حبيت بنت وانا عندى 20 سنة حب بحقيقى واهلها اجبروها على الجواز وبعد5 سنوات جت تعتزر انها بعدت عنى بس انا كنت عزرها وقبلتها بصدر رحم المشكلة انها اطلقت ومعاها طفل وانا نفسى ارجعلها بس المشكلة انى انا خطبت بنت كويسة جدا وبتحبنى موت ومش عاوزة تزعلنى انا محتار مش عارف انسى الاولى ومش عاوز اظلم الى معايا بجد انامحتار ونفسى حد يفدنى انا تعبت ومش عارف اعمل اية مش عارف انسى الحب الاول برغم انى انا حاولت ابعد عنها بس جيت ورجعت تانى بارادتى
الحب الاول
الحب الاول رجع بعد ما خطبت
اضيف بتاريخ: Saturday, November 27th, 2010 في 03:04
كلمات مشاكل وحلول: الحب, الحب الاول, بنت, مشاكل الحب
انا رأيي انك تبعد عن المشاكل ال هتنتج من ال كانت متجوزه انت بتحبها لحد 5 سنين علي اسا ايه وهي بقيت لواحد تاني ولو لسه بتحبها ليه حبيت تظلم اانسانه ال حبيتك ومن رأيي انك لو مش بتحب خطيبتك يبقي سيبها لانها انا متأكده لو عرفت الموضوع بتاعك ده هي اكيد هترفض ومش هتستمر معاك وهيكون عندها حق………….
الى سابتك لا يمكن ان تكون بتحبك مهما قالت لك خليك مع الى بتحبك مش الى انت بتحبها و لية جوزهات سابها علشان زمنها وحشة
بص ياعم الامور صحبك انا حصلى نفس اللى حصلك بالظبط وكانت النتيجة ؟ انى لا طولت بلح الشام ولا عنب اليمن اللى سبتك تركتك بمزاجها مفيش بنت فى الدنيا دلوقتى حد يقدر يجوزها غصب عنها هم اقنعوها والدليل ؟ الطفل اللى معاها تقبل حد يلمس حجتك وانت بعده اكيد هى قبلت يا باشا الحب ان تيقى معا من احبك ( الكرامه) ان تبقى معا حبيبتك اللى انتا خطبها ومعنى تقديرك لها والخوف على ان تظلمها هو الحب والحنين . الله الموفق
منت يا ريس بتقول بعد خمس سنين رجعتلك
طب يا سيدى منت كنت ناسيها اهو وراجل وعايش حياتك وزى الفل
انا رأيى اعتبر انها مرجعتش ليك تانى او بمعنى اصح مكلمتكش او مقابلتكش دا لو كنتو اتقابلتو وخليك مع اللى بيفكر فيك
انت بتستعبط عاوز تفتح على نفسك باب جهنم
ربنا عوضك ببنت حلال ومحترمه تسيبها
وتروح لواحده تزوجت غيرك
انت مش طبيعى ولا ايه
اتقى الله وكمل مع خطيبتك
واقطع اى تواصل بينك وبين المطلقه دى
المفروض تخليك مع خطيبتك واللى انت كنت بتحبها معاها طفل يعنى ركز شوية هى ممكن تلاقى حد تانى يتجوزها بقى شىء عادى عندها لانها مجرباة خليك مع خطيبتك علشان ميحصلهاش اللى حصلك حرام عليك دى بتحبك
لالالالالالالالالالالالا خطيبتك البكر اوله اخى
مافيش بنت ممكن تتجوز غصب عنها هيا سابتك بمزاجها ورجعتلك لما شافتك شاب صغير وهيا اصبحت مطلقه ومعاها طفل يعني فرصتها في الزواج اصبحت ضعيفه جدا انت بالنسبالها فرصه عشان كده جاتلك واعتزرتلك ويمكن تكون عيطت كمان عشان تصدقها ..كل شي نصيب حاول تنساها خالص وكمان خطيبتك دي لو مش متقبلها نفسيا و لقيتها عوضتك عن العالم كله يبقي لازم تشوف واحده تانيه تقدر تحبها وتتقرب منها
يا سيدي العزيز
تخيل ببساطة ان خطيبتك هي التي رجع لها حبها القديم و انت في حياتهاماذا تريد منها ان تفعل؟
و عندما ترد علي هذا السؤال افعل ما يمليه عليك ضميرك و تذكر يا سيدي اننا نختار بأرادتنا و نتحمل عواقب اختيارتنا و أسال نفسك
هل سأسعد و اكون سعيد مع خطيبتي و ستكون سكن لي أم لا ؟اذا نعم كمل زواجك باسرع وقت اذا لا فابتعد عنها فقد قدر لهاالله انسان يهيم بها عشقا
وفقك الله يا سيدي
خطيبتك اولى بكل همسه وكل ضحكة وكل اخلاص وغير ذلك خد البنت اللى تحبك لانها هاتخلص لك وتضحى من اجلك اما اللى اتزوجت تذكر ان معها ولد بيفكرها بزوجها الاول يعنى فى اى يوم ممكن تحن له وانت عارف ياغالى ان اى واحد عمره ماينسى احلى ايام فى حياته وخصوصا ايام الزواج الاولى اللى اتزوجت دى ممكن كانت متزوجاه عشان عنده مال وارض يعنى بصت لفوق عشان حالتك ممكن كانت اقل منه بدرجة بسيطة دى حجج فارغه ان اهلها غصبوا عليها ياعم زمن الغصب راح من زمان
سلام وربنا يوفقك مع خطيبتك
انسي الي سابك وخليك مع اللي بيحبك علشان اللي بتحبك هتعمل المستحيل علشان تسعدك وخلي بالك ان اللي سابتك ولو غصب عنها عمرها ما هتخلصلك لان في فحيتها كان ماضي وزكري والدليل ابنها اللي جابتو من جوزها الاول وشكرا
اول حاجه لازم تعملها انك تسخير الله وبعدين لوانت فعلا واثق انها اجوزت فعلا غصب عنها يعنى أهلها هم الى غصبوها مش عقلها الى سابك وانت لسه بتحبها وعاوزها وتقدر تغفرلها الى فات واهللك مش هيمنعو يباه تجوزهاوتسيب خطيبتك لانك لو اجوزت خطيبتك وانت مابتحبهاش هتعيش طول عمرك مفتقد حبك الاول لكن لو حبية خطيبتك وحسايت انها ممكن تعوضك عنهايباه تتجوز خطيبتك من الاخر القرار يرجعلك
رايي هيكون غريب شوية
الي اتجوزت و اتخلت عنك مينفعش ترجعلها و مفيش حاجة اسمه اهلها اجبروها على الجواز لو بتحبك كانت رفضت تعيش مع حد غيرك .. يعني من الاخر دي متفكرش ترجعلها لانها هتبيعك مع اول مشكلة تقع فيها .
