الحب الاول

بحب بنت الجيران وخايف تتعلق بيا

انا عندي 18 سنه في الثانويه العامه علمي رياضه. انا بحب بنت الجران.بحبها من 6 سنين بس مش بقولها خايف عليها من عشان لو اتعلقت بيا و انا مقدرتش اكمل هي ما يحصلهاش حاجه بس من سنتين كده انا لقيت أني كل لما بشوفها كأن حياتي بتنور تاني حولت اقولها أني بحبها بس معرفتش هي محترمه جدا جدا و مش متدينه اوي بس فيها جزء تدين انما انا لا انا ولا متدين ولا حاجه المهم انا من كتر ما بحب اي حد يتكلم عليها بطريه وحشه او يقول عليها حاجه كونت بتخانق معاه لدرجت اني بتخانق مع اهلي عشانها انا بكلمها وكل حاجه بس كاخوات انا مش عارف هي بتحبني ولا لاء بس فكرت في فكره مره قولتلها أني بحب واحده تانيه لما عارفت كده لقتها مودها اتغير بقي حزين و ما بقتش تكلمني و اتفاجأت أن امي بتقولي البنت ديه لاء اتعصبت علي امي و قولتلها انا حر احب أللي احبه و ديه حياتي
امي مش عارفه حاجه عليها وحشه لاء هي انضف شخصيه شوفتها في حياتي
امي بتقول لاء عشان اهلي يعني ناس من القاهره و مستوي اهلي عالي انما أللي بحبها هي من الشرقيه بس عيلتها ناس محترمه وليهم مستواهم في قريتهم عيلتها دكتره بس امي بتقول عليهم فلاحين و انا بحبها جدا و مابقدرش يعدي يوم منغير ماشوفها
المشكله هي امي و أني مش عارف اقول للبحبها أني بحبها و معرفش هي بتحبني ولا لاء
ساعدوني بعد ازنكم عشان انا مش عارف اعمل ايه

مشاكل وحلول ذات صلة

اضيف بتاريخ: Thursday, February 7th, 2019 في 03:35

كلمات مشاكل وحلول: , , , , ,

2 رد to “بحب بنت الجيران وخايف تتعلق بيا”

  1. البرنس
    25/08/2019 at 23:33

    اسمع كلامي وابعدعن بنت جيرانكم دي علشان مايحصلك زي اللي حصل لي كنت في مثل عمرك شاب ومراهق عندي 19سنة واحب بنت جارتنا 17سنة واموت فيها وعاوز ارتبط بها ولكنهامش مقدره مشاعري دي لامهتمه بي وفي مرة واحد صاحبي قال ابعد عنها دي مش كويسة وشفتها مع شاب اخر تركب معاه العربية وانها على علاقة معاه ولم اكن مصدق كلامه حتى تاكدت بنفسى عندما شاهدتها وهي نازلة من عربية الشاب في ساعة متاخرة وكان يوصلها فابتعدت عنها وقطعت علاقتي بها خالص ولكن لم اسلم من بلاويها الشاب دا ااعتدى عليها واغتصبها وراحت رمت المصيبة علي قالت لااهلها اني انا اللي عملت كدا معاها واهلها صدقوا لانهم عارفين اني احبها وعلى علاقة بها فجاووا وعملوا مشكلة مع اهلي وعملوا لنا فضيحة فانا انكرت اني عملت كدا بها واخبرتهم اني قطعت علاقتي بها وعرفتهم الحقيقة انها كدابة وانها كانت تخرج مع شاب اخر وتركب معاه السيارة وجبت صاحبي اللي شافهم عشان يشهد معاي ويقولهم على الحقيقة فالبنت قدام اهلها والضغط عليها اعترفت لهم بكل شئ وقالت لهم انه ضحك عليها واستدرجها لبيته وحاولت تقاومه لكنها ماقدرت حتى تمكن من اغتصابها وصار يهددها لو تكلمت سوف يفضحها لانو صورها فيديو وبعدها تركها واختفى وهي خافت من الفضيحة لو اهلها عرفوا فرمت التهمة علي عشان اهله يصدقوا لانى كنت على علاقة بها وصرت احتقرها واكره البنت وتعقدت منهم واهلها اعتذروا مني ومن اهلي وطلبوا نسامحهم ولكن ابي رفض وامرنا نقاطعهم ونبعد عنهم ونقلنا لبيت اخر نسكن فيه بعيد عنهم وعن المشاكل معهم

  2. Peace
    07/02/2019 at 07:47

    شوف بقى نتكلم الاول في ماما.ما تجبش سيره البنت دي قدامها خالص وحتي هيا لو لمحتلك بحاجة أو حبت تضايقك كبر دماغك وما تردش يا اما لو عاوز ترد ما تبينش إنك متضايق ولا حاجه خليك عادي ريلاكس خالص.ثانيا انتهز فرصه الفلانتين وهاتلها هديه وقولها إنك عايز ترتبط بيها ومش عايز منها رد إلا لما تفكر وسبها براحتها وخلي كلامك بعد كده طبيعي وما تسألهاش تاني لحد ماهي تلمحلك جرب وانشاء الله هتيجي بنتيجه.اما عن الفلاحين اللي ماما بتقولك عليهم فيا بخته اللي يناسبهم علي فكرة الشرقيه دول ناس جدعان وبيفهموا في الأصول جدا وانشاء الله بالتوفيق وربنا يجعلها من نصيبك وخلي بالك من دراستك اوي .

اترك رداً أو حلاً لهذه المشكلة