السلام عليكم ورحمه الله وبركاته
انا سنى 18 ,بفضل الله انا فتاة متدينة واخاف الله والحمد لله على هذه النعمة ولا اترك فرض ودايما احافظ عليها , انا احببت ابن خالى وكنت اول مرة اشوفة لانه كان جاى من السفر ,وهو شاب بيتكلم مع بنات ولا يصلى ,ولكن كان فى خطوبة اخى بدا يهتم بى وانا كنت اتجاهلة ولكن بعد فترة اعترفى لى بحبة له ,وانا ايضا احببتة بس مش اعترفتلوا بحبى الا بعد ما غيرته شوية ,بمعنى انه لا يتكلم مع بنات وابتدا فى الالتزام فى الصلاة ,والصراحة قبل ما يعرفنى كان بيشرب حشيش بس هو اقسمى اكتر من مرة انوا بطل بقالة سنتين وانا سالته اكتر من مرة وحلفلى انو بطلوا من سنتين وطلب منى قبل ذلك انو يبوسنى لكنى رفضت وهو مطلبهاش منى تانى , وانا اعلم انوا بيحبنى بجنون ,وهو منتظر والدتة تيجى من السعودية ليكلمها على زواجة منى لان خالى متوفى , لكنى لا اعلم اذا كانت والدته ستوافق ام لا لكن اهلى رافضين زواجة منى لانهم يعتقدوا انه لسه بيشرب حشيش
فـماذا افعـل هل ابعد بالرغم انى لا استطيع البعد عنه ام لا؟
اتركيه ولا تحبيه هذا مابيه امل
السسلام عليكم
أختي العزيزة اتمنا لكي الحياة السعيدة
انتي استخيري اللة مرة ومرتين وثلاثة لمن ترتاحي
وفي ناس كتير كان مبتلين وتابو ومن تاب تاب اللة علية
انشاءاللة تكون فترة مراهقة وعدت
لو انتى فعلا بتصلى وبتركعيها ابعدى عنه لانه اكيدهيرجع تانى للبناتوالحشيش واحسن ليكى انك تتظنشيله خالص وارفضى منه الجواز ديه نصيحتى
مفيش انسان مبيغلطش و ممكن فعﻻ يكون اتغير علشان بيحبك لو بيحبك خلى يجى يتكلم مع اهلك و اما ماماته ترجع تتكلم مع اهلك و يعطولوا فرصة مش اهم حاجة راحتك
انا بنصحك انك ما توافئى لانو عندى احساس انو بيكذب لانة اكيد ما بطل حشيش واكيد بحكى مع بنات
لو بحبك عنجد لاتحدى العالم كلها علشان يتزوجك وانتى لسة ئدامك العمر كله وانتى حاولى انك تنسيه هذا هو الحل انا بنصحك من اخت لاختها وانا لانى حبيتك من حكيك بنصحك انك ترفضيه
الباب اللي يجيك منه الريح سديه واسترحي خليه يغوروماترميش نفسك في النار وتاكدي انو ماينفعكيش ولايستاهلك الف من يتمناكي اللي يعرف بنات وحشيش عمره مايبطل العادةدي واخلاقه وحشة والحياة معه كلهاحرام في حرام وربناينورلك طريقك ويرزقك بالزوج الصالح اللي يستاهلك ويقدريسعدك
السلام عليكي يا اختي انتي لسه صغيرة والحياة ادامك متعرفيش ايه مخبيلك القدر يمكن حبتيه بس هو عامل نفسه يحبك عشان يكسبك او بس هيدا نوع بيكذب على اي حد عشان يكسب الحاجة الي نفسه فيها اسمعي راي اهلك لانهم اكبر منك و بيعرفو مصلحتك فين وهيدا مو حب هو مجرد تعلق انت اكيد فلمستقبل حتلاقي احسن منو و حيكون مثل اعلى لولادك احسلك من واحد حشاش حيكون سبب ضياعك و ضياع ولادك
مع الوقت هتقدري تحكمي عليه
ركزي بس وواجهيه وخليك صريحة وعرفيه إنك خايفة يرجع للي كان
وخليه يقدملك ضمانات لعدم الرجوع.
اللي يبعد عن الشر عشانك أكيد هيرجع له تاني لما يملكك ويحس إنك معاه خلاص ومضمونة وخاصة لما يألف وجودك ويحب يجدد
لكن لو كان بعده عن الشر (البنات والحشيش) عشان ربنا يبقى أكيد مش هيرجع لهم حتى لو انت بعدتي عنه.
ممكن يبعد في الأول عن الشر عشانك ويتحول البعد ده عشان ربنا مع الوقت
الموضوع صعب الحكم عليه خاصة إنك اتعلقتي به خلاص
من الأول كان الأفضل ترفضيه لأن شاب اتربى على كده غالبا هيرجع بسهولة لكده
محدش يعرف برضو يمكن يكون مخلص
يمكن يتوب توبة نصوح على إيدك وتكسبي دنيا وآخرة
وأرجو إن ربنا يكتبلك الخير في أي حال من الأحوال.
اولا قلتي انك عمرك ما شفتيه ( وده سبب خلاك تتعلقي بيه لانه هو الشخص اللي يعتبر غريب تقبليه ) لا اعرف سياسات بيتك الكريم ولكن كل ما وصلت اليه من خيالي انك تربيتي في اسره ملتزمه وعلاقتك مع شباب العائله مثل الغريب لذلك اغوك الشيطان واوقعك في حبه وكذلك هو .
