انا شاب عندى 24 سنة متزوج حديثا مشكلتى ان حبى الاول يطاردنى بشدة دائما بفتكرها و بتاتى لى فى احلامى و نفسى انساها على شان اعيش حياتى الزوجية باستقرر للعلم زوجتى انسانة محترمة جدا و جميلة و تحاول ان تسعدنى بشتى الطرق و انا سعيد معاها لابعد الحدود و انا مش عاوز اظلمها و خايف اقع فى مشاكل بسبب حبى الاول و خصوصا انى اكتر من مرة كنت هاغلط و انده زوجتى باسم حبيبتى و دا هايسبب مشكلة كبيرة جدا خصوصا ان زوجتى غيورة لدرجة الجنان … ياريت حل
الحب الاول
الحب الاول يطاردني حتى بعد الزواج
اضيف بتاريخ: Saturday, September 11th, 2010 في 12:27
كلمات مشاكل وحلول: الحب الاول, زواج, شاب, متزوج
كل حاجه بتتنسى مع الايام المهم انك تكون قادر انك تنسى من جواك فعلا وطالما انك سعيد مع زوجتك ليه بتفكر فى وهم ومش حقدر اقولك حب اول لان الجواز بدايه الحب مش نهايته يا ريت تفكر فى السعاده اللى انت فيها وتسيبك من وهم عيشته لان السعاده اهم من الوهم
اخى فى الله انا شايفةان تفكيرك الدائم فيهاهو اللى مخليك مش قادر تنساها لازم تفكر فى زوجتك شوية وتفكر ازاى تسعدها وتتخيل اللى كان ممكن يحصل لو زوجتك اللى بتديك كل السعادة دى مش موجودة فى حياتك صدقنى وقتها هتحس ان فى حاجة ناقصاك وهتنسى الاولى تماما حافظ على زوجتك وفكر فيها شوىة قبل ما تضيعها من ايديك وترجع تندم
ليس كل حب اول حقيقى فهناك من يظهر فى حياتك ويجعل حياتك كلها سعيدة اتقى الله دعا الماضى وانسى واذا لم كنت قادر تنسى فكنت عيش على ذكرى الحبيبة وافقك الله
يعنى انت ربنا ادالك زوجه جميلة ومحترمه وعايش معاه فى سعاده وانت سنك لسه صغير بصراحه مش عارف انت عايز ايه تانى من الدنيا حرام عيك
يا عم انسى و رايح بالك انت مش سعيد مع مراتك خلاص بقى حتى لا تكون مثل دبور بيزن على خراب عشه و مع الوقت هتنسى الحب الاول و اللى خلفوه كمان كبر الجمجمه يا مان و اصحى لبيتك و مراتك
شوف والله انتى اللى مش عايز تنسى البنت -اللى بتقول انها الحب الاول-لو عايز فعلا حتقدر انما فيه ناس كتير بتتلذذ بالخيال زى حضرتك كده معلش اقوللك انت مش عايز تنساها ليه عشان حب من غير مسئوليه..سلبى يعنى انما زوجتك الغلبانه دى لها طلبات وده شئ عادى . خليك واقعى وعيش الواقع مع زوجتك اللى ربنا قسم هالك وممكن تكون نعمه كبيره وانتى مش عارف وخلى بالك اللى زيك كده غالبا بيخسر كل حاجه لو ما اتحكمش فى نفس وقول الدعاء ده(اللهم اكفنى بحلالك عن حرامك)
متشكر جدا على النصيحة الغالية لكل من علق و كل عام و انتم بخير …. يعلم الله عز وجل قد اية انا بحاول اسعد زوجتى و اسعدها
بسم الله الرحمن الرحيم
رحيم بعبادة لطيف بهم .اما بعد ان نحب ونكرة ليس بيدينا ان نمنع انفسنا قهرا اذا حدث ذلك
لكن عندما تطوف حبيبتك بخيالك حاول ان تصرف هذا التفكير بأن تداعب زوجتك وحبك الحقيقى الحلال
او ان تذهب لصديق او تمارس اى هوايه تلهى نفسك بها وساعتها سوف تجتاز محنتك باذن الله تعالى
يااخى لازم تنساها لانك حرام عليك مراتك تظلمها معاك وبعدين بتقول انها محترمه وجميله عاوز ايه اكتر من كدا وبقولك افتكر كل حاجه وحشه عن حبيبتك الاولنيه وانتا هتنساها وافتكر كل حاجه حلوه الى بتعملها لك زوجتك وانتا هتحبها اوى وربنا يوفقك
اخي الفاضل انت تقول انك متزوج حديثا و اكيد فترة الخطوبه كانت بسيطه جدا يعني ماقعدتش معاها قبل الزواج كتير صح؟؟ ده امر طبيعي بس اشغل فكرك في زوجتك و قربها منك و هتنسي الاولي بكل تأكيد – كلنا كنا كده بس دلوقتي انا زوجتي كل حاجه في حياتي لانها ملكي و انا ملكها-وصدقني اختيار الله لك في زوجتك افضل من اختيارك بنفسك و هذا مؤكد يعني الله اعلم بحالك لو كنت تزوجت من تحب ممكن كانت حولت حياتك لجحيم- ربنا بيوفقنا للخير دايما – ركز شويه وحاول ماتغلطش امام زوجتك في البدايه وبعد شويه هتكون طبيعي