السلام عليكم ورحمه الله وبركاته ….انا مشكلتي بدات كالتالي انا بنت مصريه كنت عايشه في السعوديه المهم قررنا نرجع مصر عشان ادخل الجامعه وكده المهم دخلت الجامعه تقريبا في نص الترم الاول لاقيت جالي على الواتس اب برودكاست من رقم غريب فسالت مين المهم عرفت انو ابن عمتي وابن عمتي ده انا كنت معجبه بيه من زمان بس كان شعور جوايا ماقلتش لحد المهم بدا كل شويه يسالني انتي فين وكده بالمختصر كان بيكلمني 24 ساعه بيبعت على الواتس المهم بدات اعرف من تلميحاتو انو بيحبني وانو بيحبني من زمان المهم جت فتره سافر فيها تركيا الفتره دي اتغير عليا جدا فيها ولما رجع كنت خلاص هسيبو بس قعد يفلي بحبك ومش هقدر اعيش من غيرك طبعا انا قلتلو ماتقلش بحبك حرام احنا ماغيش بينا حاجه رسمي كان يقلي ماشي وبعدها يرجع يقولها مع الوقت بقينا بنتكلم كحبايب وده كان اكبر غلط عملتو لاني عمري ماكنت انخيل اني انا يجي يوم واكلم ولد بس اجتمعت مميزات اني انا اصلا معجبه بيه وانو ابن عمتي فكنت مدياه الامان المهم قبل رمضان كده حصلت مشكله لاقيت اختو بتهددني انو هتدمر حياتي وحياتو وكده فانا جا في بالي انها هتقول لاهلي ولاهلو فمستحملتش قمت اخدت برشام ضغط كتبر تقريبا 5 وكنت ساعتها في بيت جدو فجت بنت خالتي لاقتني بعيط قالتلي مالك قلتلها كل حاجه وقلتلها اتصلي بيه وقوليلو انو اختو قالت كده المهم اتصلت ورد من المره 3 قالتلو انو انا اخدت برشام وتعبانه جدا واختك قالت كذا كذا المصيبه بقه فين ان اللي رد عليها ماكنش ابن عمتي كام باباه فباباه قفل وماقالش لبنت خالتي انو باباه بعد شويه لاقيت عمتي بتتصل وتقلي يعتي ايه قريبتك تتصل وتقول كدا كدا انا ابني كان عملك ايه انا ابني اصلا هيخطب يا منقبات يا محترمين (تقصد عيله ماما) انا طبعا قلتلها لا ياعمتو ابنك بيعاملني زي اختو مافيش حاجه وكده (حبي ليه منعني اني ااذيه حتى لو اجي على نفسي) المهم طبعا هو سابني بعدها لانو بيخاف من اهلو جدا فسابني وقعدت اتذللو واترجاه بس ماكنش بيرضى وفجاه بقت ردودو كلها قسوه المهم انا كنت كل يوم افتكر كل حاجه حلوه وانهار وخصوصا انو اول ولد في حياتي كنت بنهار فعلا كنت مش بعرف انام كنت بصحى على الم في قلبي ودموع من عيني رغم اني نايمه المهم مع الايام بدا عياطي يخف بس منتهاش كنت لازم افتكر واعيط مرت الايام بقت 4 شهور ولا حتى كان بيقولي السلام عليكم قطع تماما وانا كنت افتكر وعودو انو عمرو ماهيسبني وانو ازاي خلاني اثق فيه بعد 4 شهور لاقيتو رجع يكلمني واتس وقالي انو عايز يرجع انا بصراحه عيطت من الفرحه حسيت روحي رجعت لجسمي قعدت احكيلو على ازاي تعبت فعلا لما سابني وكده وهو ساعتها اتصل وكان بيعيط وقالي ماتخيلتش انك هنتعبي كده المهم رجعنا بس ثقتي كانت منعدمه قعد يقلي حقك بس هثبتلك اني اتغيرت واني فعلا بحبك راح كلم ستو وقالها تكلم بابا وتقلو انو عايز يخطبني وكلم اهلو بس اهلو رفضوووو تماما لان عمتي مش بتحب ماما وواصلهم كلام كتير غلط وظلم عننا المهم قالي احنا هنقف قدامهم ومش هنسمحلهم يبعدونا عن بعض ان شاء الله اموتهم وكلام زي كده المهم كملنا مع بعض بس كانت بتحصل مشاكل كتيره وبصراحه كنت انا بتخانق على اتفه الامور بس انا كنت كده لاني كنت لسه مجروحه وجت فتره اللي قبل الاجازه بقه ورمضان افتكرت انو سابني قبل رمضان فكنت منهاره كان يتصل اقعد اتعصب عليه واقلو خلاص قرب الوقت اللي هتسبني فيه زي ماسبتني السنه اللي فاتت يقعد يقسملي انو ماهيحصل المهم اديتو الامان المهم قبل امبارح سابني 🙂 اللي هو برضو قبل رمضان زي ماكنت حاسه سابني