السلام عليكم و رحمة الله و بركاته .. أنا ببساطة مشكلتي زي معظم البنات في سن المراهقة و عندي 14 سنة .. اول حاجة أنا طبعا من مصر بس عايشة في الاردن و كنت بتواصل مع كل قرايبي عالفيس بوك مشكلتي بدأت لما لقيت ابن خالي (م*) بيعترفلي انه بيحبني أوي و مش عارفة ايه و كان نفسه يعرف اذا كنت بحبه ولا لا أنا قلتله بكل بساطة اني مش هقول له اذا كنت بحبه ولا لا و هو يبقى يكتشف بنفسه و المشكلة الاكبر ان ابن عمي (ا*) قالي نفس الحاجة و أنا رديت عليه بنفس الرد اللي قلته لم*، بس ا* ده بقى عشت معاه أجمل أيام العيلتين قريبين أوي من بعض و لينا ذكريات حلوة اوي مع بعض عشان كده بحس انه اقرب ليا من م*، المهم هو اتعصب لما رديت عليه كده و قالي شكلك مش بتحبيني ده كله عالفيس برضو و مش عارفة اعمل ايه و بصراحة أنا مش عايزة ادخل في مشاكل الحب و الكلام ده و أنا عارفة اني لسا صغيرة و لو عملت حاجة زي دي يبقى كده بخون ثقة أهلي فيا و سعات بحس اني بحب ا* اكتر من م* ، رغم ان م* احسن منه في حجات كتير و انسان اخلاقه كويسة و محترم يعني حبه صادق و خايفة اعترف لا* اني بحبه عشان ارضيه و ميزعلش مني و عشأن فعلا بحبه يقوم م* يزعل مني جامد و اجرحه حيرانة بجد و أنا حاليا مقلتش لحد حاجة لسا أهو .. اقول لا* اللي زعلان مني ده ايه و لا ايه الحلول محتاجة اسمع ارائكم .. و شكرا
انت لسه صغيرة وفي مرحلة المراهقة حرام عليك تفكري في امور كهذة مستغرب جدا اهلك فين عن كل اللي بتعمليه ده عايزك تبعدي عن الحاجات الزفت دي وتهتم بدراستك ومستقبلك ونحافظي على اخلاقك وتربية الاهل لك وثقتهم فيك وتصون كرامتهم وسمعتهم جيدا وربنا يصلحك ويهديك ويسترعليك