى بنتيجه معاهم فى حين ان فى مدرس تانى ممكن يبسط الدنيا جدا ويفهمك الحاجه صح فهيخفف عليكى فى مذاكرتك وهتلاقى نفسك طلعه بنتيجه افضل معاه وصدقينى عن تجربه الدنيا سهله جدا بس محتاجه التزام وشويه اصرار مش اكتر
وربنا معاكى وهستنى تكتبى على نفس الموقع ده انك الحمد لله وصلتى لافضل مجموع كنتى بتتمنيه