الحب بين الاقارب

الشخص المثالي بالنسبة الي

تمنى تسمعون قصتي الله يخليكم مرحبا اني عراقية عمري 19 طالبة سادس علمي سنة ثانية (ثالث ثانوي) وجدا متفوقة طلعت معدل 90 وعدت السنى حتى تطلع معدل طبية..وانسانة من عائلة متوسطة الديانة لكنني اشوف نفسي متدينة اكثر من اهلي..الشخص الي احبه هو اقاربي من بعيد من جهة ابي..علاقتنه ليست قريبة معهم الا في الاعياد فقط ابي يذهب اليهم..هو يدرس الان كلية صيدلة مرحلة ثالثة وعمره 21 ..صفته انه هو مو جميل جدا لكن حيل متدين جدا جدا ومعقد من هالناحية .ماعرف اذا هالدين الزايد ناتج من تجارب سيئة خاضها ..المهم اني شفته بصفحة بابا بالفيس من كنت 17 سنة وعرفته ورسلتله طلب صداقة وقبلها وضلينه نحجي بس باين انه هو معقد بكلامه..ضلينه نسولف دائما ووصلنه لدرجة صداقة زينة بيها نكت ويكلي حتى خطيبتي بس باطار الضحك او الهزار بس بعدين ضلينه نحجي عادي بس هالشقة والضحك اختفى صار بس يسلم ويسئل عن الدراسة بهالفترة بديت احبه واعصب لان اتغير مو مثل قبل لان حتى مرات كان يعطل حسابه ويرجع يفتحه لانه كان يكره الفيس.وهالشي خلاني احبه اكثر واتعذب .صدقا حسيت اني احبه واعشقه لان انسان كامل متدين ومحترم وصيدلاني..لان اني سبق وطلعت من تجربة خيانة من طرف شاب حبيته لهالسبب كرهت كل الشباب بس هو لان متدين صدك ارتاحيتله..بعد فترة كلمته خلاص كتله طبعا بطريقة مهذبة ومدروسة قتله عندي هالشعور تجاهك وهذا الشي لا ارادي .وهو عرف انه الحب ..الي كاله انه انتي بعدج مو بالغة وبكل وقت يمكن تغيﻻين رايج وبعد وراكي كلية وراح تغيرين ارائج اكيد..اني اتقبلت رايه وودعته وكانه اني راضية بكلامه بس رحت ابجي وضليت كم يوم مافتح فيس..كرهت نفسي وصار التواصل بينه كل كم شهر فقط وهو الي يبدا المحادثة لان كرهت بعد اني احجي وياه..بس بهالفترة ضليت احبه اكثر واكثر واتعذب من جوة..اني بطبيعتي انشر اشياء كيوت وصور عن الزواح والحب واقوال من نزار قباني ومحمود درويش..بعد ذلك ايست منه يعني يأست منه بس بعدني احبه لان هو الوحيد المثالي وحلفت انه مرح احب غيره بكلبي حتى لو تزوجت وكبرت..بعد فترة رجع هو يسئل دائما ويطول المحادثة وينصحني دائما عالدراسة ويتمنى لواطلع صيدلة هو ..
بحيث حسيت شوية شوية بدأ يرجع يهزر معايا ويضحك بس بشي قليل يعني باحترام اقصد..بالنسبة الي كنت اكلمه بصعوبة واحاول اتجنب اضحك معاه عشان ندمت اني اعترفتله بحبي..وصرت قاسية وياه كثيرا..هو ضل يدز رسائل حتى بالليل والفجر يسءل عني ويرسلي صور اله لانه يحب بصور..
ياريت تنطوني ارائكم وتعليقاتكم واتمنى تريحوني..
وملاحظة ترى هو جدا متدين ومعقد وعندي دليل انه هو مايكلم بنات جامعته ولا يتكلم مع زميلاته بالفيس..فرجاءا لتكولون هذا يكذب عليكي لانه انسان محترم جدا

مشاكل وحلول ذات صلة

اضيف بتاريخ: Friday, August 7th, 2015 في 02:15

كلمات مشاكل وحلول: , , , ,

3 رد to “الشخص المثالي بالنسبة الي”

  1. مداح القمر
    19/11/2016 at 20:58

    انت ماشية بطريق الصح لا شائبه عليه غير تخيلاتك الغير منطقية تمنياتي لكي بل موفقية

  2. ريمه
    18/09/2015 at 02:52

    برأيي انو هو يحبج بس يمكن عنده تجربه قاسيه بحياته ومو بسرعه يوثق بشخص وهسه انتي رحتي كليه وبرأيي رجعي لاسلوبج الاعتيادي بس باحترام وان شاء الله يعترفلج عن قريب بحبه الج

  3. غاده_تشان
    08/08/2015 at 14:03

    والله مدري ليش عندي شعور انه هو بدأ يقع بحبج تدريجيآ ويمكن يمكن يخطبج من تدخلين كليه بس انتي ادعي الله يحنن قلبه عليج بس معجبني شيء بكلامج يعني كلتي حلفت انه مرح احب غيره بكلبي حتى لو تزوجت وكبرت يعني لو سامح الله وتزوجت غيره يعني شنو ذنبه اذا انتي متحبيه و بقلبج حب رجل ثاني تره هذا شيء عقابه عنده الله كبير واسفه اذا ازعجتج بكلامي و تقبلي احترامي

اترك رداً أو حلاً لهذه المشكلة