وقالي انو لو اخدني هيخسر اهلو وكده عايزه اقلكم اني مهما حكيت عن الالم اللي انا فيه دلوقتي مش هقدر اوصغو ماباكلش بشرب بس انا ميته فعلا وهو ازاااااي يتغير في يوم واحد كان لسه قبلها بيقلي بحبك وكده صحي من النوم سابني!! انا عايزاه يرجع ارجوكم قولولي ارجعو ازاي المره دي غير المره دي فعلا بقى قاسي اوي ولا كانو سابني صاحبتي كلمتو بتقلي وانا بكلمو اكتشفت انو مش لسه بيفكر ده واخد قرارو وانو عااادي مش فارق معاه اعملللل ايه انا بكتبلكو وانا الدموع خنقاني اه صح نسيت احكي على اهم حاجه في اليوم اللي سابني فيه بعت لاختو سالتها هما اهلك رافضني ليه راحت ورت المسج لممتها 🙂 مع اني حلفتها يكون سر لاقيت عمتو بتتصل وتقلي ابعدي عن ابني لاما هحكي لبوكي عن المشكله القديمه وهطلق امك من ابوكي وهطلق بنت خالتك من جوزها وانتي عمله لابني عمل ولا ايه هو اتصل بيا وقالي ياماما هي لازقه فيا وانا بحاول اتجنبها وانا خلاص شلت الموضوع من راسي ومش عايزها (انا بعدها سالتو انت قلت الكلام ده لممتك قالي اقسم بالله لا) بس من فين ممتو هتعرف انو فعلا سابني المهم قلتلها هو اللي بيتصل بيا قالتلي كداااابه انتي اللي بتتصلي يامنقبين ياللي بتسجدو للاصنام ….طبعا صحبتي لما كلمتو قالتلو انو لازم يجيب حقي لانو عارف انو هو اللي كان بيتصل 1000 مره لغايت مارد وكان بيفضل يبعت لصحباتي ول اختي خليها ترد عليا انا بموت وهو اصلا اللي بدا يكلمني قام قال لصحبتي ماشي انا هحكي وكده ( طبعا بيكذب لانو مستحيل يحكي وبيحاف جدا من اهلو ) المهم قولولي اعمل ايه لو حكيت لبابا ممكن يقتلني ولو ماحكتش هتفضل عمتي تذلني كده وتاني حاجه انا عايزه ارجعلو ساعدوني
يا اختى الكريمة اجعلى كرامتك وكرامة اهلك فوق كل اعتبار اتركية الله يرزقك بمن يصونك ويعفك واتقى الله فى اهلك اذا عرفو حتكون خزى لهم والولد ما يستاهل تضحى لاجلة لانه مش راجل ولاعند كلمتة اجعلى كرامة امك واباك فوق كل اعتبار حتى لو كان قريبك
شوفي يابنتي الغالية معليش ماتزعل مني انت غلطانة اوي لما تكلمت مع الولد ابن عمتكي من اصلو مافيش داع لكلده وكنت تقفل الاتصال معه وماتسمحيش له ان يتصل بك مرة اخرى البنت المحترمة تعمل كدا مع اي شاب يحاول الاقتراب منها ولاتطمن له حتى لو كان ابن عمتك ومن اقاربكم الان اهلو كلهم عرفوا انو يكلمك وانو فيه علاقة بينكما امه وابوه واختو وصرت في موقف لاتحسدي عليه ابدا وده التصرف يسئ لسمعة اهلك وكرامتهم ويقولوا عنك انك فتاة مش محترمة ولامتربية وبالذات عمتك المتكبرة والمتخلفة وحقدها وكراهها للمنقبات اللي هم احسن منها واشرف منها الف مرة دي ست ماتعرفش دين ولااخلاق ولاعندها اسلوب للتخاطب مع الاخرين فاكره نفسها انها احسن من بقية الناس عايزكي تعالج المشكلة دي بالعقل والحكمة لو سالوك اهلك اكيد انها هتقول لباباك على كل حاجة ومش بعيد انها تزيد في الكلام معه وتقوله على اشياء لاصارت ولااستوت ابدا اخبري امك بالحقيقة وقولليها انه هو اللي اتصل عليك في البداية ولما عرفتيه طلبت منه ان لايتصل بك مرة اخرى ولكنه تمادى في الاتصال بك وانك عمرك ماعملت كدا ابدا ولااخلاقك ولاتربيتك تسمح ليك تعملي كدا ابدا وامك هتعرف تتكلم مع ابوك وتفهمه الموضوع وتخليه يقتنع انك بنتهم ولايمكن يحصل منك حاجة غلط ومتاكدين منك وواثقين فيك تمام الثقة وعايزك كمان تبطل جلوس على النت وتهتم بدراستك ومستقبلك وربنا يسترعليك ويجيب العواقب سليمة ويكون بمثابة درس لك تعملت منه انك ماتتكلميش مع اي شاب مهما حصل ولاتثق في اي احد وربنا يؤفقك ويصلح حالك ويسعدك في حياتك كلها