الحب قبل الزواج

استناه يتخرج و لا ابعد عنه

انا فى اخر سنة كلية و بحب واحد جد و هو كمان بيحبنى بجنون ، هو دلوقتى قدامه 3 سنين عقبال ما يخلص كليه لانه بيعيد كتير لان ديه قدراته ف المذاكرة محدودة بس هو ف الاجازات بيشتغل فانا عارفة انه قد الشغل مش بيدلع ، دلوقتى احنا سبنا بعض بسبب المشاكل و انى جيت ف اخر فترة مكنتش حاسه معا براحة و رضا ( كنت باكون هاموت و اكلمه او اشوفه و افرح لما ده يحصل بس بحس بعدم راحة) و قولت ده من عند ربنا لانى كنت عملت استخارة فقولته و بعدنا بس هو نفسه اننا نرجع تانى و يقولى انه ممكن ده حصل عشان معرف بس قيمة بعض اكتر و هو بيقولى انه لو عالمشاكل انا ممكن اعمل اى اى حاجة انتى عايزها بس نكون سوا م تانى…

انا بحبه جدااا و هو كل حياتى بس انا خايفة مش ارجع اكون ضيعته من ايديا و خايفة ربنا يعاقبنى ( و حست ان عدم الراحة الاخيرة ده كان عقاب من ربنا)

و خايفة ارجع يبقى الطبع غلاب و نرجع للمشاكل اكتر بالذات لما نكبر و قلقانة من موضوع ال3 سنين عقبال ما يخلص خصوصا انه هو اللى هيكون نفسه انا مش عايزة اتجوز غيره بس انا هاكون خلصت و هو ف الكلية و قدامة سنين حاسة انها هتكون اكبر المشاكل ف الوقت ده.

كمان انا عارفة هو قد ايه بيحبنى بس خايفة يكون تعلقه بيا بجنون لانه حياته مش فيها غير مامته و انا كل حاجة تانية حبيبة و اخت و اخ و صاحب و صاحبة و اب و ام فخايفة انه يوم يرجع لعصبيته الزيادة و تحكماته و انا متصرفش زى مهو عايز و يكرهنى و يدور على حد تانى و يقولى ان ياما هنته و جيت عليه خصوصا انه هو اللى طلب نرجع و انا باقول لا..

انا مش عارفة اعمل ايه محتارةة ارجو الرد على كل نقطة و فى اسرع وقت ارجوكوا

انا عارفة هو اد ايه بيحبنى و لو يطول يجبلى الدنيا كلها هيجبها و انا كمان باموت فيه بس انا مش عايزة ارجع مرتبطة تانى عايزة يجى يخطبنى و طبعا مينفعش عشان اهلى مش هيوفقوا الا لما يخلص دراسته ف نفسى احدد العلاقة بينا بس متكونش ارتباط لحد ما يجى الوقت اللى يتقدملى فيه ف عايزة تفكير ولد لان ارائهم شبه بعض شوية ايه الوضع اللى هو ممكن يقابل بيه و لا انا اعمل ايه
طب لو مش هارجع انا عايزة اعمل حاجة يعرف منها انى باموت فيه بس انا مستحرمة عشان ربنا

مشاكل وحلول ذات صلة

اضيف بتاريخ: Monday, July 16th, 2018 في 22:00

كلمات مشاكل وحلول: , , , , , ,

2 رد to “استناه يتخرج و لا ابعد عنه”

  1. البرنس
    24/08/2019 at 00:36

    انت غلطانة جدا فاكره انو ممكن يعملك شئ خلال 3 سنوات ولاحتى 6سنوات على الاقل بلاش هبل وجنان بنات وشوفي مصلحتك فين يابنت الناس واهلك طبعا مش هيوافقوا انك تقعدي تنتظريه المدة دي عاوزين بفرحوا بك ودا من حقهم ولاايه ياست البنات

  2. ابوالبتول
    20/07/2018 at 21:41

    شوفي يابنت الناس الحب شئ عظيم وكبير في حياة الانسان منا لكن عايز اسئك هل تقدري تقنع اهلك انهم يننتظروا الشاب 3سنوات لاجل مايخلص كليته ويجهز نفسه ويتقدم لك الجواب عندك انت اما اذا كنت غير قادرة على اقناع اهلك بالشاب فمن الافضل انك ماتخليه يتعلق فيك اكثر من كدا وتشوفي مصلحتك مع غيره وكل شئ قسمة ونصيب – حصل لبنت اعرفها تمام المعرفة احبت شاب زميلها في الجامعة ولكن ظروفه لاتسمح انه يتقدم لها فاضل قدامه 4سنوات علشان يخلص كلية ويتوظف ويكون نفسه فالبنت وقفت معو واقنعت اهلها بانها لاتفكر بالزواج وكانت ترفض اي عريس يتقدم لها حتى تخرج حبيبها من الجامعة وتوظف وجهز نفسه وتقدم لها حسب الاصول واهلها وافقوا على الشاب وتزوجا هل انت قادرة مثلها على ذلك علشان لاتخسر الانسان اللي احبك وربي يسهل لكم الامور ان شاء الله

اترك رداً أو حلاً لهذه المشكلة