انا بنت عندي 15 سنه وبحب واحد عنده 20 سنه وهوا يبقا ابن عمتى وهوا بيحبنى اوى وواعدني انو هيتجوزنى وكمان هوا كان بيعمل كل البلاوى الى ف الدنيا وكان عارف بنات وبشرب حاجات مش كويسة وبشرب سجاير ومش بيصلى وسقط سنه ف الدبلوم الصناعى بس هوا بدا يحكيلى عن الحاجات دي من سنتين وانا من غير حب ولاحاجه بدات اخليه يبطل مقابله بنات وشرب الحاجات دي وبقا كويس ومن سنه قالي انو بيحبنى مع العلم انى كنت بحبه اوى من غيير ماهو يحس ولايعرف وهوا قالي اننو حب يحكيلك ع كل حاجه عملها قبل مايحبنى عشان ابقا عارفه كل حاجه عنه ومرجعش اقوله انت كذبت عليا وتبقا كل حاجه صريحه و انو كان بيحبنى ومكنش راضى يقولى خايف لاقوله لا وعشان القرابه الى بينا وكده وبعدين يوم بعد يوم وحبته اوووى وهوا بيحبنه وبيقعد يتفق معايا ع كل حاجه ومن يوم ماحبيته خليته يبطل يعرف بنات ويصلى ويبطل سجااير خالص وخليته يذاكر ونجح ف اخر سنه وبقا محترم اووى ومش بيكلم الا انا بس واعطانى ايميله عشان اتاكد بنفسى وموبايله وكل حاجه وكمان هوا علطول يقولى انا مش هسيبك انتى مراتى انا مش هاتجوز الا انتى ولو اتجوزتى غيرى انا عمرى ما هتجوز وعلطول يقولى انو بيحبنى بجد وانو مش بيهزر ولا بيتسلى بيا وعلطول يسال عليا ويكلمنى وعلطول كل مايحصل بينا مشكله يجى ع نفسه عشانى وبعد مانتصالح يقولى انا جيت ع نفسى مع ان انتى الغلطان وبيهتم اوى با وبيقولى البسى دي ومتلبسيش دي دى ضيقه دي متنفعش وبغير عليا اوى بس وجه اليومين دول مشاكل بين بابا واخواته فاانا كنت عايزه اسيبه عشان المشاكل دي بس انا حاولت ابعد عنه قبل كده قعدت شهر واحده وتعبت اوى وجالى خنقه ورجعتلو تانى وعلطول بلاقيه زعلان اما ببعد وبيبقا ف حالة نفسية رهيبه فاانا مش عارفه اعمل ايه بس هوا اتغير عشانى عشان بيحبنى ودايما اما اجى احاسبه ع اى حاجه كان بيعملها كان يقولى انتى الوحيده الي تتخطي حدودك انتى الوحيدة الى بتهتمى بيا بيعاملنى معامله تانيه فانا مش عارفه اعمل ايه ؟ معلش طولت عليكو
