مش عارف ابتدي منين بس هحاول اختصر الكلام انا شاب زي كل الشباب مرتبط ب انسانه محترمه وحلوه ومتعلمه ارتبطنا كان عن طريق النت ف البدايه انا كدبت عليها بس لما قابلتها واعدنا مع بعض هيه سامحتنى ودخلنا ف قصه حب خياليه وعشقتها وهيه كمان حبتنى اوى واستمر حبنا 4 سنين في فترة الاربع سنين قابلت مامتها كذا مره وكلمتها في الموبايل وحاولت اخد منها معاد نقابل باباها ف البيت لاكن مامتها كانت بتقول الوقت مش مناسب وجت السنه الخامسه اللي احنا فيها وبداء التغيير وبشكل ملحوظ كتير تختلق المشاكل وكتير تعلي صوتها عليه وانا من حبي ليها كنت بدوس علي نفسي واستحمل والله العظيم بسمع كلام مفيش انسان يتحمله وبقول معلشي عشان المركب تمشي واللي بيحب يستحمل بس وصلت لدرجه انى بدوس علي كرامتى ب الجزمه ومش نافع معاها والمشكله اللي هتجننى اني لما بواجها بتقولي انت مجنون وانا مش متغيره وانت بيتهيئلك ولو مش بحبك هكلمك ليه وانا للاسف بضعف قدام كلامها وبنسي كل اللي عملته فيه وبسامح بس خلاص فاض بيا ودخلت مرحلة صراع نفسي بين كرامتى وقلبي كرامتى تقولي كفايه زل وقهر واسترجل وقلبي يقولي هيهون عليك عشرة خمس سنين حب وانا مش عارف اخد أي قرار بتقفل تليفونها ب اليومين لو قولتلها اتاخرتى ليه وله كنتى فين والموضوع ذاد اوى ومش عارف اعمل حاجه لانى بعشقها ولا هعرف اعيش حياتى من غيرها حكايتى معاها بقت صعبه اوى انا عامل زي الانسان المريض ب السرطان عارف انه كده كده ميت بس لازم ياخد العلاج هيه ب النسبه ليا العلاج انا خلاص تعبت وانكسرت قدام نفسي ومش لاقي حل ياااارب حن عليه ب عطفك وارشدنى علي الحل الصحيح
طوال 5سنوات وانت والفتاة على علاقة وامها تعلم بكلهذا وراضية فشي يحير بجد مستغرب انك رخصت كرامتك للبنت دي مع الواضح انها من كلامك معها انها مش مستريحة لك ولامتقبلة الوضع معك كان الافضل ان تتركها ولاتفرض نفسك عليها بالعافية وقدرت البنت تخدعك طوال تلك المدة وانت المسكين متعشم فيها خير وتامل انها ترضى عنك فاين كرامتك يارجل والا مالهاش اعتبار ولاقيمة عندك اقطع علاقتك بها نهايا وللابد واياك والحنين والعودة اليها وربنا بيوفقك ويكرمك بابنة الحلال اللي تستاهلك وتقدرمشاعرك وتصونها وتسعدك طوال عمرك