بحبه لكنه خاطب غيري

مساء الخير عليكم يا جماعة ..ازيكم يارب تكونوا بأحسن حال
عايزة افضفض وياريت حد يسمعني..
انا قصتي بدات قبل كم شهر في شغلي رئيس القسم بالصدفة عرفني على زميل لي وقاللي خليك معاه يعني على انه يساعدني في حاجات مش فاهمها
المهم عدت فترة ماشفته تاني ولا اهتميت..بعد كدة بدون اي ترتيب بقينا نسلم على بعض عادي واداني رقمه قاللي لو احتجتي اي حاجة كلميني _عمري ف حياتي ماكلمته_ مرت الايام عادي جدا ..اخر فترة بقيت بشوفه كل يوم ف كاي واحد عنده خبرة اكتر مني وعارف حاجات بقى بساعدني ف حاجات كتير ويقعد يتكلم معاي ويشرحلي ..بنتكلم في المذاكرة في الشغل يعني قدام كل الناس..بدات احس باهتمامه ..عايزة اقول انا ماليا تجارب خالص عمري مااتكلمت مع حد لا زميل ولافي الكليه ولا اي مكان طول عمري بخاف على قلبي وقافله عليه..طبيعي جدا بنت زيي و ف وضعي لما تقرب من حد كدة حسيت اني بدات اتشد للشخص دة غصبا عني يوم عن يوم..اول ما اشوفه بحس احساس غريب عمري ماحسيته انا مش فاهمه اي حاجة..انا بتعلق بالوهم؟؟
هو انسان خاطب… معقول اول مرة احس بالمشاعر دي اتصدم صدمة عمري انا عارفة انه اخر العذاب اللي انا فيه انا الوحيدة اللي ح اتدمر و حادفع التمن والموضوع محسوم من قبل ما يبدأ
لكن قلوبنا مش بايدنا..انا فرحانه عشانه وبدعيله نفسي يكون مبسوط حتى لو مش معاي لكن انا تعبانة عمري ما اتخيلت اتحط ف الموقف دة
واللي محسسني بالذنب اكتر اني حاسه انه بشجعني على كدة هو انسان محترم بطريقة غريبة وتعامله معاي قمة الرقي والادب..وفي حاجة جوايا بتقوللي انه في حاجة وانا بيعامملني اكتر من مجرد زميله وولا صديقة.. نظراته اهتمامه ..لما قلت له اني خلاص فاضلي اسبوعين في الشغل دة زعل وكان باين انه متاثر وقاللي احنا حنكون على تواصل..
انا عمري ما حاكسر قلب بنت مالها ذنب واخد حاجة مش بتاعتي حتى لو حقضي عمري وحيدة و قلبي بينزف..عارفة انه حيتجوزها هي في النهاية وانا حاكون حاجة كانت في السر وخلصت ومستحيل ارضى بكدة..
دبلته ف ايدها هي مش ف ايدي يبقى خلاص القصة انتهت
اننا ببكي كل يوم لحد ماانام .. ولا في بيننا مكالمات ولا مسجات ولا اي حاجة من دي .. كل الموضوع ال كام دقيقة اللي بنشوف فيها بعض في الشغل
نفسي حد يحس بي وبالنار اللي ف قلبي ربنا ما يكتب على حد ياااارب
ادعولي ربنا يرحمني من العذاب ده وينسيني ويعوضني خير ياااارب يأرحم الراحمين مالي غيرك
في حفظ الله والسلام عليكم ورحمة الله

مشاكل وحلول ذات صلة

• خيبة بعد الزواج واشمئزاز من زوجي
• عاوزة ربنا يباركلنا و نتجوز كده اكون غلطانة
• بسبب شكي و غيرتي افترقنا ورجعنا بعد خيانتي لها
• عايزة انتحر فى عيد ميلادى
• احب ابن خالتي وهو كان يحبني بس الحين لا
• اقول لماما على حبيبي ولا استنى شويه
• مش عارفة اخد قرار اسيبه ولا هارجع اندم