الحب بين الاقارب

بحبها وبتموت فيا لكن عرفت شاب تاني

انا عايز اطلع من هنا بحل نهائي انا هطول عليكو بس علشان تبقو عارفين الحكاية من طق طق لسلامو عليكو 🙂 وامانة ماتستخصروش فيا القراءة والمساعدة … انا مالي داخل في دوور الشحاتة كدا لييه

المهم انا شاب عندي ١٩سنة وهي بنت اصغر مني ب ٣ سنين هي بنت خالتي وهي في دمياط وانا في القاهرة مباشوفهاش غير كل سنة مررة
من وانا في ابتدائي (حب الاشبال) 🙂 وانا هتجنن عليها وهي كانت بتموووت فيا وانا متاكد لغير ان كان استقبالها ليا كل سنة ونظراتها اللي مكانتش عادية ابدا الا ان هي كمان قالت لاختي الصغيرة واختي فتنتلي 🙂 طبعا انا خجول جدا ولاوني لو كنت غمزتلها بس كان زماني معاها دلوقت لا وكمان زيادة الخجل كان بيخليني وكاني متجاهلها وانا اصلا لحد دلوقت مش عارف اذا كانت عارفة اني بحبها ولا لا
المهم حبها ليا دا فضل لحد من حوالي سنتين في السنتين دوول انا روحت مررتين اول مرة مقابلتنيش المقابلة اياها اللي متعود عليها واللي مستنيه منها دا غير لما ببصلها ك عادتنا قالتلي مالك يا خالد بتبصلي كدا لييه والكلمة صدمتني ولاون ممكن تشوفوها عادية
المررة التانية نفس الكلام
انا قولت اكيد هي ابتدت تعرف اولاد واللي حسبتو لقيتو عرفت ولد وعملها مشاكل وكلام من دا ومعرفش اذا كان الموضوع انتهي ولا لا المهم انا مش عارف اكلمها ولا لا ومش عاارف لو كلمتها هترفض !؟ (مع العلم انا عندي الجراة اني اكلمها) تفتكرو المفروض اعمل ايه ؟؟

مشاكل وحلول ذات صلة

اضيف بتاريخ: Sunday, March 11th, 2018 في 18:37

كلمات مشاكل وحلول: , , , , ,

ردود to “بحبها وبتموت فيا لكن عرفت شاب تاني”

  1. Muhammad Osama
    19/03/2018 at 11:26

    كلمها قبل ما يفوت الاوان!

اترك رداً أو حلاً لهذه المشكلة