السلام عليكم انا بنت عندى 20 سنه كنت بحب واحد اوى كان قريب واحده صحبتى وهو كان بيقول انه بيحبنى وكنت فى الاول مش مديالوه وش خالص لكن هو كان بيحلفلى كتير انه بيحبنى لحد ماصدقتوه وحبيته واتكلمنا فى الفون كتير بعد فتره ومن غير اى مقدمات سابنى ومن غير سبب وبعدها بفتره رجعلى تانى وقالى انا هبقى اتصل بيكى علشان اطمن عليكى ولما سالته انت سبتنى ليه قالى خايف اظلمك معايا وانا صدقته تانى واتكلمنه شويه وكان فى الفتره ديه كان بينصحنى كتير وبيقولى حافظى على نفسك وبطلى الطيبه الزياده اللى انتى فيها ومتصدقيش اى حاجه تتقالك وفكرى بعقلك وبعد كده سابنى تانى معرفش ليه بعتله رسايل كتير هزأته فيها وغلطت كتير فيه انا مكنتش بدخل على النت خالص دلوقتى طول الوقت قاعده على النت اتعرفت على شباب كتير وبتكلم معاهم معرفش ليه ودايما بخدعهم واقولهم على حاجات مش صحيحه ودايما بكدب على اى حد وبجرح اى واحد بحس انه بيحبنى دلوقتى اى حد بيرن على الفون بتاعى حتى لو كان طالب الرقم غلط اوبيعاكس باقعد اتكلم معاه صدقونى انا مكنتش كده خالص وعمرى ماكلمت ولد قبل الشخص اللى كنت بحبه بس انا عايزه أاذى نفسى باي طريقه وفكرت كذا مره انى انتحر بس مقدرتش انا خايفه اوى من ربنا وبحاول ابعد عن كل الناس بس مش قادره ابطل اتكلم مع الشباب انا مش عارفه اعمل ايه انا حاسه انى اتحولت شيطان مش عارفه اعمل ايه انا كنت بصلى وبصوم كل اثنين وخميس وبأدى كل الفروض اللى عليه بس دلوقتى بعيده عن ربنا اوى حتى الصلاه مبقتش منتظمه فيها مش عارفه اعمل ايه ساعدونى وانا اسفه انى طولت عليكم
مشاكل الحب الفاشل
الحب الفاشل والتعرف على شباب النت
اضيف بتاريخ: Sunday, October 16th, 2011 في 12:07
كلمات مشاكل وحلول: الحب, النت, شباب, مشاكل الحب
للاسف انت مسيطرعليك الشيطان ومخليك تنسي الله وتركت الصلاة ووقعت في طريق الانحراف والرذيلة اتقي الله وارجعي اليه وداومي على الصلاة وقراءةالقران واقطع علاقاتك المحرمة مع الشباب ربي يهديك ويصلح حالك
هلحب ليس سوى كدب
يااختى وحدى الله اولان بصى الى انتى فيه ده صدقينى علشان انتى بعيده على ربنا سيبك منه لو كان بيحبك بجد كان دخل الباب من بابه والى انتى بتعمليه غلط غلط غلط حله الصلاه الوقوف بين يدد الله بصى انتى بتتكلم سواء على النت او على الموبيل علشان انتى كنت بتكلمى واحد وبعد عنك واختى على كدا بتحسى اما تتكلمى معا اى حد انه هوه بس ده وهم انتى الى عمله فى نفسكم كدا وانتحار ايه ده كفر حرا م عليكى صلى مدام خايفه من ربنا صلى انتى عارفه الواحد الى يحب حد 5 سنوات ويبعد عنه فجاه يعمل ايه يغضب ربنا علشان ايه القلوب تحت عرش الرحمن يبدلها كما يشاء بصى علشان مطولش عليكى اسمعى كلام اخ لكى حولى انتك تصلى وتقرءى القرءان كثر والله والله ربنا هيقف جمبك بس يبقى فى اراده لو انشاء الله صليتى ربنا هيبعد عنك اى شىء شر صدقينى انا جربت كتير من السهل ان الانسان ياتى بلحسنات ومن الصعب المحافظه عليه ربنا يخفف عنك انشاء الله //الطير الحزين
اتمنى من الله ان يعينج على ما ابتليتي به وادعيلك من كل قلب ان ربي هديك الى الريق الصحيح
