انا عندى 19 سنه عشت قصة حب وفشلت من بعدها قررت انى معرفش الحب تانى بس فى يوم جميل كان اهل مامتى جايين عندنا وكان معاهم ولد شباب ياخد العقل واول ماشوفته حسيت انى مش على بعضى بس عرفت اتحكم فى نفسى ومابينتش ده بقى يبقى ابن خالى بس انا وهو ماكناش بنشوف بعض المهم واحنا قاعدين على الكمبيوتر انا وهو بس قالى انت عسوله واموره اوى حسيت ان قلبى وقف قولتله ميرسى قالى انا مش بجاملك دى حقيقى خد رقمى وكلمنى لما روح وبقى يكلمنى دايما ووهمنى انه بيحبنى ولما حبيته واتعلقت بيه سابنى وراح لحبيبته الاولى انا حسيت قولتله قالى لا ده هى اللى بتكلمنى وعرفت بعدين انه بيحبها وكان بكدب عليه وكان كل مايقعد مع حد من قرايبنا كان يحكى عنها وعن قد ايه هو بيحبها برغم ان انا وصحابى شوفناها قالولى ان انا احلى منها بكتير وهو قالى ياريت نكون اخوات وانا وافقت لانى مش عايزه اخسره وانا لسه بحبه ومتعلقه بيه وكل ما بشوفه ببقى عايزه اقوله انى لسه بحبه بس مابقدرش عشان كرامتى ومش عارفه اعمل ايه وياريت محادش يقولى انسيه لانى حاولت كتير ومقدرتش……..ساعدونى ………!!!
شوفي يابنتي انت غلطانة لما كلمت الشاب ابن خالك واي شاب يقابل فتاة حلوة وجميلة في حياته يحاول اللعب بمشاعرها والايقاع بها والحمدلله انك عرفت حقيقته وانه يحب وحدة ثانية ومتعلق فيها خلاص بقا انسيه تماما واياك والتكلم معه او السماح له بالاتصال بك حافظي على اخلاقك وتربيتك وعلى سمعة اهلكي وكرامتهم وثقتهم فيك وربنا بيكرمك بحسن منه مليون مرة الف من يتمناكي ياقمر