انا عندي ١٧ سنة حبيت ولد كان معايا فمدرستي الثانوي من ٣ سنين كان موجود بس بدأت احبه من شهر ١٢ اللي فات المهم جه وكلم امي وقالها انه عاوز يخطبني وان هو مقدم علي شقة ومستني يستلمها هو عنده١٨ سنة بس مشكلته اللي عرفتها بعد ارتباطنا انه بعد ما مشي من مدرستي عاد سنة تالته اعدادي مرتين ودي التالته بس انا اللي اعرف ان دا بسبب مشاكل ف عيلته بالنسبه ل امي هو فاشل بس هو بيحبني جدا وبيخاف عليا جدا باين من كلامه لما كان بيكلمني فون بعدها جت امتحاناتي وف يوم من الامتحانات اتصل وقالي انه هيجيلي المدرسة فرحت جدا وبعد ما الامتحان خلص يومها خرجت اخر واحدة ف لجنتي قبل م اخرج رن عليا وقالي انتي ف انهي فصل فقولتله وجه وكنا لوحدنا قالي ازيك وكدة بس مسلمش عليا بالايد احنا متفقين ان اول مرة يمسك ايدي هتكون في الخطوبة بعدها سمعنا صوت العاملة جاية هو نزل بسرعة عالسلم وانا نزلت وراه والبواب والشغالة شكو فينا بعدها عدت الامتحانات وكنا بنتكلم فون بس محدش يعرف ومرة بعد مرة لقيته بيكلمني كلام متجوزين وكدة وانا حبيت اعرف من باب الفضول المهم عدت الايام وجه يوم النتيجة ف كلمته عشان نتقابل هناك وقالي ماشي كان يوم اربع بس ماما قالتلي انا هجبهالك والساعه كانت حوالي ٧ الصبح ماما راحت تجيبها ومحدش كان فالبيت غير انا واخواتي الصغيرين وكلمته بس عملت حاجة ندمت عليها واستغفرت ربنا عليها كتير نمت معاه فالفون بعدها ماما اتصلت بيا وقالتلي اي الكلام اللي البواب بيقوله دا والشغالة بس معرفتش ارد عليها وقفلت ف وشي اتصلت بيه وهو قالي انا هتصرف واكلم امك وفعلا اتصل بيها وامي هزقته وشتمته بعدها اختي جت وعرفت بابا اللي حصل واني كنت مع ولد فالفصل لوحدي بس والله كل اللي حصل انه سلم عليا حتي مش بالايد بس كدة كدة محدش هيصدق المهم بعدها بيومين جه يوم الجمعه محدش طايقني فالبيت وفكرت كتير اعمل اي وقررت اني اهرب مالبيت عشان بجيب لاهلي مشاكل اصل قبلها بسنه كنت كلمت ولد بردو وحصلت مشكلة حبيته وهو سابني فسبت البيت ورحت من اكتوبر لحدايق الزتون وكانت اول مرة اروح ف مواصلات لوحدي مكنتش عارفه انا بعمل اي كل شئ كان ف اللا مبالاه رحت عند عمتي يومين وانا هناك اتصلت بيه وقالي ليه عملتي كدة قلقتيني عليكي وقالي اختك جت عند بنت خالتي وحصلتلها مشاكل ف عيطت عشان حسيت الكل بيتأذي بسببي قالي متزعليش كله بسببي انا وانا اللي ورطتك فكل ده بعدها بابا جه خدني وبعد ما روحت البيت مبقتش بشوف صحابي واتمنعت من الخروج نهائي ومفيش مدرسة ومفيش دروس بقيت اشبه بالموتي وطول الوقت شك كنت بس بتواصل مع صحابي مالفيس وكلهم يسئلوني مبتجيش ليه كنت اقولهم اي حجج عشان ميسئلوش تاني بعد م الامور هديت اخواتي قالولي دا باعك وطلع مبيحبكيش اصلا وبرأ بنت خالته وجاب الموضوع كله عليكي بس انا مصدقتش ف قررت اني ابعتله عالفيس وبعتله وقالي انا قلت فعلا كذا وكذا بس عشان كنت عند خالتي وكلمت مامتك تاني يوم اني اقابل باباكي او اخوكي عشان احل المشكلة بس هي