مشاكل الشباب قبل الزواج

حبيبتي انا واخي

بالبدايه اعرف عن نفسي انا *** من الاردن وعمري 22س..منذ سنه وقعت في غرام ابنه خالتي واسمها *** وهي تصغرني ب 4سنوات احببت رقتها برائتها كلامها انها ك عصفوره بريئه بنت عشها على غصون حياتي لكن لم اعترف لها خوفا من رفضها وخوفآ من سماع خالتي بانني حادثتها وتغضب ان سمعت من غيري..فقررت ان افتح الموضوع مع خالتي اولا لان خالتي هذه احبها بمقدار حبي لأمي وهي ايضا تميزني بحبها ومعزتها لي عن باقي اخوتي..ففرحت جدا لمعرفتها بانني احب ابنتها وبانني قررت خطبتها وبانني فاتحتها بالموضوع اولا حتى قبل اهلي وهذا كان خطأي..لكن خافت خالتي بأن اهلي يرفضو الفكره لان زوج خالتي سكير وحشيش بالمعنى العام”هامل جدا”وسمعته بتخزي بالبلد فرفضو اهلي الفكره وكلهم عارضوني واولهم امي ابي متوفي لكن لو كان حي لكان رفض واخوتي الاصغر مني كلهم عاندوني انا الي اخ اكبر مني بسنه وكنت خؤيف افتح الموضوع معه لانو كثير بيكره ابوها وكان رفض لو عرف بس ماحكيتلو وماحد حكالو وماعرف عرفت البنت من امها اني انا بحبها انبسطت واستقبلت الموضوع مع اني كنت خايف من ردها بس ربنا قدر ولطف وقعدت معها وحكينا والبنت ماكان في قبلي بحياتها وانا كنت الاول مر الوقت تقريب شهر لما اخدت وقتها بالتفكير وقررت تحكيلي لاول مره ..بحبك يا ** .حسيت اني اسعد واحد بالكون وحبياها بكامل قوااي العاطفيه انا مصيبتي اني كثير رومانسي وحساس بس مش ضعيف وغبي وبعرف اختار وافكر البنت محترمه جدا لايغركم ابوها وخالتي كثير ادميه وحنونه بس انضلمت مع الحقير جوزها..المهم مر الوقت تقريب سنه واحنا منموووت ببعض حب وغرام وحكي عالتلفون وعالفيس بوك ونقعد باليت طبعا بعلم امها وقدامها وقدام اخوها الوحيد وهو زغير اصغر منها بسنتين وكان يموووت عليا ويحبني وماينام الي بجنبي ببيتنا..فتره والبنت كتير اغيرت معي بطلت تسأل عني ولاتبعت مسجات متل قبل ولاتحاكيني الا رد للعتب مو اكتر وكنت بسالها وماكانت تحكيلي كانت تحكي ولا اشي ولا اشي كان هاد كل ردها بس للامانه البنت ماكان في حدا بقلبها حراام البنت مابتعرف تكون مع اني شكيت بهالاشي بس اكتشفت اني ضلمتها بشكي فيها..اجت فتره كمان   اخوها مابعرف ليش قلب عليه فجاه بطل يحترمني ولا يحبني وكلامو معي جفص ومو محترم متل الاول وماكنت اعرف السبب وصار يتدايق لما يشوفني قاعد مع اخته وبحكي معها مع اني ماكنت اقعد الي قدام امها واهلي وخالاتي يعني ان وجدن لانو اصلا صارت كل العيله تعرف عن قصتنا والكل أيد وانبسط الا امي واخواني واخوي الكبير  الوحيد الي ماكان يعرف لانو كان طووول الوقت بيشتغل وماكان يروح عالبيت الا كل لسبوع مرتين وبآخر اليل المهم   اخو حبيبتي صار يتحركش فيني ويتطلعلي بنضرات حقد زي كانو في حدا محرضو علي صار يضرب بأختو   ويسب على امو االي هي خالتي ويسب عليها وعلى بنت خالتي انا ماتحملت ضربتو وفشيت كل غلي فيه مع اني غلطت بعملتي وماكان لازم اعمل هيك بس انحرق دمي..وفجاه كمان خالتي تغيرت معي وبطلت تعاملني بحب وحنان وبطلت تستقبلني بأحلى الكلام والعبر..وحبيبتي تغيرت معي اكثر واكثر..طلعت بنت خالتي متغيره معي لانو كان بدها ننفصل لانو خايفه من اهلي ومن اهلها اهل ابوها لانهم عندهم عنصريه للعيله الي بنتمي الها انا..وبكرهو كمان اي حدا بخص عيله خالتي بس هي كانت كتير تحبني وماتناديني غير يانورسي وانا كنت اناديها عصفورتي المهم مرقت الايام وحكيت مع خالتي واعتذرت للي صار وحلفت ميييت يمين انها مازعلتت للي صار وانها معزتي عندها ماتغيرن ابدا انا سدقت ورجعت طبيعي هاد الحكي كلو صار قبل شهرين ولهلا مابنحكي انا وابن خالتي ..