انا بنت مرتبطة بواحد جاري بحبه اوي و هو بيحبني اوي برضو بس بعاد عّن بعض لان انا مش عايشة في مصر و بشوفه ف الاجازات بس.
هو بيغير عليا اوي و مهتم بكل تفاصيل حياتي و مش بيسبني ولا دقيقة لوحدي بس بقاله اسبوعين كدة متغير معايا اوي و بقى قاسي اوي و بيرد عليا بالعافية و اما أجي اقوله في ايه يقعد يقولي انه مالوش مزاج يتكلم و يتعصب عليا عشان بزن عليه و من كام يوم قالي انه عنده امتحانات و مضغوط و وراه حاجات كتير بس هو طول اليوم فاتح الفيس و الوتس و اما بسأله هو عامل أيه مبيردش عليا حتى ،انا بجد أعصابي تعبت و مش عارفة بيعمل كدة ليه كمان هو بعيد عني و مش عارفة هو بيعمل ايه ولا ايه و انا الصراحة مليش غيره و مش هقدر أعيش منغيره….
الحب الاول
حبيبي متغير معايا اعمله ايه
اضيف بتاريخ: Sunday, April 2nd, 2017 في 06:15
كلمات مشاكل وحلول: الحب, امتحانات, بنت, حب, شاب, مصر
المثل بيقول اللي بعيد عن العين بعيد عن القلب وهذا شخص مايحبك ولاهو مهتم بك خالص وعلى علاقة بااخرى دي الحقيقة لاتكوني عبيطة ومغفلة لهذة الدرجة وابعدي عنه وصوني شرفكي وسمعتكي وحافظي على مشاعركي ولاتعطيها الا لمن يستاهلها وعلاقتك به حرام شرعا
أختي الفاضلة …..
انتي ليه معيشة نفسك في دايرة مقفولة لا ليها بداية ولا ليها نهاية ….
بتتكلمي عن انسان بعيد عنك من مكان تاني بتتكلمي عن انسان مبتشوفيهوش ولا تعرفي تفاصيل حياته أو على الأقل بيكلم معاكي أو بياخد ويدي معاكي مثلا لأ كل ده مش موجود ، طب اذا استحملتي ده ومحططيهوش في دماغك ، هو نفسه الشخص على كلامك بتتكلمي عن معاملة مش المفروض التعامل بيها بين أى اتنين المفروض نيتهم سليمة من بعض ، على العكس التعامل بالذات ان كان بيرى رسايلك عالواطس وعالفيس ومش بيرد وقاصدها يبقا بيطنشك من الاخر …..
بصي الحل ——–
متعيديش محاولات عشان متدخليش نفسك في دايرة ملهاش نهاية من الأحزان والالام ، مفيش حاجة اسمها امتحانات ضاغطاه ولا كلام من ده خاااااالص ،،، على الأقل في الاحترام حتى اذا كان مضغوط عليه انه يكلمك وياخد ويدي معاكي ويحترم رغبتك في الكلام معاه مش يتعصب عشان انتي عايزة تتكلمي معاه ، أختي الكريمة ربي يسعدك ويفرح قلبك ، انتي المسئولة عن انك بقدر الامكان تحاولي تجاهدي نفسك للتخلص من الاحساس اللي انتي قولتي عليه ومن الاخر عليكي التخلص منه وهو التعامل مع الموقف كما يجب ان تتعاملي به
وشكرا
اختي الكريمي، يبدو انه يعرف وحدة ثانية بدليل وجوده على الفيس والواتس، وهذاهو عيب الحب بدون رابط شرعي، احفظ كرامتكواتسأل عنه فحين يرى انقطاعك اذا كان فعلا يريدك بالحلال سيعود للسؤال عنك وحينها اطلب منه التقدم لاهلك فورا اذا كان صادقا، ماتفعلينه حرام شرعا