عرفت شخص من النت واتكلمنا فى التليفون كتير وفضلنا شهور على كدا وهوا من بلد قريبه منى وبالصدفه جه تدريب فى بلدى شغل يعنى اتفقنا نشوف بعض مع العلم ان احنا نازلين نشوف بعض ومفيش بينا اى حاجه وانا مكنش فى دماغى حب خالص كنت مرتاحاله اوى لما شوفت مكنتش عايزه امشى وبعد كام اسبوع صارحنى بحبه بس قلبي دق وحسيت الكلام طالع من قلبه اوى رفضت بشده فكره الارتباط مكنتش عايزه غير انى اتجوز تقليدى عادي وكمان كنت خايفه يكون بيضحك عليا.. المهم بعد شهر سافر يشتغل مكنتش متخيله ازاى هيغيب عنى ومش هعرف اكلمه تانى طول الوقت لقيت نفسي مبفكرش غير فيه وعايزه اكلمه واطمن عليه طول الوقت وصوته واحشنى اوى وبعدين شهرين قولتله ان انا كمان عايزاه قالى انه بعد السنه دي هينزل عشان يخطبنى وثقت فيه جدا وفى كل كلمه كان بيحكيها وكنت السنه دى فى عالم تانى معاه مكنش شايفه غيره ولاكنت بعمل حاجه غير انى معاه كانت احلى سنه فى حياتى اتعلمت منه كل حاجه حلوه المهم بعد ماعدت السنه مكنش جاهز لشبكه وقولتله عادي تبقا دبل بس ومكنش لسه يعرف ممكن يكون جاهز على امته سنه او سنتين نزل فعلا وجه البيت وشرح كل ظروفه لبابا وسالنا عليهم قالو ناس كويسه جدا بس ماما كانت قلقانه اوى ومش عايزنى اقعد فى بلد تانيه عايزانى جنبها وقلقانه لانها متعرفش الناس دي ومرتاحتش خالص لمامته حست انها مش طيبه والكل فى البيت قال كدا ومرتاحوش كنت بنزل اشوفه من وراهم ومكنتش باكل ولابعمل اى حاجه لحد ماوافقو عشانى لما بقيت الكل حواليا قلقان ومش مرتاح خوفت خصوصا ان دايما قلب الام بيكون صح خوفت اخد قرار واندم عليه معرفتش اكمل من غير مااحس انهم مرتاحين ماما لما لقتنى تعبانه قالت اللي عايزاه هنعمله وسابو القرار ليا قررت مكملش ونبعد وارضي اهلى وقولتله مش هقدر اكمل كدا راح مكلمهم فى البيت وعايز يرضيهم باى طريقه عشان يرتاحو قالو عليه بيقلل من نفسه ولسه مش راكز من التصرف دا ولما بعدنا كنت بتعذب فضلت شهر بتعذب مش عارفه اضحك مش عارفه اتأقلم مع الناس كان شهر عذاب وحاسه انى ظلمته عشان موقفتش جنبه وسيبته رجعت اكلمه حسيت انى مش عارفه ارجع معاه زى الاول وفى حاجه اتكسرت بينا المهم سافر تانى الاجازه خلصت مقدرتش ورجعنا زى الاول تانى بس كنت حاسه ان فى حاجه غلط ومدايقه وقربت من ربنا اوى وقولتله منتكلمش عشان حرام وعشان من ورا اهلى كل مره اقوله كدا ومقدرش ونرجع نتكلم المشكله دلوقتى انا مش عارفه لما يرجع تانى هيحصل نفس اللي حصل وهضعف واسيبه لما الاقيهم بردو مش مرتاحين خايفه اجرحه تانى واظلمه معايا وكمان خايفه افضل ارفض عرسان تانى والوقت يفوتنى وانا مش عارفه النصيب فين واوقات بحس من كتر حبه ليا واللي بيعمله عشانى ان انا كدا مش بحبه خايفه يكون اللي جوايا مش حقيقي بسبب الخوف اللي جوايا بستخير ربنا علطول ومش عارفه لو جه تانى انا عارفه انهم هيوافقو عشانى بس هل اكمل وهما مرتاحين ؟ ولااعمل ايه طول ما اهلى مش مرتاحين انا خايفه ومش مرتاحه واصحابى لما اتكلم معاهم قالو عليه عيل عشان طريقته فى الكلام عايزنى باى طريقه مش عاقل.. عنده استعداد يعمل اى حاجه عشانى وعشان يرضي اهلى ومستحمل منى كتير بس خايفه مع انى بحس انه واضح دايما وصريح معايا فى كل حاجه ومش مخبى عنى اى حاجه عشان اقلق كدا بس كل ماافكر انى هقعد فى بلد تانيه مع انها مش بعيده اوى بحس بخوف شويه مش عارفه ليه قبل كدا مكنتش بقلق ممكن الخوف دا بسبب قلق ماما خلتنى كدا ؟؟؟؟؟.. انا وهوا 24 سنه خايفه ابعد واخسره واندم بعد كدا وكمان مبقدرش حد يقولى الحل ؟؟؟
مع انني لااومن بالعلاقة من خلال النت وارى انها فيها اكاذيب وخداع وتضليل الا ان الشاب ابدى رغبته الجادة في الارتباط بك وجاءلااهلك حسب الاصول وانتم سالتم عليه وعلى اهله وتاكدتوا انه شاب كويس ومحترم ولكن ظروفه صعبة وقد لايستطيع الزواج حاليا ولكن اهلك غير مرتاحين له وانت خايفة فمن الافضل انك تصلي صلاة الاستخئارة واللي كاتبه لك ربنا عزوجل سوف يكون ماوجدت في الاستخارة ارتياح ولاتزال خايفة فالافضل تركه وانهاء علاقتك به وكل شي قسمة ونصيب هتلاقي نصيبك مع ابن الحلال اللي يستاهلك ولاداع للخوف والقلق فانت لسه بعز شبابك والف من يتمناكي وربنا بيكرمك بحسن منو ان شاء الله