بحب ابن خالتي ومش عارفة بيحبني ولا لا

انا بنت وعندي ٢٠ سنه من كام شهر كده ابتديت اعجب بابن خالتي وده اول حب ليا ومتوقعتش ابدا اني ممكن احب حد من قرايبي عشان كنت بعاملهم كلهم كأخوات مش اكتر بس واحد منهم بقي بيتكلم معايا كتير ومهتم بكل تفاصيل حياتي ولما اتعب يتصل وصاحبتي كانت معايا في فرح هي بنت خالتي برده ومن طريقته بان ان في حاجه مابينا قالتلي شكله كده بيحبك فقولتلها يمكن بيعاملني عادي بس انا اللي افتكرت انه بيحبني المهم بعد فترة صاحبتي واحده تانية مش قريبتي كلمته من ورايا وانا بعدين عرفت وعملت مشكله جامده معاها وقالتلها اني بحبه وهو قالها ليه انا مقولتلوش اني بحبه فهي طبعا عارفه اني عمري ما اعمل حاجه زي كده من ورا اهلي واكتشفت انه بيحب واحده تانيه بس هو قال كان واقف جمبها عشان عندها مشاكل فهي علقته بيها فهو قال انه كان متعاطف معاها وهو سابها عشان حصلت مشاكل هو دلوقتي كلمني بعدها عالفيس بعد اسبوع وبين من كلامه انه مستنيني اقوله ولمح بس انا دلوقتي داخله علي امتحانات ومحتارة ومش عارفه هل هو بيحبني ولا مش بيحبني ابعد ولا اعمل ايه ؟
واتكلمنا وقولتله انت عامل ايه قاللي تمام اوي بس عايز اتجوز فأنا اتنرفزت من الكلمه دي مش عارفه كان بيشوفني هرد ازاي ولا هو بيقول كده عشان ابعد عنه بجد مش قادرة افهم هو قاصد ايه انا قولتله ربنا يسعدك واتكلمنا علي حلم كل واحد فينا فأنا قولتله احلامي عمرها ما هتتحقق قالي  لا تفائلي ان شاء الله خير وبعدين كان مصر يعرف فقولتله مش لازم قاللي لا لازم فانا مرضتش اتكلم وعملت النت فصل
معلش طولت عليكم بس ياريت حد يقولي اعمل ايه انا محتارة

مشاكل وحلول ذات صلة

• اهلي رافضين ارتباطنا وانا خايفة يكون بيتسلى
• بحب زميلتى المسيحية وهى بتحبنى لكن مترددة
• امي طلبت مني اقطع علاقتي مع شاب لحد بعد الامتحانات
• حبيبى زهق منى
• بابا عايز ينهي الخطوبة قبل ما نعملها
• حاسة ان ربنا عاقبني بسببه لكن نفسي ارجعله
• خايف احب تاني تطلع زي بنت خالتي