الحب بين الاقارب

قريبي بيحبنى وخايفه اتزوج منه

اضيف بتاريخ: Monday, September 19th, 2011 في 22:49

كلمات مشاكل وحلول: الحب بين الاقارب, الزواج, مشاكل الحب, مشاكل الحب بين الاقارب

20 رد to “قريبي بيحبنى وخايفه اتزوج منه”

1. انا مين؟؟

   

   10/10/2011 at 13:40

   safey

   مينفعش تتجوزي ابدا من وراء اهلك
   افرضي ان الانسان ده بيحبك بجنون ومش هيخدعك ابدا واتجوزتيه
   طبيعي ممكن تحصل بينكم مشاكل تفتكري مين هيبقي ضهرك وقتها؟؟

   اهلك اللي بينك وبينهم دم
   مينفعش تخونيهم وتخوني ثقتهم فيكي

   انتي عاوزه حبيبك ده يبقي تسيبي اللي مخطوبه له
   بس لازم تعرفي ان اي قرار انتي بتاخديه له نتايج
   ممكن يبقي صح وممكن يبقي غلط
   وانتي الوحيده اللي تعرف تقرر
2. amouna

   

   10/10/2011 at 13:35

   salam akhety nassiha haweli tet9arapi menh parcq ana hassali nafess chaya la t9areb meni hapito aktar ma howa bi hapeni haweli t3tih foressa w inchalah khier
3. fathysafa

   

   10/10/2011 at 11:58

   السلام عليكم
   يا فتاتى اقتربى منه وتكلمى معاه وتحاورى فى كل شىء مقتنعه به أو غير مقتنعه بحيث قربك منك وحوارك معاه ممكن يكون له أثر فى اختلاف نظرتك له وشوفى سلبياته قبل ايجابياته وهل تناسبك أم لا فأن وجدتى أنه من الممكن أن تناسبك أمكانياته وهو بيحبك ممكن بعد كده حبه يخليكى تحبيه حنانه ومشاعره واحساسه اتجاهك يجعلك تحبيه وإذا كان هناك أختلافات جوهريه ولا يمكن الحياه معاه فأرفضى ونصيبك أن شاء الله يكون أفضل مفيش حاجه أسمها فرصتك أصبحت قليله خلي ايمانك بالله قوى وربنا يوفقك
4. safey

   

   10/10/2011 at 02:15

   انا كنت بحب واحد وسافر يشتغل برا وسابنى تلت سنين وكان كلامنا فى التليفون قليل وطول المدة دى مجاليش اى عريس خالص وقبل ما ييجى بشهر ومكنتش اعرف انه جاى اتقدملى ابن خالتى ووافقت علية وخلاص وبعدين اللى كنت بحبة رجع وعاوز يخطبنى ولما قولتلة انا اتخطبت قاللى انا هجهزلك ورقك ونجوز ونسافر وبعدين تتصلى باهلك من هناك وتقوليلهم وانا مش عارفة اعمل ا……………..هل كدا غلط قولولى نصيحة بس انا متاكدة انى لو سافرت معاة عمرة ما هيعمل فيا اى حاجة مترضيش ربنا
5. دكتور في امراض العشاق

   

   05/10/2011 at 02:25

   بعد الصبر ربنا بيعوض خير انتي لو وافقتي من الممكن بعد الزواج تندمي شوفي انتي حاسة بية ولا لاء وانتي اختاري اب لأاولادك وربنا لا يغزل حد وربنا موجود
6. انا مين؟؟

   

   30/09/2011 at 06:55

   الرد علي “سوال”

   الحب مش كلمه حلوه او اغنيه رومانسيه

   الحب
   خوف علي حبيبك
   اهتمام بيه
   تضحيه علشانه

   الحب انك تبقي عارفه من الاول ايه اللي هيترتب علي كلمه بحبك لما تقولهاله
   مش تقوله وبعدين تجرحه

