مشاكل الحب الفاشل

صاحبتى وحبيبى خانونى مع بعض

انا بنت كنت بحب واحد اوووى بس حصل بينا مشاكل كتير عن طريق صحابه الولاد كانوا بيوقعوا بنا احنا كنا كلنا جروب مع بعض المهم بقينا نقرب ونبعد عن بعض .. المهم اانا كان ليا واحده صاحبتى برا الجروب وبعدين اتعرفت عليهم وهى وواحد ارتبطوا ببعض وبعدين سابته وارتبطت باخوه التؤام وهى مع اخوه ده ابتدت انها تبتدى كلام مع حبيبى وكان فى البدايه الكلام كله عليا بس هى لما كانت تشوفه من قبل ما تكلم معاه كان بيبان عليها علامات الاعجاب بيه اووى وكانت بتقولى كده انه كويس وشخصيته حلوه ومبسوط بس انا مكنتش بعلق وبقول عادى يمكن بتقول رايها فيها وكمان عشان انا عارفها هوائيه وكل ما تشوف حد تعجب بيه فمحطتش فى دماغى بس حصل مشاكل بينى وبينه فبعدنا عن بعض شويه وابتدت هى تكلمه ع الموبايل وبرده فى البدايه كانوا بيكلموا فى مشاكلى انا وهو .. بس بعد كده بداؤا بتكلموا كانهم صحاب عاديين وهى ابتدت متقوليش وبيتكلموا ع النت وكده بس رجعت اتصالحت انا وهو بس هما فضلوا يكلموا بعض وهو كمان مقليش … بس انا مكنتش بشوفها وقتها وانشغلت فى كليتى وبقينا نسئل ع بعض كل شهر كده .. الموضوع تتطور بينهم ووصل انهم يطلعوا الشقه عند اختها وحصل بينهم علاقه .. المهم انا كل ده معرفش .. فكان فى واحد تانى بيحبنى دخل ع الايميل بتاعى وبتاعها هو كان صاحبنا احنا الاتنين فشاف الكلام الى بينها وبين حبيبى فبعتلى نسخه من الكلام عشان يعرفنى ان الى انا بحبه ده وحش بس مرداش يقولى اسم الايميل الى بيرد عليه المهم عملت مشكله مع الى كنت بحبه ومبقناش نتكلم … وروحت لصحبتى وانا منهاره وبقولها ع الى انا قريته ومقلتليش برده اى حاجه .. المهم حصل مشكله بينى وبين الولد الى بعتلى الكلام ده لانى مكنتش عايزه ارتبط بيه فراح قالى كل حاجه وانى افوق من الوهم ده وان الى كان بيكلم الى بحبه ع النت هى صاحبتى .. المهم انا اتصدمت واعد 6 شهور مصدومه ولا قولت لحد فيهم حاجه وانسحبت من حياتهم بهدوء هما ابتدوا يحسوا انى عرفت .. فصاحبتى اتصلت كتير بيا ورديت عليها واعدت تكلم كلام كتير كده وقالتلى ان الى بحبه كان مفهما انه بعد عنى ومبيكلمنيش عشان كده قربت منه وانا صدقتها ..بس لما قريت كل الكلام الى كانوا بيتكلموا ع النت لقيت انه كان بيقولها انه بيكلمنى وانه عايز يرجعلى وهى كانت توقع بنا وتقولوا حاجات محصلتش .. ولما قابلته انهارده قالى انه مكنش مبسوط وهو بيعمل كده بس الى كانت بتقوله تعالا ننزل وتعالا نطلع عند اختها وانا فعلا لما قريت المحادثات قريت كل ده ومسكت موبايله انهارده لاقيتها بعتهاله مسجات من زمان بتقوله انت مبتردش عليا ليه ورد عليا عشان انا عايزاك ضرورى … المهم ان ده الى حصل وانا مشكلتى انى مش بعرف ابيع حد بسهوله ورغم الى هما عملوه فيا بس غصب عنى بيوحشونى لان كانوا اقرب اتنين فى حياتى وبمجرد ما قابلته وقابلتها وكل واحد اعد يقولى اسبابه اتعاطفت معاهم ولا كان المشكله معايا .. انا مش عارفه اعمل ايه حبيبى عايز يرجعلى مش عارفه اسامحه وارجع ولالا .. وهى اعمل معاها ايه هى البنت بطبعها خبيئه ولئيمه ومتحبش الخير لحد وكانت بتغير منى لان كل صحابنا كانوا بيبقوا عايزين يتكلموا معايا وكده وده الى انا سمعته من صحابنا وانا كنت عارفه كل عيوبها دى وبقولها عيوبها فى وشها بس برده كنت مصحباها لان صاحبى لازم اصاحبه ع عيبه والحلو الى فيه وهى كمان رفيعه اووووى ومش حلوه بس كانت بتصعب عليا وكان كل الناس يحذرونى منها وانا اقول لا دى صحبتى ومش بقبل حد يتكلم عليها نص كلمه وكنت بعاملها اكتر من اختى لدرجه انى كنت بصرف عليها وعمرى ما خونتها والى انا حسيته من كلامها لما اتكلمت معاها بعد الى عملته انها مش حاسه انها غلطت فى حقى هى شايفه انها غلطت فى حق نفسها اكتر وانها وافقت انها تعمل معاه حاجه انا مش عارفه اعمل ايه بجد انا مش بعرف ابيع البنى ادم الى قدامى حتى لو كا ن غلطان فى حقى ديما بقول البنى ادم ده اكيد جواه حاجه صغيره حلوه ولو بسيطه ..اا بنت كنت بحب واحد اوووى بس حصل بينا مشاكل كتير عن طريق صحابه الولاد كانوا بيوقعوا بنا احنا كنا كلنا جروب مع بعض المهم بقينا نقرب ونبعد عن بعضااعمل ايه معاه ومعاها

مشاكل وحلول ذات صلة

اضيف بتاريخ: Sunday, November 24th, 2019 في 06:52

كلمات مشاكل وحلول: , , , , ,

ردود to “صاحبتى وحبيبى خانونى مع بعض”

  1. قمر رافي
    28/11/2021 at 13:37

    اولا
    تبعدي عن صحابتك دي دي انسانة شريرة وغيورة تريد تخرب حياتك كل شيء لكي تريد تخذه منك البعد عنها افضل الحل تجاهليها لاعاد تتكلمي معها انسيها وخليها تندم على ساعة فكرت تخونك فيها
    خلاص انسيها
    ثانيا
    بنسبة لحبيبك اعطيه فرصة الحب يستحق نعطيه الفرصة يمكن الفرصة هذه تقرب بينكم اكثر ويمكن يخطبك ويتزوجك اعطيه فرصة بس بشرط ان يحذف البنت من عنده ويغير رقم موبايله وايضا يجيب اهله ويخطبك رسميا وهيك مافي احد يفرق بينكم وبعد فترة يتم الزواج وبس هذا الحل
    سامحيه بس البنت لا تسامحيها وابعدي عنها
    الله يعينك ويفرجها عليكي

اترك رداً أو حلاً لهذه المشكلة