السلام عليكم ورحمه الله وبركاته
اخوانى بجد مشكلتى صعبه ومش عارفه اعمل ايه انا طالبه باحدى كليات القمه والحمد لله متفوقه دراسيا وبحب واحد اكبر منى بسنتين وده الحب الاول بالنسبه ليا وهو انسان كويس جدا جدا والحمد لله وسمعته كويسه اوى وبيحبنى اكتر من روحه مشكلتى انى انا وهو من كتر الرومانسيه ف ليله بدا يكلمنى عن الجنس ونا رديت عليه على اساس انه علم ولا حياء بالعلم بما انى طبيبه بعدها الموضوع كتر وبدا يتطور بقى على طول بيتكلم فى كده وانا بقيت بكلمه فى كدا وبعد اما بنخلص كلام بندااايق اوى وهو كمان بيحس بالذنب اوى اوى ويقولى انا مدايق اوى اقوله خلاص مش هنتكلم فى كدا تانى كمان انا بتخنق من الكلام دا لانه حرام المهم مفيش يوم مش نتكلم ونلاقى نفسنا بنفتح الموضوع ده تانى خصوصا ان انا الحمد لله جسمى حلو وجميله جدا وصوتى جذاب شويه هو على طول بيقوللى انه انا بغريه ودايما بفكره بالجنس ده .المهم انا خلاص اتخنقت وهو كمان وكل شويه نتفق مش هنتكلم نلاقى نفسنا بنتكلم تانى وتالت ورابع وفى مره اتصل بيا وقعد يتكلم فى كدا بعديها اتخنق وعيط وقالى ساعدينى اعمل ايه انا بحبها يا رب ونفسى اتجوزها وكل حاجه تبقى حلال انا كمان نفسى فى كدا اوى وتعبت .المشكله انه لسه فاضل سنتين على ما يخلص جامعه عشان يخطبنى بس وسنه او اتنين بعدها على ما نتجوز .بجد حبيبى تعبان اوى وبدا يمارس العاده السريه من كتر ما بقى بيتكلم فى كدا .وارجوكم مش تتكلمو عليه كلام وحش لانه انسان كويس اوى والاحترام الى فى الدنيا فيه وبيحبنى اوى وبيخاف عليا من الهوا ومرا كان هيموت عشان يفدينى من مشكله وقعت فيها وان شاء الله هو جوزى باذن الله وعلى طول بدعى ربنا يكتبهولى وهو كمان حلفلى كذا مرا واقسم بالله انه عمره ما هيفرط فيا وانى مراته ان شاء الله واننا عمرنا ما هنسيب بعض الا بالموت الموت الى هيفرقنا وعمره ما جرحنى بكلمه وحشه وعلى طول بيقف جمبى وبيساعدنى واول ما بتخنق والله من كلام الجنس دا بزعق واقوله حرام باه كفايه يقولى حاضر يا حبيبتى ويقوم مغير السيره لانه هو كمان مش عايز كدا .هو عايز الحلال .بس مشكلتنا مشاعرنا الجياشه دى ومن كتر حبنا فى بعض ورومانسيتنا دخلنا فى الكلام دا لانه معروف ان دى غريزه بشريه بتزيد بالحب بين اى اتنين ..ومره كمان هو محترم اوى ونفسه يبطل بس هو عاطفى اوى ودايما مشاعره ساحباه وراها ..ساعدونى ارجوكم لانى تعبت…
ازاي وحدة تدعي انها محترمة ومتعلمة وتعمل كدا مع الشاب وتتكلم معو في مواضيع كهذة ولا كانكم ازواج لاشك انك انت السبب في كلهذا لو كنت بجد محترمة ورافضة الكلام في الحاجات دي ماتجرا الشاب على الكلام معك في هذا الموضوع وعن اي احترام تتحدث عنه انت وال***** ده لاشك ان عقلك مغيب تماما ومش عارفه تقولي ايه ولا تتصرفي ازاي وقد هذا السافل الخبيث اغواكي وجعل منك فتاة رخيصة وتافهه ولا كرامة عندك ابعدي عنه نهاية واقطع علاقتك به للابد لوكنت فعلا محترمة وتحرصي على صون سمعتكي وكرامتكي وعلى سمعة اهلكي وثقتهم فيكي وتاكدي انه بيضحك عليكي يامغفلة ياساذجة وكل الكلام اللي قاله لكي قاله لعشرات البنات المغفلات اللي زيك توبي لربك واستغفريه قبل فوات الاوان واهتمي بدراستك ومستقبلك ابرك لك يابنت الناس وربنا يؤفقك ويكرمك بابن الحلال اللي يستاهلكي فعلا ويقدر مشاعركي ويصون كرامتكي ويسعدكي العمر كله
ما زاحمت طاعة معصية الا غلبتها،،إنت الي حتساعد نفسك عن طريق حلين اولا تكثروا من الاستغفار ،،ثانيا ماتختلوش ببعض