   بخصوص قريبك انت اللي تقدري تحددي اذا كان بيحبك ولا لاء
   بس الاهم انك متحبيش غير لما تبقي متاكده ان اللي قدامك بيحبك وعاوز يتجوزك وهيضحي بعمره علشانك
   غير كده مش هيبقي حب وهتتجرحي زي ياما ناس اتجرحت

   خلي اول حب في حياتك ينتهي بجواز ويبقي اخر حب
   وقتها هتحسي بالسعاده ان شاء الله
7. سوال

   

   29/09/2011 at 13:41

   ارجوكم حد يرد عليا انا قريبى حاسة انه بيحبنى وفى حاجات كتيرة اوووووى بيعملها بتدل على كدة منها لما اكون قاعدة يشغل اغانى رومانسية جدا فهل كدة انه بيحبنى
8. الحب

   

   23/09/2011 at 19:02

   بصي مفيش بيت من غير مشاكل المهم تبقي بينكم انتوا الاتنين متطلعش براكم لان لو خرجت حتبداء المشاكل ال انتي خايفه منها اما عيبه في تصميمه علي رايه دي مشكلت كل شباب مصر وكويس انه مش بيرسم عليكي ويبين حاجه غير حقيقته وال انتي عايزه ال يسمعك كلام حلو ويكون كداب المهم مفيش حد كامل الكمال لله وحده يعني لو اتجوزتي حد غيره حيكون فيه عيوب اهم حاجه دلوقتي انك لو قلبك خالي وفقي عليه ومتفكريش في حكايه زي اخويا لااااااااا تخيلي نفسك متجوزاه شوفي شعورك حيتغير وال لاااااااا والواضح انه بيحبك وحبه ليكي حيخليكي تموتي فيه وراي(انا مين) ممتاز هو معودنا علي كده وربنا يكرمه مع حبيبته وانتي لو اتجوزتيه وصمم علي رايه في اي موضوع استني الوقت المناسب وكلميه باسلوب يكون بيحبه وحاولي تقولي لرايك ساعتها واتمني ان ربنا يوفقك
9. الحب

   

   23/09/2011 at 17:36

   بصي لو علي المشاكل بتحصل في اي جواز حتي لو مش قريبك والمشاكل فاكهه البيت تزعلو وتتصالحو اهم حاجه مفيش حاجه تطلع بره بيتكم وتحكي لاهلك وهو يحكي لاهله المشاكل بتيجي من هنا لو انتي مفيش حد في قلبك وافقي وحبه ليكي حيخليكي تموتي فيه دول 11سنه يعني لو كان اتجوز كان عياله دخلو المدرسه بس هو بيحبك انتي ولو علي تحكيم الرائ كل شباب مصر كده وكويس انه مش بيرسم عليكي وبيبين حاجه غير طبيعته وال انت عايزه ال يقوولك كلام حلو ويطلع كله كدب بعد الجواز ولو بيصمم علي حاجه غلط سيبيه يصمم وهو لما حيعرف نفسه غلطان حيعرف غلطه وكمان مفيش حد كامل غير ربنا سبحانه وتعالي يعني لو دي المشكله تاكدي انك لو اتجوزتي غيره برضوا حيبقه فيه عيوب يارب اكون افدتك بحاجه وعلي فكره راي (انا مين) كويس خالص متعودين منه علي كده وربنا يحل مشكلته مع حبيبته
10. HanyMoh

    

    23/09/2011 at 06:39

    أولا لا تنظري إلى عيوب الشخص إن كانت من العيوب الشائعة المنتشرة بين كل الشباب..

    أنتِ نظرتي إلى عيبه ولم تنظري إلى عيوبكِ..

    لا أعرف ما يسمى زواج الأقارب الذي يزيد المشكلات، فهذه حجة غير مقبولة..

