مشكلتي اني انا وابن خالي بنحب بعض جدا من اكتر من 4 سنين انا عندي 16 سنة وهوا 21 ماما كانت معارضة موضوع ارتباطي بيه نهائي وانا كنت بكلمه عالنت وعرفت وشالت النت وقالتلي انه بتاع بنات وقعدت سنتين مبكلموش لاني مش قادرة اوصله وبسبب كلام ماما ولاني كنت فبلد تانية وقتها وهوا كان محتاجلي جدا فالسنتين دول وصاحبه مات واتاثر جدا لاني مكنتش معاه ولا وقفت جنبه بس مكنش بايدي اكلمه المهم اما رجعنا مصر رجعت كلمته تاني وقالي علي اللي حصل معاه السنتين اللي فاته المهم ماما عرفت تاني وشالت النت تاني بس بعد فترة كلمته تاني ورجعت عرفت تاني وشالت النت و عاملتني وحش جدا مع ان خالي كلمها اكتر من مرة وكانت نفسيتي مدمرة وقالتلي اما تخلصي ثانوي وتشوفي مستقبلك بعد كده ابقي اوافق ويمكن اما تكبري مشاعرك تتغير ووعدتها اني مش هكلمه تاني ورجعنا سافرنا تاني وماما بدات تشك تاني اما اقعد عالنت اني بكلمه مع اني وعدتها اني مش هكلمه المهم شكت وقالت لبابا المهم باب كلم خالي وقاله انه موافق وكده مشكلتي انه حبيبي عايز الخطوبة تبقي اما نرجع مصر اول الدراسة وانا عايزاها بعد الثانوي عشان الدراسة وكده وانا طموحي كبير ومتفوقة وعشان هوا كمان يكون عمل مشروعه هوا بيقولي كده كتير انا ستحملت كتير السنين اللي فاتت واستحملت من مامتك كتير قوي وهوا عايز الجواز يبقي بعد الثانوي اعمل ايه انا تعبت والله وعارفة انه تعب عشاني كتير واتحمل عشاني كتير بس انا خايفة ان دراستي تتاثر ارجوكو ساعدوني
ابنتي العزيزة انت في مرحلة الثانوية ومن الصعوبة بمكان ان يكون فيه خطوبة بينكما الان من الافضل انكم تؤجلوها لغاية ماتخلص من ثانوية وكمان الشاب يكون قد توظف ولقي له عمل يساعده في اتمام الزواج افهمي ابن خالك حبيبك كلهذا واطلبي منه يصبر حتى تخلصي من الثانوية وربنا يتمم لكم بالخير ويوفقكما في حياتكم القادمة وان شاء الله تفرحوا معا عماقريب
بصي رأي الشخصي ان هيكون صعب قوي توفقي بين دراستك و خطيبك خصوصاً انك بتقولي ثانوية عامة ده شئ في حد ذاته صعب جداً فرأي انه لو شاريكي بجد و بيحبك هيصبر عليكي السنة دي زي ما كان صابر قبل كده ليه عشان لو اتخطبتي دلوقتي هيجي يقولك انا عايز اشوفك و عايزين ننزل و بلا بلا بلا و طبعاً ساعتها انتي مش هتبقي عارفة تقوليلوا ايه من جهة عايزة ترضيه و من جهة تانية خايفة علي مستقبلك خاصتاً انك بتقولي انك طموحة و هتبقي في ضغط ما يعلم بيه إلا ربنا فنصيحة خليكي في مستقبلك حالياً احسن و بعدين انتم صغيريين يعني بسم الله ماشاء الله فالعمر معاكوا الكلام ده لو انتم كبار كنت قلتلك لا فكري تاني في موضوع الخطوبة و إن شاء الله ربنا يكتبلكوا الخير …..