الحب الاول

بحبه ومتأكدة انه بيحبني بس اتخطبت

انا دكتورة 22 سنة
اعجبت بشخص محترم جدا من 2 ثانوي كان زميلي فالدرس اكبر مني بسنة بس كان واخدة كيماء فتالتة وانا واخداها فتانية
سبب اعجابي بيه انه كان اول شخص يعاملني بطريقة كويسة 🙁 لان كل الولاد زمايلي من ابتدائي بيكرهوني لان امهاتهم بتعايرهم بتفوقي عليهم
ولحد ما وصلت الثانوية كنت فحالي جدا وعمري -ع الاقل قدام الناس- ماهتميت برايهم فيا واسلوبهم المؤزي معايا 🙁 لحد مان قابلته واتفاجأت من اسلوب الطيب وانه موش بيزعل لم ازيد عنه درجة فلامتحان – ع غير عادة الولاد معايا-
واقسم بالله عمري ماحبيت ولا اهتميت بالحب في فترة المراهقة دي خاالص كنت بحب مزاكرتي وبس لحد مافمرة فالدرس زود فاهتمامة لحد لاحظته بس احترست واعتبرته اعجاب منه وبادلته بيه لانه شخص محترم ملتزم متفوق ومؤدب جدا وماأزنيش فحاجة
وبعدها رحت انا تالتة ثانوي وماسمعتش عنه حاجة
ولما خلصت ثانوي ودخلت طب شفته اول يوم !! وقتها ربي يعلم بالنبض اللي اجتاح قلبي والفرحة اللي جاتني من غير لسبب :((
وعديت سنة اولي وتانية وتالتة واحنا منعرفشي بعض رغم ان كل مرة كنت بشوفه كنت بنسي الدنيا وافتكر بس انسان عاملني باحترام فوقت كنت كارهة نفسي فيه
ولما وصلنا سنة رابعة اتلككت بالانشطة الاتحادية ودخلتها لقيته جه كلمني وطلب مني انضم معاهم
مانكرشي ابدا انه احنا طول التلات سنين كنا بنبص لبعض من بعيد وكنت بحس بيه وبحس انه فاكرني
واعتبرته حب
وعشت فيه … ولحد مابعتلي طلب صداقة ع الفيس بوك كزميل وفي بينا انشطة انا مكنتش مصدقة
واتكلمنا كتير تقريبا سنة رابعة كلها عملنا انشطة خيرية كتير مع بعض بس عمري وحياة ربنا ماتقابلنا وجها لوجه غير تلات مرات بس حتي لما كان بيعوز يوصلي حاجة كنت بطلب منه يسيبها فالمكتبة وانا اخدها
وع الزكر هو شخص ملتزم جدا جدا سلفي بشدة ومابيضفشي بنات اصلا وده كان من الحاجات اللي حسستني اني مميزة
ورغم كده كنت بقوله ان كلامه معايا حرام حتي لو كان غرضه خيري وانه ممكن يبقي في غفلة وموش واخد باله
عشان مطولشي عليكو -انا آسفة- امتنعت عن الكلام معاها ع اخر السنة وطول الاجازة ودخلت سنة خامسة وبردو مكلمتوش
عشان بس كنت بخاف عليه ياخد زنب بسببي وان كان عليا انا مكنتش عايزة يعدي يوم غير ويكلمني :((

ولما عدا الترم الاول من خامسة وفاجازة نص السنة اتقدملي واحد صيدلي اكبر مني بخمس سنين اهلي وافقوا وانا كمان وافقت 🙁 وافقت وموش عارفة ليه مقدرتش اقول لبابا لا 🙁
لقيته فرحان بيه وخاصة بعد رفض خطاب كتيير مكنوش بيعجبوه
وهو مسافر من تالت يوم خطبتنا وده شئ بسطني جدا عشان ميفضلشي خارج داخل عندنا
وكده بقالي 6 شهور مخطوباله وهو مسافر