ثانيا : قلتي مش بيصلي طاب انتي المخلصي لربنا ترضي بواحد عمره ما ركعها ولما يركعها عشانك مش عشان ربك الكريم اللي بتحبيه لو بيحبك مكنش بعد كده طلب انه يبوسك عارفه ليه لان الصلاه تمنعه من ذلك هو بس تقرب من زي الاسلام وليس من الاسلام وبعد كده بيشرب وبطل برده عشانك …………
اختي العزيزه هذا الشخص نفسه بعد ما يرتبط بيك ويتجوزك هيبطل يصلي وهيشرب حشيش وممكن يعرف نساء من وراك
استغفري ربنا وارجعي اليه وادعيه يمكن نفس الشاب يرجع وربنا يهديه حقا وسعتها اهلك اللي رفضينه هما اللي يتمنوا انك ترتبطي بيه اصبري وارضي باللي كتبه ربنا واهلك بيحبوك كمان لذلك مش راضيين يرموك مع رجل زي ده .
ابتعدى عن هذا الشاب لو هيفضل ع الوضع الى بتقولى عليه لكن لو اتغير كليا ولكنى اشك ف ذلك وافقى
أختي عايز الأول أفهمك حاجة مهمة جدا ..
قلب اللي بتحبيه بإيد اللي انتي بتعصيه ..
اوعي تعصي ربنا عشان حد معين .. لأن قلبك وقلبه بإيد مولاكي وحبيبك سبحانه وتعالي
يعني قادر يقلب قلبك وقلبه ويخليكوا تكرهوا بعض فوراً ووقتاً وحالاً
قولي يا رب .. استعيني بالله .. كوني لله كما يريد يكن لكِ فوق ما تريدين
اطلبي الزواج بالحلال .. واوعي تزعلي أهلك
وابدأي بالاستخارة وقولي دعاء الاستخارة وقولي يا رب وحاولي تكلميهم تاني بالراحة بعد ما تدعي كتير أوي
واوعي تختاري زوج يفتنك في دينك أو ما يساعدكيش تزيدي خطوات في طريق ربنا عز وجل
بصراحة كدة: انتي مش ناقصة حد ينقص من عزيمتك أو يشدك ناحية طريق الشيطان
يعني بدل ما تتجوزي واحد كدة وكدة وتقولي هخليه يلتزم ويصلي ويطيع ربنا .. ما تضحيش بنفسك ودينك وحياتك وسعادتك ورضا أهلك وخاصة إذا كان فيه احتمال انه اللي يغيرك للأسوأ مش انتي اللي تخليه يتحسن
انا بصراحة شايف انك صغيرة والمفروض تردي على اهلك وتبطلي برادة وجهه وشكرا
والسلام على من اتبع الهدى
ولا حول ولاقوة الا بالله
والنصر للاسلام
والله اكبر
شوفي انت تقولي ان الشاب كان لايصلي ويتعاطى الحشيش ويكلم البنات ودي صفات وحشةوغيراخلاقيةبالمرة ولاخيرفي صاحبهاابدا ومهماحاول ان يغييرلك من طباعه ويقول لك انه بطل وترك الحاجةدي والتزم فلاتصدقيه ابدا واهلك معهم الحق ان يرفضوه لسوءوفساداخلاقه وعاوزين يزوجك الرجل الصالح اللي يخاف الله ويكون على خلق حميد فاسمعي كلامهم واتركي الشاب وانسيه خالص وتاكدي انه لايصلح ان يكون زوج لك وربي يهديك ويسترعليك
وربنا اكيد بيحبك واكيد هيقف معاكي
حولي انك تجلسي مع اهلك وتقولي كان بيشرب حشيش بس هو اقسملك اكتر من مرة انوا بطل بقالة سنتين وانتي سالتي اكتر من مرة وحلفلك انو بطلوا من سنتين ولو رد فعلهم كده ده معناهاهم عيزينك تسبي
وانتي سبي بس توني عارفه انهم خايفين عليكي
بصراحة لو هوة بطل الحشين وبعد عن الطريق الخطأ وأتجة للطريق الصح توكلى على الله لكن قبل كل شئ لازم أهلك يسئلو عنة وبالأخص موضوع الحشيش ويسألو بالخصوص صحابة أو زميلة فى العمل أو جيرااانة أو اللى حوالية حتى لوكان من أقرب أقربائك لأن دا مصيرك وحيات المستقبلية ولو أهلك مش موفقين خليهم يسألو عنة وأن كان ولدتة موفقة ولا مش موفقة هوة منكن يقنعهة ويخليها توااافق وأن كان هوة بيشرب سجاير ياريت تحولى تخلية يبطل السجاير بقدر الأمكان لأن السجاير دى بيجى منها فى أغلب الوقات مشاكل كتيرة ولو كان ليكى نصيب فية هيكون من نصيبك ولو مكنش هيجيلك اللى أحسن منة أن شاء الله وكل شئ أسمة ونصيب وأن كان ليكى نصيب فى حاجة هتشفيها وربنا يوفقق فى حياتك
ابتعدى عن هذا الشاب