السلام عليكم انا بنت فى الثانوية العامة المرحلة الاولى هحكى على اللى حصل فى حياتى انا من الترم التانى فى اولى ثانوى ماكنتش بحب المزاكرة ابداا وبقيت بكرة نفسى جدا وبعيط بسبب كده دخلت تانية وحالتى ساءت جدااا يعنى معرفش ايه اللى بيجرالى حاولت كتير انى ازاكر على قد ما اقدر لكن مفيش واى حد يعمل معايا موقف صغير لو كان بسيط اتخنق منه جداااااا وبقيت اقطع فى الصلاة شوفت حاجات كتير عشان تخوفنى برضه ارجع اقطع تانى فى الصلاة انا بتقطع من جوايا عشان كده وعندى فى دماغى انى هسقط السنة دى وفعلا هو ده اللى هيحصل بقيت عصبية بشكل فظيع اتنفرز بسرعة رحت لشيخ عشان يعالجنى قرأ شوية قرآن لكن زى ما انا مفيش جديد كل يوم بحالة شكل انتوا تخليونى كده حاولت كتيييييييير اوى انا اغير من نفسى لكن مفيش خالص انا بستغرب جدااااا عشان كده دى كانت اول مشكلة التانية انا كنت بحب واحد قبل كده لما كنت فى الشهادة الاعدادية حبيته بجد لكن هو كان بيضحك عليا وبيحب واحدة تانية لما عرفت غيرت الخط وبرضه جاب رقمى الجديد وبيطاردنى معرفش ليه مش عارفة هو عايز منى ايه تانى ماخلاص بقى نفسى يسبنى فى حالى لانى عمرى مهكلم حد تانى دى كانت غلطة اصلا لكن توبة هيا غلطة وندمت عليها جداااااا جدااااااا وعمرى ماهكررها تانى دلوقتى اعمل ايه معاه هو مش راضى يسبنى ليه يعنى عايزة افهم !!! يريت تجاوبونى فى اسرع وقت وجزاكم الله كل خير
مشاكل الحب
مكتئبة وخايفة من السقوط بالثانوية العامة
اضيف بتاريخ: Wednesday, April 18th, 2012 في 07:59
كلمات مشاكل وحلول: الاعدادية, الثانوية, الثانوية العامة
ماحدش بوز اخلاق البنات الا الحب والتعرف على الشباب دي هي الحقيقة وكمان اثرعلى مستواها الدراسي وخلاه في انحدار فوقي لنفسك واهتمي بمستقبلك يابنت ناس واتركي عنك اللهوواللعب وركزي في دراستك وابعدي عن الشباب خالص والتكلم معهم فلاخيرفيهم على الاطلاق وابعدي عن النرفزةوالعصبية وخليك هاديةورزينة وحكمي عقلك قبل كل شي وحافظي على صلاتك وعبادتك لله عزوجل وارضي الله عشان ربنايرضى عليك ويرضي الناس عنك وارضي الوالدين واسمع كلامهماوقومي بالبروالاحسان لهما تلاقي كل الخيروالبركةوالسعادةطوال عمرك
ابنتي العزيزة .. انا عندي بنت من سنك بالضبط .. واتمنى لك ولها السعادة والهناء وراحة البال .. ولكن اعرفي يا ابنتي ..ان القرب من الله تعالى والصلاة ووسطية الفكر .. اهم حاجة في سنك .. يجب ان تقربي من ابيك جدا ووالدتك طبعا لانهما فقط من يحب لك المصلحة ويريدانك افضل منهما .. في مثل سنك لا ينبغي ابدا ان تشغلي نفسك باي شاب مهما كان لان نواياه لا يمكن ان تكون طيبة .. لانه ببساطة لا يحب لاخته ان يفعل معها ما يفعله معك .. هو ياخذ الكثير من وقتك وتفكيرك وانت ما زلت صغيرة ولم تضعي قدميك على بداية طريقك ..ركزي جدا في مسقبلك ولا تعيشي في جزيرة منفصلة عن والديك واهلك واشركيهم في كل امرك ..ومن يتقي الله يجعل له مخرجا ويرزقه من حيث لا يحتسب
لازم تحاولى تركزى وتعرفى انتى عايزة اية وقربى من ربنا ولازم تفضلى بعيد عن الانسان دة واول ما يخرج نهائيا من حياتك اكيد هترتاحى واعصابك هترتاح
اختى , خير الكلام ما قل ودل
تعرفى على الله ستتعرفى على نفسك هتزدادى تفاؤل وهيبقى عندك طمأنينه
اما موضوع الولد فالجميل انك مش ناويه ترجعى للموضوع تانى , والحل انك تدى التليفون لاخوكى والدك قريبك المدرس بتاعك يرد عليه كذا مره ويوقفه عند حده , وبعدها غيرى الخط ومتدهوش لاى حد ونبهى على الى بتدهولهم وربنا يريح قلبك
السلام عليكم
ربنا يوفقك ان شاء الله
فى المشكله الاولى علاجك فى ايدك لاشيخ ولادكتور هيعالجك الا اذا انتى عالجتى نفسك
الاول والاهم الصلاة حاولى بقدر الامكان انك تحافظى عليها وخليكى دايما فاكره انك فى مشكله وبتحاولى تخرجى نفسك منها اول مايجى وقت الصلاةاتغلبى على نفسك وقومى صلى
اما بانسبه لمشكلة العصبيه الزياده جاء رجل الى النبى صلى الله عليه وسلم(فقال له اوصنى يارسول الله فقال له النى لا تغضب ) حاولى اول ماتتعرضرى لموقف يضايقك او يعصبك استغفرى ربنا بسرعه اذكرى الله قولى لاحول ولاقوة الا بالله امشى من المكان اللى انت فيه حاولى تكونى دايما مبتسمه مع اللى حواليكى وبردك وانت بتعملى الحجات دى خلى دايما فى دماغك انك فى مشكله وبتحاولى تخرجى نفسك منها ….
