السلام عليكم و رحمه الله و بركاته
بدايه الموضوع من ابتدائي ،انا كنت فى مدرسه مشتركه(ولاد وبنات) كان معايا زملتي فى الفصل بدات احس باعجاب بيها لاكن مقلتيش حاجه ده كان لسننا الصغير ، لما وصلت اعدادي و كانت اخر مرحله هتكون لينا مع بعض بعد كده كل واحد هيتنقل لمدرسه تاني ،ساعتها قررت اني ابوح باعجابي ليها و ده مش عارف كان قرار غلط ولا صح بس كل الى كان فى بالى انى اقلها حتي لا اندم فيما بعد لاكن هي كان ردها انها مش بتاعت الكلام ده و انها محترمه و مش بتاعت تظبيط والحورات دي ،، وكمان هي بتعتبرني زي اخوها، الصراحه اتكسفت من نفسي جدا لاكنت حولت اني اصلح ونرجع صحاب تاني بس منفعيش زى العاده ،و خلصنا الاعداديه و كل واحد مشي فى طريقه ،بس تشاء الاقدار اننا نتقابل تاني فى الثانويه العامه فى 3ث ،و قت ماقبلتها لقيتها بتتعامل عادي و كان محصليش حاجه من 3 سنين ،ساعتها ضغط على نفسي واشيل موضوع الحب ده من دماغي لغايت ما اخلص ثانويه عامه وحصل.
انا قسمت السنه2 ،و الحمد لله دخلت هندسه بس كل الفتره دي بنتعامل كاصدقاء وصحاب بس من نحيتي بدات احبها اكتر واتعلق بيها اكتر واكتر ،بس تقسيمي لسنه 3ثانوي خلها هى فى 2 كليه وانا فى اولى ،
بعد ده كله فكرت انى افاتحها فى الموضوع اني عايز اتقدملها بس زي منتو عارفين ان ده مش سهل وبيتطلب حاجات كتير جدا وانا معايا تقريبا الشقه بس ، ولاكن بعد ماكنت قاعد بفكر بيومين عرفت ان اتقدملها عريس و هيقرو الفتحه يوم الجمعه الجيه الى هو كمان 3 ايام وانا من ساعتها دماغي هتنفجر مشعارف اعمل ايه ،و مش عارف اتصرف و بقول ياريتني كن فاتحتها فى الموضوع جايز هي تكون فكره اني نسيت موضوع حبي ليها ده الى من 4 سنين
الى اتقدملها فى ربعه هندسه و شبه جاهز من المتطلبات الى عليه و كمان قدامه سنه و يخلص و سنه جاش ويبقي قادر على الجواز ،،،،،اما انا لسه قدامي 4 سنين كليه و سنه جيش
.،
مع الم انها لما قالت انا اتعاملت ان الموضوع مش مضايقني وقلتلها الف مبرووك و انا قلبي و اجعني و مخي هينفجر
مش عارف اعمل ايه و الشطان مستغل عصبيتي و عمال يقنعني بحجات غلط كتير بس انا فعلا مش عارف اعمل ايه وخايف اخد قرار اندم عليه
ارجو اخوتي فى الله ان تقدمو لي النصيحه وشكرا جزيلا على القراءه
.الى اتقدملها فى 4 هندسه و شبه جاهز معاه الشقه
بص ياابني ده مش الحب اللي يودي الى علاقة صحيحة وناجحة كلدا تصرفات مراهقة تمر على الفتاة والشاب في تلك المرحلة من العمر ولو كانت البنت فعلا تحبك لصارحتك بحقيقة مشاعرها انصحك تهتم بدراستك ومستقبلك وابتعد عنها ولاتحاول الضغط عليها عشان ماتخسرها كصديقة لك وربنا يكرمك ويوفقك ان شاء الله
ولا تنسى ان لها اولاد جيران بعشرات البيوت واولأد اقاربهم مئات الشباب واولاد اخوال واعمام وخالاات وعمات ،غير زملاءها بجميع مراحل دراستها والناس اللئ تعرفت پهم بكل مكان ذهبت اليه بأي موقف وباي مكان ، لماذ تقبل بك انت من بين كل هؤلاء
انت عملت اللي عليك والباقي عليها تتكلم به او تعرفه من التلميحات ،تكلم معها مرة ثانية وابتعد عنها ، كل زملاءك يفكرو فيها زيك لو كانت حلوة ، وهي تختار من تحب