السلام عليكم .. بقولكم مشكلتي وابي منكم تفيدوني وتساعدوني ع اللي انا فيه.. انا وولد عمي نحب بعض من سنتين للعلم ان اهو اللي يه صارحني انه يحبني من زمان وظليت اكلمه لين حبيته وتعلقت فيه لابعد درجه ما انام الا ع صوته ومااقدر اعيش من دونه اول شهرين جنه شهرين عسل مو شهر .. بس بعد هالشهرين صارت وايد خلافات وكان كله يشوفني انا الغلطانه وبالغصب يرضى مع العلم اهو حساس حييييل وغيور وما يحب الغلط يطلع مني .. وزادت مشاكلنا يعني كل يومين نتزاعل وطبعاً انا اراضيه وكنا نتهاوش ع اشياء تااافهه بس اهو عنده شي كبير وكان يعلمني ويفهمني الصح وشلون ان نعيش انا وياه مرتاحين وبلا مشاكل وتحملني وتحملته واايد يامه كان يبي يخليني بس انا ما اخليه ومرات كان يقول بخليج عشان يبي يأدبني ويخليمي اتوب عن الاشياء اللي تسبب مشكله بينا.. بس ي جمااعه والله ماادري شفيني ادري انه هالشي غلط وما يحب اسويه اروح اسويه لا إرادياً .. واهو تعب من كثر ما يعلمني والحين زعلان ومخليني يومين ع هالسالفه .. تعتقدون العيب فيني ولا فيه .. وشنو تنصحوني فيه .. واللي يعافيكم اللي يقرا وما يرد ع الاقل يدعي لي واللي عمده حل يرد .. وراح ادعي لكل اللي حاول يساعدني