حكت معي باليل حبيبتي وقلتلي الصاعقه الي كنت خايف منها قالتلي احنا مو لبعض ولارم ننفصل والي عملتو مع اخوي مالازم اعملته لانو مادخلك ومهما صار ماكان لازم تضربو بس انا مو عشان هيك بدي نترك بعض بس لانو يمكن تسير مشاكل عائليه اكبر من هيك واحنا مو قادرين نتفاهم هسا عشان نافاهم بس يصير عنا ولاد طلعت حقيره عكس ماتوقعتها لانها صارت تعاملني بقله قيمه وحقاره بعد هيك وبطلا تحكي معي بالمره ولا سلام ولاكلام وتحكي وتمزح مع بقيه اخواني الا انا بعدين كرهت الدنيا اتعذبت لانهي كانت كل اشي بحياتي عشقتها غير البنات الي حبيتهم قبل حسيت بالامان معها كانت توعدني وتحلفلي انها ماتتركني وراح تضل معي كل هاد راح وراح الكلام والحب كلو اختفى ليش وكرمال شو مابعرف مع انو الاعذار الي عرضتها عليه كنا حكينا فيها من الاول واتفقنا مع خالتي انو كل هاي الامور راح نتحداها ونحلها بختصار طلعت خالتي الي وازه حبيبتي انو نترك وقالت الها اوعك تحكي ليا اني انا حكيتلك ولا تجيبي سيرتي ابدا قولي انو كل هاد الحكي من راسك وفعلا ايناس قالتلي هيك بس ماسدقت حبيبتي بعرف الحكي الي بيطلع منها والحكي الي حافضيتو حفض طبعا فاهمين عليه..بس انا ربي سبحانه وتعالى خلق فيي ميزه اني بحس بالاشي الي صاير او بدو يصير وبيطلع دائما احساسي بمحله وعمره ماخاني احساسي هو اكتر حدا مخلص معي حسيت انو خالتي السبب لانها تغيرت كتييييير معي ومو متل الاول سالت خالتي وواجهتا وقلتلها ليش هيك عملتي وحكيتيلها انو ننفصل عملت حالها معصبه وانا مستحيل اعمل هيك وانؤ والله بعزك اكثر من الاول وهي الي قررت من راسها انو تعمل هيك وتتركك انا برضو احساسي لسا بوز فيني وماسدقتها بس بينت الها اني مسدق هيك ضليت وراها لما اعترفت انو هي الي قالت طبعا نسيت احكيلكم انو يوم ماحكت معي ايناس حتى ننفصل بس حكت قرارها قعدت ساااعه كامله عالتلفون وهي بتعيط وتتأسف وتقلي والله غصب عني والله مابقدر اكمل سامحني حبيبي مابقدر بس ماحكتلي وفجأه سمعت صوت خالتي بتسرخ على بنتها وشدت التلفون من ايدها وخبطتو بالحيك وكسرتو حتا ماتحيلي شي هيك انفصلنا بطلنا نتحاكا انا وحبيبتي هسا علاقتي بخالتي عاديه وبررت حجتها بانهاا الي خلت بنتها تتركني بنفس الاسباب الي حكتلي اياها حبيبتي بس زادت على الشعر بيت وقالت انت اهلك رافضين بنتي عشان ابوها وتنا مي مستعد ارمي بنتي عليك واذل حالي واذلها انا امك سمعتني حكئ كثير وقالتلي انها مبسوطه لانكو تركتو انت وبنتي ..مر شهرين وبعدين صرت الاحض انو اخوي بيلف على حبيبتي وبحاول يقعد معها وبس تكون غايبه بسال عنها مع العلم انو كان بيكره خالتي وماكان يحب تجي عنا مع العلم انو خالتي ساكنه بنفس المنطقه وفجاه صار يحب خالتي ويوصلها لمن تروح وانا بلاحض علييه وعنضراتو لحبيبتي وكيف بيتطلع فيها وانا مرعووووووب كثير من انو يحط عينو عليها ا نو يحبها ويخطبها وهي قلبها كثير ضعيف قدام الحب وماراح ترفضو لانو مخلص جامعه ووضيفتو منيحه وبيقبض منيح وبقدر يسعدها اما انا صح مخلص جامعه بس حضي زفت مابشتغل وكل مالاقي وضيفه بتضيع من ايدي وهاد من احد الاسباب الي عرضتها علي حبيبتي وخالتي مع انو  لهسا بتحبني وانا بحبها بس خايف تروحلو انا شو راح يون موقفي والله خايف هاي هي مشكلتب مع اخوي بس انا حبيت افضفض واحكي القصه بتمنى تعطو ارائكم وتحكولي الحل حطو حالكم مكاني والله صعبه وهو لهسا مابيعرف بالي صارؤبيني وبينها وهو ثايره روحاتو لخالتي كثرانه كثير والله راحيتقطع قلبي مع اني بكل الي حبيتها ماعمرو صار معي هيك كنت دائما قوي بهيك مواقف مواقف الحب يعني والفراق بس مع حبيبتي مابعرف ليش ضعفت..حاسس حالي صاير كثير بكرهو ومبطل احب يجي عالبيت صار دام يرح كل خميس وبيرجع الشغل السبت صرت اخاف يجي احكولي شو اعمل بتمنى تساعدوني..وشكرا واسف جدا عالتأخير.

مشاكل وحلول ذات صلة

اضيف بتاريخ: Wednesday, January 31st, 2018 في 10:05

كلمات مشاكل وحلول: , , , , , ,

اترك رداً أو حلاً لهذه المشكلة