خطيبتك تسيبها بردو لانك مش بتحبها و بتفكر في غيرها و انت معاها انت كدا بتظلمها و لسا لو في يوم وقعت في حب حقيقي و انت معاها هيكون ايه الموقف و انتم متجوزين
طبعا مش عاوزه سؤال يعنى هى سابتك واتجوزت غيرك ولما اتطلقت ومعاه طفل وفرصتها بقت صعبه انها تتجوز رجعتلك تانى بالذمه ده اسمه كلام وتقبل على نفسك كده برضه انك قاعد ترانزيت ليها زى ماسبتك قبل كده اوعى ترجعلها وايه ذنب الانسانه اللى معاك دلوقتى ياراجل بذمتك ده اسمه كلام اللى باعك بيعه واوعى تشتريه وخليك مع خطيبتك حتندم ندم كبير لو سبتها
على فكرة من المفروض انك متفكرش فى اللى اتجوزت دى من يوم متجوزت لانهازوجة حد تانى لان دينا علمنا كدة وتعرف ان دة خير من عند ربنا وانكم مكنتوش لبعض اما انك خطبت فالمفروض انك تكون مخلص لخطيبتك مليون فى المية فى التفكير وكل الاحاسيس اللى نابعة منك تكون ليها لان غير كدة تعتبر خيانة واظن انها مش عشان اشترتك تعمل معها كدة وتحتار بنها وبين وحدة بعتك اتمنى متجرحش خطيبتك ومن رايى لو انت مكاننها ……… المفروض تفهم انا عاوزة اقول اية وبردوا ارجع واقولك استعن باللة واللى فية الخير يقدموا ليك ربنا وفكر فى خطيبتك اكتر من كدة وحاول ابعد تفكيرك واحاسيسك عن التانية لانها متستهلكش والله اعلم
بجد ان التمس ليك العذر انك تكون بتفكر تر جع لحبك الاول بس بكل صراحة ومن غير زعل انت لو انجر حت بجد منها ساعة ما اتجوزت وسبتك وحسيت بمرارة الجر ح فى الفراق صدقنى عمر ك ما هتفكر تجر ح اللى بتحبك خطبتك واكيد خطبتك دى عوض من ر بنا ليك عن جر حك الاول واكيد ما فيش حد يرفض عوض ربنا لية.واتمنى ان ربنا يوفقك ويرزقك حسن الاختيار.والله المستعان عليه
راي المتواضع خليك مع حبيبتك وخطيبتك هي سابتك غصب عنها ماتحولشي تفتح جروح قديمة وبعدين انتا لسة بتبدا حياتك والظروف زفت هسالك سوال اهلك ممكن يوفقو انك تتجوز وحدة حبتها واتجوزت واطلقت ومعاها ابن رجاء جوبنيولك جزيل الشكر وربنا معاك
أنا مع رأي ميدو جداً
يابن الحلال انت أكيد دلوقتي في بداية حياتك عاوز واحدة ليك انت بس تبتدوها مع بعض تكون بتحبك وانت بتحبها حبيبتك اللي اتجوزت دي ربنا يصلح حالها خلاص اتجوزت وربنا موفقهاش وربنا كرمها بطفل هو حياتها دلوقتي ولو اتجوزت هيبقى نص حياتها ومش لازم ترهق نفسك وانت صغير والواضح ان خطيبتك بتحبك حاول تنسى حبك الأول متضمنش الدنيا هتعمل فيك ايه وهل هتعرف تعوض الابن عن أبوه وتحبه وهل أبوه هيسيبكوا ومشاكل بسبب الطفل وموال شوف حالك واللي فيه الخير يقدمه ربنا.
اخى الكريم استخير ربنا
بس من رأيى انك تعتذرها…. وتتجوز اللى انت خاطبها وحاول تنسى ….. لانها بتحبك… وهايبقى فيه مشاكل بخصوص طفلها هايبقى على اسم والده ده رأيى؟؟؟؟؟؟؟
الامر صعب بس لازم تسيبها تنساها
ربنا يوفقك
انا فى نفس وضعك والتفكير هيموتنى
ربنا معاك بس مينفعش تجوز واحدة وانت بتفكر فى واحدة تانية
صلى استخارة وربنا يرشدك للخير ان شاء الله
الحل المناسب ليك خليك مع الي بتحبك مش تخليك مع اللي انتا بتحبها يعني خليك مع خطيبتك وربنا يوفقك يحبيبي