مشاكل الشباب النفسية

انا بلا ارادة و فاشل في حياتي

السلام عليكم ، انا في ثانوية عامة بقالي سنتين مشكلتي اني معنديش ارادة خالص اني اعمل اي حاجه مفيدة علي رغم اني عندي اهداف كتير جدا بس ارادتي مش بتساعدني اني احقق حاجه خالص ببقي متحمس جدا جدا قبل ما ابدا وفي خلال وقت قصير جدا بفقد كل قوتي و النتيجة اني كل يوم بفشل عن اليوم اللي قابله وحياتي بقت عبارة عن هروب من كل مواجهة لاني معنديش الارادة اللي تجعلني اقاوم ، ودائما حزين و مكتئب بسبب الموضوع دا وبقالي فترة حوالي 10 ايام بفكر في الانتحار و بنسحب في اللحظة الاخيرة خوفًا من ربنا واني اخش النار ، كل احلامي بضيع و يزداد يوم بعد يوم ضياع ثقة اهلي فيا ومبقتش عارف اعمل ايه ، بقيت فاشل بلا ارادة كل حاجه عملتها ضاعت ومبقاش عندي امل في الحياة ومبقتش عاوز اعيش شايف ان حياتي بتزداد فشل و ضياع و خزيء لاهلي اكتر واكتر

مشاكل وحلول ذات صلة

اضيف بتاريخ: Saturday, May 9th, 2020 في 14:06

كلمات مشاكل وحلول: , , , , , ,

4 رد to “انا بلا ارادة و فاشل في حياتي”

  1. ابواميرة
    11/05/2020 at 00:16

    ياابني انت شاب كويس ومحترم ليه تعمل في روحك كلدا الدنيا لسه بخير خليك متقال بالخير وعندك الثفة بنفسك وربنا بيكرمك ان شاء الله اطرد الفشل من حياتك نهايا وارجع ذاكر دروسك ومع المثابرة والإرادة والعزيمة هتحقق طموحك وابتعد عن رفقاء السوء واللعب والسهر معاهم اهتم بدراستك واسعاد اهلك وربنا بيوفقك واياك وفكرة الانتحار فدا حرام ومن يقتل نفسه فهو كافر ويخش النار والعياذبالله ربنا يصلحك ويهديك ويكرمك بكل الخير باذن الله تعالى

  2. Lm305
    10/05/2020 at 07:46

    اي اهداف عندك وانت في ثانوية وماذا تستطيع ان تعمل ، في ناس متخرجين من جامعات عاطلين وناس على ألمقاهي شغلهم يشفطو شيشة ومعسل وناس حياتهم كلها لعب گورة او جري ولعب تنس وناس عايشين اي كلام سوالف واكل ونوم ، لماذا لا تعيش زي الناس تدرس وتعود لبيتك تتفرج تلفزيون وتقرأ كتب وچرائد وتسمع راديو وتلعب على اي جهاز وتعمل اي شيء يفيد اهلك او تخدمهم ، بدل ما تروح للاخرة منتحر عن باقي الناس ، الناس كلهم عايشين زيك بلا اهداف ولا تحقيق اي حاجة 90% وظيفة لمصروف بيته وزوجة والباقي اكل ونوم ، لن ينحرك وينهي حياتك الا تفكيرك بطريقة غبية ،هذا هو الفرق بينك وبين الذين لم يفكرو ينتحرو ، لم يعملو اي حاجة ولم يحققو هدف ،لكن لم يهتمو ،اي شيء ليس واجب عليك ومطلوب منك لماذا تتعب نفسك لاجله ، انت حر تستطيع ان تعيش بلا عمل ولا زواج ولا اي هدف ،لماذا تنتحر

  3. الحمدلله
    10/05/2020 at 05:01

    ولا تنسي ان الانتحار كبيرة من الكبائر و فكر نفسك دايما بالجملة دى و انك متعملش ابدا كده لانه حرام

  4. الحمدلله
    10/05/2020 at 04:18

    أخى اسمع هذا الحل سيكون الشافى لمشكلتك بأذن الله اتبع هذه الخطوات واذا اتبعت هذه الخطوات بالظبط مع يقينك فى الله سوف تحل مشكلتك ان شاء الله اولا لازم تعرف ان هناك مستحيلات ثلاث ١- الله لا يتخلى عن أحد
    ٢- الله ليس رد فعل
    ٣- مفيش مستحيل على ربنا
    يعنى انت مش لوحدك حتى لو اهلك انت مش حاسس بوجودهم جنبك او لو ماعندكش اصدقاء او اى انسان يهتم لامرك انت برضو مش لوحدك لان ربنا خلقك وليك رزق ومكتوك مطلوب منك تسعى وقلبك مطمأن ان اللى ليك نصيب فيه هتخدو
    مهما يحصل متسبش الصلاه حتى لو هتزحف علشان تروح تتوضأ وتصلى
    صلى على النبى دايما (عليه الصلاة والسلام)
    اذكر الله اى عدد بس اذكر الله
    كفاية تأنب نفسك وحط هدف وركز عليه حتى لو كان صغير
    متفكرش فى الانتحار ابدا حتى لو الفكرة جات تانى خرجها بسرعة من دماغك واستغفر ربنا بسرعة
    انت حد كويس ومش فاشل والدليل على ده انك بتبحث عن حل
    حاول تعمل حاجه بينك وبين ربنا صدقه مثلا محدش يعرف عنها حاجه حتى ولو بسيطه جدا
    بس تكون بينك وبين ربنا
    ولازم تعرف انك اول ماتخرج من الثانوىة ان شاء الله هتنسى كل اللى حصل واللحظات اللى كنت فيها حزين بس هتكون كسبت انك ان شاء الله قربك من ربنا وكسبت نفسك وبقيت اقوى للتعامل مع الازامات
    ولازم تعرف انك تقدر تكون اقوى و متماسك فى التعامل مع الازامات ويمكن الازمه دى تتطلع القوى اللى جواك وتعرف انت اد ايه قوى فى مواجهة الحياة و تابع فيديوهات الدروس اللى فى منهجك وطريقة تنظيم الوقت مع مدرس كويس على اليوتيوب وحتى لو عملت جدول ووقع الجدول مفيش مشكلة قوم تانى متنساش ان فى ناس بدأت مذاكرة بجد متأخر ودخلت كليات قمة وده بفضل الله اللى يعينك على الاصرار وهتحقق مستحيل ان شاء
    لو متنساش تدعى فى رمضان عموما و تدعى ساعة الفطار

اترك رداً أو حلاً لهذه المشكلة