حبيبنا بعض وخطب غيري ولسه بيحبني

انا بنت عندى 20 سنه عرفت شاب قريبى عن طريق النت احنا قرايب بس مكنش لينا كلام مع بعض خالص …هو محترم جدا جدا وغلبان اوى ومكسور اوى بسبب ظروفه وده للى خلانى اقرب منه اكتر ..ابتدينا نقرب من بعض اكتر عالنت وابتدى كل واحد يرتاح للتانى اوى ومكناش بنقدر نقعد يوم واحد من غير مانكلم بعض بجد مكنتش بقدر استغنى عنه وهو كمان نفس النظام …عمره ما خبى عليا حاجه وعمره ما كدب عليا طول عمره كان صريح معايا حتى لو حاجه فيها احراج ليه كان بيقولهالى ..كل ده واحنا مخبيين على بعض ان احنا بنحب بعض وكل واحد كان بيحاول يبين للتانى ان كل اللى بينا مجرد صداقه واخوه بس …..بس هيا مكنتش كده خالص انا كنت بحس ان هو كان بيحبى جدا وانا كمان …لحد ما جت فتره وبعدنا عن بعض انا وهو بسبب الامتحانات بعدنا عن بعض لمد شهر لحد ما جيت فى مره وكلمنى وقالى تعالى اقولك خبر حلو قولتله ايه قالى ان هو خطب خلاص انا اتصدمت طبعا صدمه عمرى وبعدها بينتله انو عادى وان انا فرحناله وكده ومن بعد اليوم ده وكل واحد بيحاول يبعد عن التانى وابتدينا نبعد فعلا وانا كنت بحاول انسى ونسيت كتير الحمدلله وعدت شهور كتيييير اوى مكناش بنكلم بعض غير مره كل شهر ومكنش بينا غير السلام وخلاص لحد ما جه فى يوم وقالى فى كلام كتير عاوز اقولهولك عشان انا مش قادر اشيلو جوايا اكتر من كده عشان انا تعبان نفسيا بجد قولتله فى ايه قالى انا بحبك ومحبتش حد غيرك حتى بعد ما خطبت مش قادر انساكى ومش عاوز انساكى عشان حبك انتى سبب سعادتى ولما قولتله مقولتليش ليه الكلام ده قبل كده… قالى كنت خايف عليكى كنت هعذبك معايا ومكنتش هقدر اعيشك فى المستوى اللى انتى عايشه فيه ومكنتش هقدر استحمل اشوفك تعبانه بسببى فى يوم من الايام ساعتها مكنتش هسامح نفسى ابدا عشان انتى اغلى حاجه عندى وقالى ان الفتره اللى فاتت دى كلها بيحاول يبعد عنى عشان ينسى شويه بس مكنش بيقدر ابدا وكل يوم كان بيفكر فيا … هو فعلا ظروفه مش حلوة ظروفه صعبه اوى ومكنش حد من اهلى هيوافق عليه ابدا … قالى انا عمرى ما هسامح الظروف للى ضيعتك منى قولتله خلاص الكلام ده وقته عدا ومش هيفيد بحاجه …قالى انا عندى استعداد اعمل عشانك اى حاجه قولتله خلاص مبقاش فيه حاجه ممكن تتعمل اصلا …قولتله انتا خلاص خاطب ومينفعش الكلام اللى بيحصل دلوقتى بينا قالى انا مخطبتهاش غير عشان هيا اللى هترضى بيا انما انا محبتش حد غيرك ولا هحب غيرك وانا من ساعة ما عرفتك وكل حاجه فى حياتى اتغيرت وانتى سبب سعادتى
المهم دلوقتى هو بيحاول يرجعنا زى زمان بس انا رافضه تماما عشان هو خلاص خاطب وبعدين انا مقدرش احرق فى دمى وهو قدامى ومع وحده تانيه ونا ما صدقت نسيت اصلا وبعدين لسه فيه حاجز بينى مانعنى ان انا ارجع زى ماكنت معاه ومينفعش اصلا… انا لسه بحبه ومقدرتش انساه بردو وهو كمان بيحبنى وطول ماحنا قدام بعض مش هننسى بعض ….عاوزه ابعد عنه مش عرفه اقوله ايه ..صعبان عليا اوى ومش قادره اكسر بخاطره ..بيقولى انا عايش بس عشان احلم بيكى تبقى معايا وانتى مستكتره عليا حتى انك تتكلمى معايا ..مش عرفه اتصرف ازاى ومش عرفه اقوله ايه حد يقولى اعمل ايه معاه ولا اقوله ايه

مشاكل وحلول ذات صلة

• بحبه لكن مش هعرف اكمل معاه
• صاحبتى وحبيبى خانونى مع بعض
• مش عارفة اخد قرار اسيبه ولا هارجع اندم
• يحبها وتحبه..لكن أهله….
• كلمت حبيبتي في الجنس وهي زعلت وانا عايز اصالحها
• الغربه بعدتني عن حبيبي
• مش عارفة اذا كنت بحبه هو او ابن خالي