رفضت وصدقته بس فنفس الوقت مكنتش عاوزة ارجع للطريق دا تاني وافتكرت اني لما كنت ف دار تحفيظ القران مكنش بيجي ف بالي الكلام دا وكذا مرة كنت هقع فالغلط بس ربنا نجاني الحمد لله فقولت لبابا اني عاوزة اروح الدار عشان ارجع علاقتي تاني بربنا وانشغل بالاخرة بس بابا رفض بقيت بدعي ف صلاتي ان بابا يوافق وكلمته كتير بس هو رفض كان شاكك اني هخرج عشان اقابل الولد اللي كنت بكلمه بعدها بقيت انا وهو بنتكلم بس كل يوم نقول دي اخر مرة نتكلم فيها لحد م فضلنا شهر عالحال دا وف يوم حبيت اكلمه فون ف دخلت الاوضة وقفلت الباب وبابا نده كذا مرة عليا بس انا عرفته اني داخله اصلي بعدها بشوية نده وجه فتح الباب بس كنت لابسه الخمار وعملت نفسي بصلي شاف الفون ومسكه وقالي مين الرقم دا فسكت وقالي تاني رجعتي تكلمي الولد دا تاني وقالي انتي بترخصي نفسك ليه وهو شايفك رخيصة بعدها بابا صحي اخويا وحكاله واخويا قاله هي فين وجه ضربني بس بابا منعه بعدها جه بالليل بعتت للولد اللي بكلمه قولتله بابا عرف اني بكلمك فون بس هو مفتحش وبابا فصل النت عندي وانا ماعرفش الولد رد قال اي وانا دلوقتي بكتب كلامي دا وبحكي مشكلتي وعاوزة حل انتو شايفين المشكلة بس في حاجات زي بابا وماما لسه متطلقين في شهر رمضان اللي فات وامي اتجوزت بعد العدة علطول وابويا اشتري شقة ليا واخواتي عشان يتجوز ف اللي احنا فيها وامي دايما بتفرق ف معاملتها بين اختي الكبيرة وانا اختي بتغلط زيي بس امي دايما بتلحقها قبل ما تتورط بس انا حاولت كتير ان اخلي امي صاحبتي بس كنت لما بقولها سر او حاجة تكتمه شوية وبعدها تقول لبابا وكذلك اختي مبقتش بثق ف حد لقيت كل اللي ناقصني في اللي حبيته كنت بلقي في حنية وبيطيب خاطري دايما ومكنش بيقدر علي زعلي ابدا حتي بعد م المشكلة اللي حصلت كلامنا اتغير كتير عن الاول وهو اتغير عشاني كتير بدل م كنا بنتكلم ف مواضيع تافهه بقينا نتكلم عن ربنا وبقينا بنصلي الفجر سوا وكان بيشرب سجاير بقي يشرب قليل جدا وهو بيحبني بجد عالاقل ف كل اللي انا فيه هو كل حاجة ليا بعد ربنا وبدعي ربنا نه يجمعنا سوا بس فالحلال دلوقتي انا عاوزة اعرف مين السبب فكل دا وهل اكمل مع الولد دا ولا لا وهو بيحبني فعلا ولا بيتسلي
يابنت الناس دي تصرفات محرمة وغير أخلاقية ومافيش بنت محترمة ولامتربية تعمل كدا واهلك معهم كل الحق في كل ماعملوه معك عايزتهم يشوفو المسخرة وقلة الحباء بتاعك دي ويسكوتوا على افعالك الغير أخلاقية دي انت بكدا تشوهي سمعتك وسمعة اهلك والولد دا سافل وكداب لو كان يحبك فعلا لحافظ عليك وعلى سمعتك ولكنه منحط وفاسق يريد اللعب بمشاعرك والتسلية بك لازم تقطع علاقتك به نهايا وتنسيه خالص وتوبي لربك واستغفريه وتقرب من ربنا عزوجل في المحافظة على صلاتك وقراءة القران واحرصي على ارضا والدك وامك والحفاظ على سمعتك وسمعتهم واياك والعودة للكلام مع الواد دا مرة ثانية اتركيه نهايا واستردي ثقة اهلك فيك وربنا يهديك ويصلحك ويسترعليك انت وكل البنات اللي زيك