انا اسمى *** وده مش اسمى الحقيقى هو لو فتح موقع مشاكل وحلول هيعرف انا مين بس انا حكايتى ان انا حبيت شاب من حوالى 7 سنوات وهو اول حب حقيقى فى حياتى وحب حقيقى بمعنى الكلمه انا دلوقتى سنى 22 سنه وعارفه الصح من الغلط بس انا بحبه بطريقه لا توصف باى كلام وهو كمان كان بيحبنى طول عمره حتى لما بعدت عنه انا عارفه انه كان زى المجنون بس هو ظروفه كمان مكنتش تسمح باى ارتباط ولا اهلى كانوا ممكن يوافقوا احنا دايما كان فى بينا خناقات وزعل على حاجات كتير وهو كان دايما بيحسسنى ان انا غلطانه بس انا مبكنش ومع ذللك بعتذر له وديما كنا نبعد ونرجع تانى بسرعه بمجرد ما نتكلم مكالمه واحده . احنا دلوقتى انفصلنا بس انا بحبه ومش عارفه ولا قادره انساه ولا حتى احب غيره مهما حاولت وانا عارفه انه مهما عرف بنات او حتى حاول يحب اى واحده عمره ما هيحبها زيى ابدا لان انا كمان حبه الاول ومش هكون مغروره لو قولت الاخير بس احنا مينفعش نكون مع بعض تانى لانى بتعب كل ما نقرب ويبعد عنى تانى ومبقتش قادره استحمل الفراق ابدا ومش عارفه اعمل ايه بحبه اوى ومش بيروح من بالى وعايزه اكلمه وفى نفس الوقت حاسه ان احنا لو رجعنا اكيد هنبعد تانى وانا مش حمل الفراق
اولا – اطمني ماحدش هيعرف اسمك الحقيقي طالما انك دخلت الموقع باسم مستعار ثانيا- علاقتك بهذا الشاب محرمة وغير صحيحة لازم تبعدي عنه وتقطع علاقتك به لو فعلا يحبك وصادق في نواياه لكان تقدم لك وخطبك من اهلك لكنه قاعد يتسلى بك ويخدعك احذري من الاستمرار معه في هذة العلاقة وحافظي على خلاقك وشرفك وسمعتك وسمعة اهلك وربنا يصلحك ويهديك ويسترعليك