مشكلتي طويله شويه وارجوكم استحملوني لاني بجد تعبت ومش عارفه اعمل ايه انا بنت عندي 20 سنه ابتدت حكايتي من 3 سنين كنت عارفه شخص بيحبني جدا بس مكنتش حاسه بيه وابتديت احس بيه لما حصلت عندي مشكله وهي طلاق بابا وماما كان نفسيتي جدا سيئه لكن لقيته هو الوحيد اللي واقف جمبي علطول لدرجه اني حبيته جدا واتعلقت بيه وبقينا بنحب بعض لدرجه الجنون وبنفهم بعض من غير ما نتكلم فضلنا سنه على كدا وبعد كدا بابا عرف بعلاقتي معاه مع انه مكنش جاهز ولسا بيدرس وظروفه في البيت متسمحش انه يتقدملي وقتها بس مسبنيش وجه واتقدملي و بابا وافق عليه حصلت مشاكل كتير وقت الخطوبه بس كنا بنعديها لحد ما جه قبل الجواز بشهر وحصلت مشكله ما بين بابا وباباه لدرجه ان باباه قاله انا مليش دعوه بالموضوع دا لو عايز تكمل كمل لوحدك مع ان باباه هو اللي غلطان واحنا ملناش ذنب باي حاجه ومن هنا بابا فركش الخطوبه وبابا قعد معايا وقالي هما اللي غلطانين وهما مش عايزينك اصلا وكدا ومن وقتها بقينا بنموت من الحزن لكن مكنش في حاجه في ايدينا تتعمل كنا الفتره دي بنتكلم فيها بس مش عارفه بصفه ايه بنكلم بعض .. كنا غصب عننا بنكلم بعض لاننا مبقناش قادرين نستغنى عن بعض اتقدملي وقتها ناس بس رفضتهم بسبب اني بحب خطيبي الاولاني وبابا كان يقعد يقولي انتي بترفضيهم بسبب خطيبك الاولاني وكان دايما يقولي لو هو اخر واحد في الدنيا مش هتتجوزيه لو هتعملي ايه مش هتاخديه .. لحد ما جه بعد كدا شخص بصراحه مقدرتش اطلع فيه عيب ووافقت عليه قولت انا هقفل الصفحه القديمه يمكن اعرف انسى واتخطبتله وقطعت صلتي بخطيبي الاولاني وحاولت انسى بس مقدرتش مخطوبه بقالي شهر كل تفكيري في خطيبي الاولاني بفتكره في كل حاجه وبحس ان كل كلمه بيقولهالي خطيبي التاني بحس اني بسمعها من خطيبي الاولاني مع ان خطيبي التاني دا محترم جدا وبيحبني وكويس بس بجد حاسه اني تايهه وحاسه اني بخون خطيبي التاني بمجرد التفكير في خطيبي الاولاني بجد انا مش عارفه اعمل ايه ولا عارفه احلها ازاي ..
مش لوحدك والله انا كمان زيك كده بس بحاول انسي علشان التفكير مش هيفدني بحاجه بس انا من جوايا تعبانه بس انتي بتقولي ان خطيبك كويس وقدام كويس يبقي ربنا عوضك بيه وهيسعدك كل واحد بياخد نصيبه بقي معلشي هيا الدنيا دي كده مافيش حد مرتاح
نصيحة لكل البنات الله اعطانا الحلال ليش نذهب الى الحرام انسي الماضي افتحي صفحة جديدة مع الله وهذا الزوج ما يستاهل اتخونيه عشان اوهام وكذب ومكائد الشيطان يزين لنا الحرام