مشاكل الشباب مع البنات

احبها وامها ترفضني لاني مصري

انا مصري مقيم في السعودية اتعرفت علي انسانة سورية بتدرس في مصر قمة في الاخلاق والادب المهم اني حبيتها وهيقالت انها بتحبني ولاننا ناويين ع الخير قلتلها اني هاتقدم ليها وحتي لما نزلت مصر اجازة خليت مامتي تتكلم معاها ع النت . المهم ان والدها توفي ومامتها صعبة جدا من النوع اللي شايف نفسة جدا وهي شخصيتها ضعيفة جدا امام مامتها , المهم انها صارحت مامتها وقالتلها عشان انا اجي اتقدم مامتها رفضت وقالتلها لو انطبقت السما ع الارض مش هتتجوزي مصري , هم عايشين في لبنان دلوقتي وهي هتنزل اكيد مصر عشان تكمل دراستها لان مامتها منعتها من نزول الترم الاول , بسببي مع اني مش في مصر , المهم ان البنت كانت بتتعذب بسببي ومش عارفة تعمل اية قدام مامتها وبتسئ معاملتها , اخر شئ انها اختفت فجاة من ع النت من شهريين واخبارها انقطعت نهائي وانا كنت هتجنن بس في صديقة ليها جارتها في سوريا بس عايشة في دبي سالتها علها قالتلي انا سمعت بس مش اكيد انها ارتبطت وبتنصحني اني انساها وبتقولي سامحها مش بايديها وانها اكيد لو حصل فعلا وارتبطت دا وه مجبورة , طبعا انا حبيبتي سالتها كذا مرة عن عنوان مامتها او المشفي اللي شغالة فيها في لبنان بس ما حكيتلي وكانت ع وعد تقولي عشان اسافر لبنان واتقدم بس اختفت , انا مش مقصر والله بس كون وجودي بالسعودية مش سهل اخرج واطلع بسبب الكفالة والقرف دة , انا منتظر الترم القادة يبدا ع امل انها هتنزل مصر , مش عارف انزل اقابلها ولا اعمل اية مع العلم اني ما ببطلش دعاء في صلواتي الخمس انها تكون نصيبي , مع اني مش مراهق ومريت بتجارب قبل كدة بس الحزن بيعصر قلبي عليها ومش قادر انساها صعب اني الاقي انسانة بجمال اخلاقها ومواصفاتها واحبها وانا مش من النوع اللي بيحب بسهولة تعباااان والله مش عارف لية ما ساعدتني وانتظرت اني انزل اقابل مامتها لية ما اعطتنيش الفرصة للمحاول حتي

مشاكل وحلول ذات صلة

اضيف بتاريخ: Sunday, January 13th, 2019 في 20:44

كلمات مشاكل وحلول: , , , , , ,

2 رد to “احبها وامها ترفضني لاني مصري”

  1. sliem kelany
    01/06/2019 at 06:39

    أنا مهندس سوري متزوج مصرية وواجهت نفس الصعوبات من الأهل في البداية بس الحمد لله النصيب كان اقوي من اي معوقات

  2. ابوالبتول
    14/01/2019 at 14:30

    شوف يااخي الزواج قسمة ونصيب والبنت دي مش من نصيبك طالما امها معارضة زواجك منها خلاص ابتعد عنها وانساها تماما واللي خلقها خلق احسن منها مليون مرة جرى لك ايه ياجدع فيهم ايه بنات مصر احلى بنات وزي الفل صدقني اخوي الاصغر مني سافر لمصر وكمل تعليمه في الجامعة وتعرف على بنت زمليته في الجامعة مصرية وعاوز يخطبها وقلنا له لما تخلص اخر السنة هروح معاك واخطبها لك واهلها ناس كويسين والبنت ماشاء الله زي القمر وتعليم وادب واخلاق مش عارف انتم الشباب مهووسين بالسوريات والمغربيات وتاركين بنات بلدكم مصر اللي ماتلاقي احسن منها ولااطيب منها ولااجدع منها لو تلف العالم كله

اترك رداً أو حلاً لهذه المشكلة