مشاكل الحب والزواج

عاوزة ربنا يباركلنا و نتجوز كده اكون غلطانة

انا مرتبطة بواحد عنده ٣١ سنه و انا ٢٤ سنه انا بحبه جدا و اغلب كلامنا بحبك و وحشتنى بس لما بنتقابل ممكن يمسك ايدى بس انا عارفة انه غلط بس ربنا يهدينا
دلوقتى بدأ يقولى انتى لية مش بتدلعينى اقوله ازاى يقولى البوس و الاحضان الكلام ده قولتله لا طبعا مينفعش انا عاوزة ربنا يباركلنا و نتجوز و ان شاء الله ادلعك بس و احنا فى الحلال يقولى فى واحده بتحاول معايا بس انا مش عاوز ابص لواحدة غيرك ببقى نفسى انتى اللى تعملى معايا كده قولتله هى بتعمل اية قالى مش هقول
قولتله تمام انا اوفر و مش بعرف اتدلع زي البنات بس
هل كده انا غلطت و لا المفروض اقوله اية ؟

مشاكل وحلول ذات صلة

اضيف بتاريخ: Wednesday, January 5th, 2022 في 00:06

كلمات مشاكل وحلول: , , , , ,

2 رد to “عاوزة ربنا يباركلنا و نتجوز كده اكون غلطانة”

  1. ahmed
    24/04/2022 at 22:27

    اوعي تقعي في الفخ ده
    للاسف احنا كشباب عندنا اسطوانات مشروخه كتير بتتقال
    من ضمنها
    ـ في واحدة مش عارف مالها بحس انها عماله تحاول معايا كده، معجبه، نظرات بنت غريبة بس تعرفي انتي ماليه عيني
    ـ والله يا بنتي انا بتعاكس ولو سبت نفسي هخرب الدنيا بس انتي غير كل اللي فاتوا دول
    ـ الواحد حرم نفسه من حاجات كتير لكن معاكي ولمسه ايديكي يااااااه حاجة تانية ربنا عوضني بيكي
    ـ خبطه بسيطة شوية شوية الخبطة تطول شوية شوية حضن صغير ولو زعلتي احنا كشباب عارفين مش هطولي وانا اصلا اللي هزعل تحت بند انك فهمتيني غلط أو انا لو مش حاسس بيكي مكنتش هعمل معاكي كده أو كنت محتاج احس وجودك مش اكتر بس مكنتش اتوقع انك تفهميني غلط تقومي انتي اللي تحاولي تصالحي وتحضني وتسبيي نفسك شوية شوية علشان تراضيه او ميزعلش
    ـ انا نفسي اخطب بس للاسف الظروف الفترة دي ملغبطة شوية ممكن شهر ولا شهرين كده في مصلحة جايه احاول اجيب اي حاجة كده واتقدملك بقى واخطبك ونعيش مع بعض والليفل يعلى مع لمسه حنينه وحضن خفيف ما اللحظة حلوه بقى ومش هتقدري تقولي لا
    ولعلمك ولا في فلوس ولا في اي حاجة وهم بس هتعيشية فترة وبعده نطلع بسيناريو جديد
    ـ ابويا ضاغط عليا واحده بصراحة مش طايقة وهي معندهاش دم زي ما يكون صدقت وبيجبروني اخطبها ومش عارف اعمل ايه لا عارف اجيلك ولا عارف اراضيه ودلوقتي مش هعرف اتقدم ليكي خالص الظروف مش مسامحه مع شوية تمثيل حزن واقولك انا تعبان حقيقي تعبت من اللي بيحصل فينا ده مش عارف اعيش من غيرك خلاص انا شايفك مراتي وحلالي ومسكت ايدك ولمسه لطيفة وتحني والامور تبقى تمام وزي الفل
    مش هقدر اقول حوارات اكتر علشان الشباب الصغير وربنا يهدينا ويبعدنا عن كل القرف ده
    وصدقيني الحلال حلو جدا جدا جدا

    وعن تجربة شخصية بعد لكل شاب صدقني هتعيش في اسوأ حالات عمرك لانك مش هتثق في أي واحدة

    انا عانيت 6 سنين وربنا اكرمني بزوجة كنت شايفها خسارة فيا اول الخطوبة
    بس حاليا الحلال حلو جدا جدا جدا شعور مختلف نهائي نظاااااااااافة فعلا

    واللي عايز يخطب اقسم بالله العظيم هيدخل من الباب حتى لو فاضي ومعهوش حاجة
    وزوجتي حاليا انا اتقدمت ليها وكان في جيبي 20 جنيه مصري الكلام ده سنه 2020 يعني حاجة لا تذكر وثمن التاكسي اللي روحت بيه انا وبابا وماما كان سلف والله
    وحاليا فتحت بيت واتزوجت وحياة محترمة غير تماما اللي فات
    سنة خطوبة مرضتش المس ايديها نهائي حتى السلام مش عايزه لغاية ما اموري الداخلية بقت تمام الحمد لله

    خساااااارة كبيرة لأي بنت او شاب أنه يفرغ مشاعره بره الحلال
    من أكبر الخسارة المعنوية اللي ممكن تعملها في نفسك
    أول مرة في كل حاجة مختلفة

    ادعولي بصلاح الحال والهدوء في بيتي وفي ذريتي
    اسف على طول الكلام

  2. حب مسافه
    11/01/2022 at 11:20

    لا يحبيبتي مش غلط و اثبتي ع موقفك.. هو بيقولك كده علشان يغيظك و يخليكي تعملي اللي ف دماغه.. و هو عموما معلش لو بيحبك مش هيقولك كده بالعكس هيخاف عليكي و هيحافظ عليكي لحد ما ربنا يجمعكوا ع خير.. بس انتي افضلي كده و الاحسن كمان لو هتتقابلوا قللي شويه من لمس الايد

اترك رداً أو حلاً لهذه المشكلة