صباح الخير ولا تحولتى لشيطان ولا بطيخ صلى وتقربى لله وفكرى بتركيز واسئلى نفسك هلا الا انا فيه ده الطبيعى والصح بتاع الناس الطبيعيه ولا لاء فى سعتها هتفوقى وهترجعى زى الاول واحسن ومش كل من حب ومطالش مات ولا هيه نهايه الدنيا لا اقفى على رجليك ومتحسسيش نفسك بالكسر وخليك قويه وحبى تانى واتزوجى وخلفى اوااد وعيشى حياتك كلنا حبينا ومطلوناش بس مموتناش ههههههههههههه جمد قلبك يا عم وروق وعيش حياتك يلا يا جميل غيرى من نفسك وشوفى نفسك فى المريا وكلميها قوليلها عاوزك تحبى تانى وتعيشى حياتك واهم شئ تقربى من ربنا شويه صلى واقرى قراءان وهتبقى زى الفل / المحامى
اختىهنا
بسم الله ما شاء الله عليكي انتى بجد طيبه اوى ومعنى انك كتبتى مشكلتك هنا
دا يبقي ان عندك اراده للتوبه يا رب يكملك بعقلك ودينك الحل ايه دلوقتى
اول خطوه تتعمل قبل اى حاجه
1 .. تبطلى دخول الشات باى طريقه لان دي ال مداخل الشيطان ليكي
2.. لو حاسه انك مستحيل تبعدي عن النت ممكن تخشي ع مواقع دينيه
انا ذات نفسي لد بنات بتبعتلى ادد بس انا برفض اضيف اى واحده معرفهاش
برضوا انا عرفت موقع اسمو “” فتكات “” ده تقريبا خاص للبنات بس انا مره دخلتو كفضول
اتعرفي ع صحبه بنات محترمه يقدروا يعينوكي ع التدين و الاتزام زى الاول
متكلميش الواد السيس دا تانى لان دا بيتسلى بيكي بقلبك الطيب الجميل دا
اول ما يتقدملك واحد محترم وافقي عليه علطول لان الشخص المحترم حينسيكي الشخص التافه بتاعك
صلى واستغفرى كتير
ربنا يكرمك
انتي هيك تنتقمي من حالك ولا من الشب يلي ما خدعك؟؟؟ طبعا كل شي تعمليه بيكون ضدك انتي وبس انتي المفروض هيك تجربة تفوقك وتخليكي اقوى مما كنتي عليه مش تضعفك وتخليكي تؤذي حالك ..انتي بطريقتك هاد رح تخسر اي شب ممكن الله يبعتهولك ونيته طيبةلازم تحكمي عقلك ولا تتخلي عن طيبتك بس لا تكوني ساذجة وتصدقي اي حدا واي كلام لو اي بنت فشلت في قصة حب عملت هيك ما رح تظل بنت صادقة في هالدنيا…صدقيني انتي لسه صغيرة ولو ضليتي هيك رح تخسر حالك وتخسري ثقتك في نفسك والاهم من هيك رح تخسري راحة بالك وطيبة قلبك احنا دايما نتمنى يكون جنبنا حبيبنا واعز حدا لقلبنا مفكرة هيك ما عندك حبيب؟؟ بالعكس انتي معك وجنبك في كل دقيقة وفي كل مكان صديقك الواحد الاحد الذي لا منجا منه الا اليه احكيلو اشكيلو ابكيلو هو يلي قادر ع فعل كل شي هو الي رح يريح قلبك وينسيكي كل شي بدك تنسيه لانه انعمك بنعمة النسيان ولو ماكانت هالنعمة كنا كلنا عايشين في جحيم اتمنى تتقربي من خالقك مثل ما كنتي واكثر وترجعي تصومي مثل الاول وكثري من قرأة القرآن لانه دواء لكل داء والي باعك بعيه والي ما يستاهل حبك انسيه حبي بعقلك اولا لانه في هالزمن صار الاخ يغدر اخوه فمابالك انتي ناس غرب ديري بالك منيح ع حالك واتمنالك كل خير والسلام عليكم ورحمة الله تعالى وبركاته
1-فى البداية زى ماقالت الاخت وردة الياسمين ان بداية الحل الاعتراف اننا مخطئين ونادميين على كده.
2-اننا نكون عندنا نيةوارادة قوية ان احنا نغير.
3-الصحبة الطيبة اللى اكيد هيدلونا على الطريق الصحيح.
4-منضعش نفسنا فى مواقف تخلينا نعمل كده فمثلا فى حالتك نتجنب الحديث الكثير مع الشباب.
5-العفة وتحصين النفس بالزواج وبناء الاستقرار النفسى .
ومع هذا كله طبعا القرب من الله بكل انواع العبادات قال تعالى:(ومن يتق الله يجعل له مخرجا ويرزققه من حيث لايحتسب)
ويارب يهدينا ويوفقنا جميعا اليه………..جزاكم الله خيرا.