وبعدين مشكلة المذاكره ليه حاطه فى دمغك انك هتسقطى لاقدر الله عشان عندك شوية مشاكل واعصابك مشدوده شويه يبقى الطبيعى ان المذاكره تكون مش مظبوطه شيلى فكرة انك هتسقطى وخلى بدالها انك هتنجحى ان شاء الله بس هيكون مجموع مش عالى قوى عشان اللى انتى فيه بس مجرد السنه دى واتغلبى على نفسك ولو حتى قراءه فى كتب الدراسه مش لازم حفظ قوى ….
وبالنسبه لمشكلة الشخص اللى كنتى بتحبيه وانا شايف انى هى سبب كل اللى انتى فيه ده
اقفلى تليفونك فتره الدراسه على الاقل واستخدمى تليفون اى حد فى البيت فى مكلماتك او بعض مشويرك الخارجيه او خلى حد يتفاهم معاه من قرايبك يكون تثقى فيه كده وتحكيله على اللى حصل وخليه يساعدك …
وان شاء الله ربنا يخلصك من كل اللى انتى فيه ويوفقك فى دراستك وان شاء الله ربنا يكرمك وتجيبى مجموع كويس وفتره وتروح لحالها ان شاء الله
بسم الله الرحمن الرحيم :
* انتي مكتئبة عاطفيا من ساعة ما اكتشفتي خيانة حبيبك ، و إنه كان بيلعب بيكي ، مش بيحبك . ده خلاكي تكرهي أي حاجة حلوة في حياتك ، و كأنك بتنتحري من جواكي و عايزة تعاقبي نفسك : طب إزاي ؟ ما فيش غير المذاكرة تنتقمي من نفسك فيها و تهملي دراستك و تكرهيها كمان لحد ما تسقطي .
* طيب ده هيحل المشكلة ؟ هو اتسببلك في ضرر عاطفي و وجداني ، ليه تديله الفرصة يحطمك اجتماعيا و علميا ؟!! اثبتي لنفسك إنك كويسة و تستاهلي أحسن حاجة ، و بإيدك تقدري توصلي ليها .
* بعض الأولاد – بحكم عملي كمدرس ثانوي – بيلعبوا بالبنات و بيتسلوا بيهم ، و بيتراهنوا كمان عليهم ، وبعدين ينقلوا لغيرهم ، و المصيبة إن كله بيصدق الأوهام دي ، لأن كل حاجة الأيام دي بقت متاحة و رخيصة عندهم ؛ حتى الأحاسيس و المشاعر .
* أنصحك تلحقي نفسك من الفشل في كل المجالات و تخللي عندك عزيمة و تصرفي عن نفسك الأوهام و الشكوك في قدراتك و امكانياتك . انتي بنت كويسة و تقدري تساعدي نفسك كويس ، و لوحدك . يعني ما فيش حد هيقدر يدمرك ولا ينتقص من قدرك إلا لو انتي اديتيله الفرصة في ده .
* استعيني بالله ، و اصبري على المشاكل اللي انتي فيها ، و ابعدي نهائيا عن كل آلام الماضي و ذكرياته و ناسه ، و ابدأي من دلوقت . تقدري و الله ، و الله العظيم تقدري .
*** و الله أعلم ***
*
بصى انا قدك فى 2 ثانوى برضو
بصى انتى حاولى مهما حصل متقطعيش الصلاه لان دايما الشيطان هيخليكى مش قارده تصلى ويخليكى تكسلى انتى بقا حاولى تهزميه بجد وتنتظمى فى الصلاه واول ماتنتظمى فيها هتلاقى كل حاجه معاكى ماشيه كويس جدا وسيبك من الاحباط اللى انتى فيه ده انتى لو حطيتى فى دماغك هدف هتوصليله بس انتى ادعى لربنا وانتظمى فى الصلاه وانتى هتلاقى نفسك تماااااام وصلى قيام الليل ع طول قبل الفجر بساعه وياريت تصلى الفجر اهم حاجه وادعى لربنا وحاولى تزاكرى كويس الايام دى بس وربنا هيوفقك باذن الله لان اللى بيتعب ربنا مش بيضيع تعبه ابدا وربنا يوفقك يا قمر ان شاء الله
بصي مادام أنتي سبتيه يبقى أنتي كبرتي في نظره جامد وهو هيعمل اي شيء عشان يوصلك
لاكن هذا ليس دافع ابدا انك ترجعي ليه حاولي تبعديه عنك بكل الطرق عرفي حد من أهلك
ممكن ربنا يرزقك بواحد أحسن منه لاكن بلاش الاشكال دي