انا دلوقتى عمرى 21 سنه وانا وواحد زميلى بنحب بعض بقالنا 5 شهور هو قدى وجه اتقدم فى البيت وكل حاجه كانت ماشيه تمام وجت ساعه الاتفاقات وكل حاجه باظت لانى هما كانوا عايزين عليهم الشبكه والخشب والفرح وبابا كان عايز الخشب والشبكه والنجف والمطبخ والفرح بالنص واهلوا مش رديوا مع العلم انى اهلوا كمان مش اكتفوا انهم رفضوا غلطوا فى اهلى لانى مامتوا عصبيه جدااا وجه ابنها اعتزر لاهلى واهلى قالوا هيسمحوا وكده وحاول يمشى الدنيا تانى لانه بجد عايزنى بس كل حاجه بايد اهلو والى فايدوا مش كتيير بس المشكله انى كل شويا حد يقفل دماغوا من جهه ومش بقينا عارفين نعمل ايه واخر حل وصلنا ليه انى خلاص الحوار يتفشكل خااالص وكل واحد بياخد نصيبوا بعد محاول مع اهلى كتير واهلى كانوا حبينوا بس المشكله انى العيلتين شيلين من بعض غصب عنا رجعنا تانى لبعض وقررنا دلوقتى انى ناجل الحوار سنه على النفوس ماتصفى ونحاول نظبط الدنيا تانى انا مش عارفه اعمل ايه اهلى عايزينلى كل حاجه كويسه وحاسيين انى اهلوا عايزين يستسهلوا الحوار وفى حاجه كمان هو عنده شقته بيت عائله بس ماما مش راضيه عشان المشاكل وكده وماما مش بتستحمل زعل عليا وخايفه من مامته عليه وهو حاول مع اهلوا انه يجيب شقه بره بس منفعش خااااالص ياريت حد يقولى اعمل ايه او اى حل لانى بجت تعبت واحترت واسفه انى طولت عليكوا
مشاكل الحب والزواج
اكمل في حوار الزواج ولا اسيب حبيبي
اضيف بتاريخ: Sunday, October 16th, 2011 في 11:15
كلمات مشاكل وحلول: الحب, الزواج, مشاكل الحب
رأيي هو أن زواجكم محكوم عليه بالفشل قبل أن يبدأ ولو إدرتو تتجوزو وتهدو النفوس شويه هترجع المشاكل تاني عشان هو ساكن عند اهله. وباين عليه بتاع ماما وبابا ولا كان جاب لك شأه تانيه. دا رأيي ونصيحتي ليكي تسيبيه ونتستني نصيبك مع واحد تاني.
اولا واضح ان المشاكل بتكبر يوم عن يوم — وانا شايف انو محتار بين اهلك واهلو ومش قادر ياخد قرار بس تعرفى ليه لانو معتمد على اهلو فى مصاريف الزواج كان من باب اولى انو يعتمد على نفسو انا مش فاهم همت الاهل هيفضلو يصرفو على ابنهم لحد امتى لما يخلف ويجيب عيال الجوازه دى لو تمت هتندمى كتير اى وده فى علم الغيب والله اعلم لاكن الظروف المحيطه بيكم بتقول كده انتى لازم تواجهيه بصراحه انو الجوازه دى مش هتنفع لان ربنا قال وجعلناكم شعوبا وقبائل لتعارفو مش للتتخانقو ولا تشتمو بعض ده ايه الجوازه الزفت دى شكرا
انا افضل انك تستخيرى ربنا وهو هيقدملك الحل لان بجد المعيشه مع الحماه ولو كانت صعبه كمان بتبقى عيشه صعبه وهيحصل مشاكل جامده وسبيها للنصيب بس لو انتى شايفه انك موش هتقدرى على امه بلاها الجوازه دى وربنا هيعوضك الاحسن وشكرا
بعد الجواز هتحصل مشاكل لا محالة مع اهل زوجك علشان هتكونى فى نفس البيت مهما كانت علاقتهم بيكى هتكون كويسة فا ايةالحال بقى وهى متوترة اصلا قبل الجواز…
عموما لو انتى عندك استعداد انك تتفهمى وضع امة كويس وتعامليا كويس جدا مهما كانت معاملتها (وفى الحالة دى جوزك هيقدرك جدا) اتوكلى على الله وما تدخليش اهلك فى اى تاتش يحصل مع حماتك .. اما لوكنتى من النوع (كرامتى .. انت بتيجى على دايما… تشتكى من تصرف من مامتة… خلق ضيدق وماتستحمليس الحوارات دى) فا ماتظلميش نفسك وفهمية انك مش هتستحملى مهما قالك ان مامتة طيبة وهتحبيها و و و