انا زيك بالضبط واللهي انا كنت بعمل اللي بتقولي بس الحمد للة بدات اتغير كل حاجة قبل ما تعمليها فكري في ربنا وقولي دة صح ولا غلط الدنيا مش دايما لينا و الاهم انك تكوني نايمة مرتاحة علشان بعد الشر عليكي تكوني نايمة ومستعدة للقاء ربك في اي وقت وصدقني ربنا كريم اوي وحيقف جمبك
بصي ياستي انتي كدة عديتي الجزءالأهم لمشكلتك وهو انك اعترفتي ان في مشكلة وعايزة ليها حل وده لوحده بداية الطريق انك حاسة ان فيه حاجة غلط وانك عايزة تغيريها وده كله جميل دلوقتي يا قمر حل كل ده بسيط جدا انك تحبي نفسك شوية ربنا خلقنا غالين جدا ونفسنا دي مش ملكنا دي ملك اللي خلقنا ربنا سبحانه وتعالى .
مش معنى يا توتة اننا مررنا بتجربة مش ناجحة ان دي نهاية الدنيا انتي بتنتقمي من مين بالزبط لو منه هو مش موجود دلوقتي وأي حاجة هتعمليها مش هتغير الموقف
ولو بتنتقمي من نفسك فأعتقد إنك أغلى من كدة بكتير رجعي النقاء اللي كان جواكي قبل ما تعرفيه ومتخليش التجربة اللي منجحتش هي الشماعة اللي تعلقي عليها كل الأغلاط اللي هتعمليها الحياة ابسط من كدة بكتير واحنا اللي بنختار الصح من الغلط حولي التجربة الفاشلة لتجربة ناجحة مش لشريط من المآسي المتكررة ابتدي من جديد اتعلمي من غلطتك ومتكرريهاش يمكن ربنا كان بيحذرك ان السكة اللي مشيتي فيها متناسبش اخلاقك ومش صح يمكن ربنا مختارلك حد أحسن منه وعسى أن تكرهوا شيئاً وهو خير لكم انا عيزاكي ترجعي تاني زي ما كنتي عشان ترجعي تحبي نفسك وتبقى غالية عليكي لان مفيش اي حاجة من اللي هتعمليها هيرجع اللي راح صح ولا لاء عشان كدة خدي قرار انك تبدي صفحة بيضا وتمسحي من حياتك كل اللي فات ترجعي قريبة من ربنا ترجعي مبتكلميش شباب ترجعي البنوتة اللي في المكان الابيض اللي جوة قلبك الطيب ان شاء الله بجد ربنا يعوضك خير واطردي من دماغك العفاريت اللي بتقولك تنتحري الحياة حاجة جميلة اوي واجمل تجربة ممكن نعيشها كفاية انها هتكون طريقنا للجنة لو اشتغلنا فيها كويس وحطي دايما قدام عينكي الدنيا دي كلها على بعضها بكل دوشتها مجرد مكان مؤقت لكن الخالد هو الجنة سعتها هتشوفي كل مشاكلك متسواش انا عارفة ان الكلام اصعب من التنفيذ بس انتي صلي ركعتين وصلي ع النبي كدة واستهدي بالله وادعي ربنا من قلبك وانتي متأكدة من الإجابة انه يبعد عنك كل هم وربنا يوفقك في حياتك ويرزقك بحد يستاهلك ويبعد عنك كل شو ايدك على ربع جنيه مخروم بقى لزوم الدعوتين الحلوين دول هههههههه بهز معاكي يارب اكون قدرت اساعدك
خدي بالك من نفسك
مش نهاية الحياة انك ماتوفقتيش في حبك ومؤكد مافيهوش خير ليكي وموش عشان شخص مايستهلش تضيعي نفسك صدقيني لو كان انسان يستاهل حتى لما تحزني عاليه يبقى يستاهل حزنك ودموعك بس دا مايستهلش بمعنى غلط انك تكوني اسيرة شخص معرفش قيمتك وكمان الشباب يلي إنتي بتكلميهم على النت هوما يلي مستفيدين موش انتي صدقيني إلحقي نفسك إنتي موش بتنتقمي منهم هوما إنتي بتنتقمي من نفسك أقعدي مع نفسك واسحبيها من التيار دا وليساكي ياحببتي صغيرة وأكيد ربنا حيرزقك بلي يحبك ويحافظ عاليكي وأكيد إنتي إنسانة كويسة عشان مارضيتيش إنك تفضلي كدا حبي الحياة ويلجائي لربنا حيساعدك وحياخد بإيديك ويارب يكون معاكي المهم إنك تعملي على انك تطلعي نفسك من المستنقع دا والمصدر يلي من خلالو يحصلك كدا وبقيتي انتي موش انتي يبقى مايستهلكيش وصدقيني ربنا خالق لكل شخص حد يحبو عشان دي سنة الحياة وماتقوليش على نفسك شيطانة كولنا بنغلط المهم اننا مانتماداش في الغلط وخير الخطائين التوابين ومؤكد ربنا بيحبك عشان انتي رافضة نفسك كدا وعايزة ترجعي زي مكونتي …ماتستعمليش مصطلح حاحاول بل إستعملي مصطلح حعمل إني أخرج من يلي أنا فيه بالإستعانة بالله وصدقيني حتخرجي بإدن الله