موش هقول انه نموذجي وكامل هو بيطلع منه غلطات كتيير بس عمري مافكرت افشكل معاه بسببها قد مافكرت افشكل عشان “انا بحب غيره” :'(
والله العظيم غصب عني 🙁 اقسم بربي مابايدي
موش عارف انساه ومتاكده انه بيحبني وهو زعل جدا لما اتخطبت
انا مستعد استناه العمر كله
حتي لو ماتقدمليش دلوقتي خالص
ومستعدة ع اي حاجة واي عقاب بس موش مستعدة اتخطب لغيره وانا مابفكرشي غير فيه
وانا سلبية جدا وبسيب اموري للي حوليا 🙁 بس دلوقتي موش عافة اعمل ايه
خطيبي شخص طيب مايستحقي اني اجرحه
وانا موش قادرة اكمل معاه
“يارب”

مشاكل وحلول ذات صلة

اضيف بتاريخ: Tuesday, December 5th, 2017 في 10:50

كلمات مشاكل وحلول: , , , , , , ,

2 رد to “بحبه ومتأكدة انه بيحبني بس اتخطبت”

  1. save power
    24/12/2017 at 12:22

    السلام عليكم ورحمة الله وبركاته

    اولا احترمك فى انك نبهتيه ان كلامكم حرام اول نقطة ايجابيه انه وانتى لكم مرجعية دينية

    ثانيا بالنسبة ليكى الحل سهل واستعينوا بالصبر والصلاه صلى واطلبي من ربنا ان يرشدك ويعلمك كما علم ادم ويفهمك كما فهم سليمان

    ثالثا الحب شي والزواج شي اخر من تقدم وخطبك هو رجل رفع اسمك على سمعته ومن يكلمك فقط او يحبك من بعيد لا يستوي مع من وثق فيكي واعطاكي اسمه

  2. ابوالبتول
    05/12/2017 at 20:35

    ياست الدكتورة السلام عليكم ورحمة الله وبركاته وكل سنة وانت طيبة عايزك تعرفي ان هذا كله اعجاب منك بالشاب من ناحية اخلاقه وادبه وحسن تعامله الراقي معك طول تلك المدة وليس هو الحب الحقيقي كماتظنين او تحلمين به وخاصة ان الشاب لم يقولها لك ولم يصارحك بحقيقة مشاعره نحوك نحن مررنا بنفس التجربة دي في سن الشباب ايام الدراسة والجامعة صادفت اكثرمن فتاة زميلة لي في الجامعة وكنت معجب بهن من ناحية الاخلاق والادب والمعاملة الحسنة وظننت مثلك ان ده هوالحب الحقيقي اللي كنت ابحث عنه وكم كانت الصدمة مولمة جدا لما صارحت اي منهن بحقيقة مشاعري نحوها فكان الرد منهن انها ماتفكرش في الارتباط حاليا او انها ماتومن بشي اسمه الحب من اول نظرة او ان قلبها مشغول باحد ثاني مع انني ولله الحمد اتمتع باخلاق فاضلة ومحترم جدا ومتفوق في دراستي بشهادة الجميع وعلى قدرمن الوسامة و اي بنت تتمنى الارتباط بي مش بقول ده مدح في اوغرور ولكن دي الحقيقة انت الان اتخطبت لشاب صيدلي برضا اهلك وموافقتك عليه فارجوا منك تهتم بخطيبك ده وتنسي ذلك الشاب زميلك وكل شي قسمة ونصيب واياك والتفكير فيه اوالكلام معه فانت صرت مخطوبة لشخص اخر ودي خيانة يادكتورة والا ايه وصدقينى الحب الحقيقي ياتي بعد الزواج سوف تحبينه اكثر بعد الزواج وتعرفي قيمة المشاعر والعواطف وانك اعطيت قلبك للانسان اللي يساهله وتمنى لك دوام الخير والسعادة معه وعقبال مانفرح بكم قريبا ان شاء الله

اترك رداً أو حلاً لهذه المشكلة