الحب الاول

حاسه اني بظلمه معايا وهو ملوش ذنب

انا باختصار شديد كنت عايشه حياتى كده لا عمرى حطيت ف دمااغى موضع الحب والكلام ده لغايه ماتعرفت ع واحد ف جامعه وقلى انه بيحبنى وكده
كان اول حب ف حياتى بس انا كنت ع طول حريصه وبخاف اعمل اى حاجه غلط كنت بكلمه بس مش كتير والمقابلات كانت مرفوضه عندى
طبعا هو كان رده عليا انه مش هيرضالى الغلط وربنا يوفقك ف حياتك وانتى بنت مؤدبه وانا مش هخليكى تعملى حاجه انتى مش عايزة تعمليها
عدت السنه ومع انى مقضيناش مع بعض اكتر من شهر بس اتعلقت بيه اووى ومكنتش عارفه انساه ولما كنت بشوفه صدفه كنت بتوجع اوووى
ف الفتره دى كنت محتاجه حد جنبى اووى
جه ايامها ابن خالتى وهو كان بيحبنى من زمان وقلى انه بيحبنى انا سعتها قربت منه بس مكنش حب كنت محتاجه حد يعيد الثقه اللى جوايا بس انا فهمته انى مبحبوش واننا صحاب وبس مع انه عملى كل حاجه ممكن تتخيلوها عشان احبه ومع ذلك معرفتش

عدت كمان سنه يعنى كده سنتين وجيت ف مره واتعرفت ع واحد صاحب صحبتى كان مهتم بيا وانا كنت واخده بالى لغايه ما يوم جه وقلى بحبك سعتها حسيت ناحيته بحااجه
وحبيته وقضيت معاه احلى شهرين ف حيااتى
بس للاسف كنت كل فتره احس انى بحبه وفتره لاء
وكنت ع طوول متررده وخاايفه لا اكوون مبحبووش
مبقتش عارفه يعنى ايه حب ولا ايه هو احساس الحب مبقتش عارفه اعمل اييه حاسه اني بظلمه معايا وهو ملوش ذنب انه بيحبنى
اكمل معاه ولا اسيبه
وانا لما بشوف حبيبى الاولانى بتهز وبفتكر كل حااجه واحس ان مش طايقه الحب ده اصلا
بليز ساعدوونى

مشاكل وحلول ذات صلة

اضيف بتاريخ: Friday, July 27th, 2018 في 06:54

كلمات مشاكل وحلول: , , , ,

ردود to “حاسه اني بظلمه معايا وهو ملوش ذنب”

  1. ابوالبتول
    27/07/2018 at 16:58

    لو كان في حد يستاهلك يبقى ابن خالتك اللي تعرفيه من الصغر ويحبك فعلا وعمل لك كل حاجة انت عاوزتها اما غيره فدول مايعرفشوا قيمتك ولايقدروا مشاعرك ومش كلواحد يقابلك يقولك انويحبك وانت تصدقيه وتجرى وراء اوهام كاذبة ومشاعر زائفة اهتمي بدراستك وحافظي على خلاقك وشرفك وسمعة اهلك وكرامتهم وربنا بيكرمك بابن الحلال اللي فعلا يستاهلك ويقدرك ويسعدك العمر كله

اترك رداً أو حلاً لهذه المشكلة