هموم البنات

نفسيتي تعبانة ومش قادرة افكر ومخنوقة

سلام عليكم …انا مش اول مرة ابعت مشكلة هنا بصراحة موقع مفيد جداااا وبيساعدنى ..انا مش هطول عليكم ..انا فى العشرينات من عمرى…من فترة طويلة كنت مرتبطة بشخص من معارفنا وكان فى مشروع خطوبة وكنت بحبه بطريقة غير طبيعيه بس للاسف طلع خاين وكداب واذانى كتييير وكان بيستغلنى ماديا بس الحمدلله بعدت عنه بعد ما ربنا كشفه …وربنا رزقنى بخطيبى شخص محترم وابن ناس وطيب جدااا وفعلا عوض ربنا ليا …احنا اتخطبنا صالونات بس مع الوقت بدات احبه واشوفه بنظرة تانية لكن حصلت حاجة من فترة الشخص القديم ده حاول يوصلى وانا ماصدقت انى نسيته استغربت انو حاول الاتصال بيا بعد فترة طويلة جدااااا انا قولت اكيد فى حاجة حصلت او فى مشكلة كبيرة عشان يتصل بعد الفترة دى كلها فعاودت الاتصال بى بس عشان اعرف بيتصل ليه لكن ماردش عليا فانا مش فاهمة ده اسمه اى والحمدلله ربنا شاهد انى فعلا الموضوع ده طلعته من دماغى وبحب خطيبى لكن ظهور الشخص ده باتصاله مش قادرة اعرف اى سبب اتصاله وعدم رده عليا انا نفسيتى تعبانة من يومها ومش قادرة افكر ومخنوقة جدااا ومش عارفة اعمل اى

مشاكل وحلول ذات صلة

اضيف بتاريخ: Wednesday, March 25th, 2020 في 21:27

كلمات مشاكل وحلول: , , , ,

7 رد to “نفسيتي تعبانة ومش قادرة افكر ومخنوقة”

  1. جني احمد
    14/04/2020 at 23:32

    ممكن يكون عمل كده علشان هو متأكد انك هتتوتري و يتشتت تركيزك و تفكري فيه و تسيبي خطيبك و تتحطم حياتك علشان كده انا هنصحك نصيحة صغيرة عرفي خطيبك بكل حاجة و متغيريش رقمك و لو رن عليكي مترديش عليه او ردي بكل برود و قوليلو عاوز ايه او لو مش هتقدرى تعملي كده ادي التليفون لحد من بيتك يرد عليه و يعمل نفسه مش عارفه و لو كنتي مع خطيبك و رن اظي التليفون لخطيبك و متتوتريش خالص و ده هيزيد من ثقة خطيبك فيكي و مش هيسيبك ابدا

  2. محمد - محاسب
    02/04/2020 at 08:00

    المبدأ العام اللي محتاج التاني بيتصل بيه – هو حاول الاتصال بيكي بعد فترة طويلة معناه هو عاوز يرجع العلاقة معاكي لما انتي مردتيش ةبعدين حاولتي الاتصال بيه هو فكر انك محتجاه وبيتقل عليكي علشان يقدر يجيد استغلال لأقص ما يمكن – لما مردتيش عليه ده الصواب ولا تسألي فيه – وبلاش تحاولي تتصلي بيه – انتي عرفتيه وعرفتي أنه خاين وكذاب وأزاكي كتير وكان بيستغلك ماديا – هو يمكن اتصل بيكي بالخطأ – انسيه ومترديش عليه وشدي عليه السافون ولو ممكن غيري رقم موبايلك – ولو حاول يضايقك بلغي عنه – ربنا يوفقك وألف مبروك الخطوبة الجديدة وربنا يتمم بخير – وربنا يوفقك – وياري تتصالحي مع ربنا يعني تصومي وتصلي وتستغفري ربك اصحي قبل الفجر بساعة واستغفري ربنا وسبحي ربنا وادعي ربنا بماتشائين .

  3. عباس بعد الإفلاس
    30/03/2020 at 15:48

    يعني لو حصلت معه حاجة او مشكلة كبيرة يتصل عليگ انتي ، لماذا ، ، بالتأكيد نقص عليه فلوس وتذكر غباءك وقال ارجع العلاقة ومصدر رزقي السابق لا يوجد غيره او معه مشروع اكبر للاستغلال ، الخلاصة بدون تفكير فيه لا تردي عليه والا يعمل لك قلق بحياتك من جديد ويفسد عليك خطوبتك ،هذا رأيي ،

  4. عمر
    29/03/2020 at 22:12

    مترديش عليه ولا تعبريه عشان متندميش وخليكى مع الشخص المحترم اللى يحافظ عليكى ويصونك

  5. وائل
    29/03/2020 at 19:39

    اعملي بلوك لرقم خطيب السابق فقط وانسي ولا تفعلي ذلك مرة اخري ابدااااا

  6. Lm200
    29/03/2020 at 17:15

    غيري رقمك ،، اذا رديتي عليه مرة واحدة سوف يخرب لك مستقبلك ،ماذا يريد وماذا تقدمي الا شيء سيء لك ولسعادتك ،شاب يتصل على فتاة لا يعرف غيرك ،بدون تفكير اقطعي اثره للابد

  7. البرنس
    25/03/2020 at 21:40

    دي تسمي خيانة لخطيبك فلازم تتقي الله في نفسك وفي خطيبك دا وتقطعي صلتك بالشاب الاولاني نهايا واياك ان تردي عليه بتاتا ولو تكرر اتصاله بك فلازم تخبري اهلك بكل شيء عشان يوفقوه عند حده ويخلوه يبعد عنك نهايا

اترك رداً أو حلاً لهذه المشكلة