    فكري بالأمر مرة اخرى، وحكمي عقلق في القرار قبل مشاعرك وعواطفك..
11. لا اريد

    

    23/09/2011 at 01:00

    مفيش حاجة اسمها فرصت يي قليلة وده اخر واحد
12. انا مين؟؟

    

    22/09/2011 at 23:57

    انا اللي هبقي سعيد بجد لو قدرت اني اساعدك توصلي للسعاده في حياتك لانك واضح انك انسانه محترمه وتستاهل كل خير في دنيتها

    المشاكل في الجواز وارده سواء قريب او بعيد
    جواز عن حب او لاء
    بالعكس الجواز لو من غير مشاكل اتاكدي ان فيه حاجه غلط المشاكل اللي هتحصل حاجه طبيعبه والمهم انك تعرفي تتعاملي معاه بذكاء وانها تكون مجرد حاجات بسيطه

    اما خوفك انها تاثر علي العيلتين ده هو اللي مش طبيعي
    المفروضان مشاكلكم مع بعض تبقي داخل البيت ومتطلعش لحد
    لو اي شركه في الدنيا حصل فيها مشاكل واتسربت اخبارها للناس هتلاقي الشركه دي اسهمها خسرت وفقدت كتير من عملأها
    الجواز شركه بين اتين لازميهتموا انهم يحافظوا عليها

    واعرفي برضه لو لاقدر الله وحصلت مشاكل بين العيلتين ده عمره ما هيكون بسببك ابدا
    هو انت تفتكري ان المشاكل بتحصل بين العائلات دايما بتكون بسب ان 2 متجوزين ومشاكلهم اثرت علي باقي العيله
    لاء اغلب المشاكل بتكون بنسبه80% بسبب الميراث وتوزيعه والمشاكل اللي زي كده

    يعني متقلقيش من ناحيه انك هتسببي مشاكل بين العيلتن لا قدر الله
13. واحدة مجهولة

    

    22/09/2011 at 22:56

    اقوللك اقبلى واتجوزية لان الحب ممكن ياجى بعد الجواز وعلى فكرة اللى عاوزة ربنا هيكون لو كان ليكى نصيب فية هتتسهل الامور
14. صاحبه المشكله

    

    21/09/2011 at 20:55

    انا بشكر كل واحد شارك و بعتلي رائيه وردوا علي مشكلتى وعايزة اشكر الاخ (انا مين؟؟) لان كلامك فعلا لفت نظري لحاجات مكنتش واخدة باللي منها بجد متشكرة كتير وعلي فكرة انا رفضت فكرة الارتباط بالقريب لان كل جواز وارد فيه مشاكل وكنت خايفه لاقدر الله لو حصل مشكله ,اهلينا ميخسروش بعض بسببنا هو دة السبب الرئيسى لرفض زواج الاقارب بالاضافه لانى بعتبرة زى اخويا
15. ايمان

    

    21/09/2011 at 18:39

    انا من رايى اقبلى الخطوبة منة يمكن مشاعرك من ناحيتة تتغير وتكتشفى انك كنتى فهماة غلط
    ولو مقدرتيش تحبية افسخى الخطوبة.
    ما هى الخطوبة معمولة علشان كدة
16. محتار

    

    20/09/2011 at 20:28

    اختي العزيزة اذا كان منتظم فى الدين والصلاة ومحترم فنصيحة توكلي على الله وتزوجي
17. ايه ايهاب

    

    20/09/2011 at 17:37

    حبيبي صلاة الاستخاره مش معناها انك تشوفي حاجه لا انتي بتفوضي امرك لله واللي فيه الخير ربك بيقدمه ليكي ولو شر ربك بيبعده عنك انتي فكري والراجل اهم شي بيصلي وعارف طريق ربنا وبيحبك وبيحترمك وانتي حاسه انك لو وفقتي عليه هاتبقي مرتاحه في حياتك معاه وشوفي راي اهلك واعدي مع ابوكي وشوفي وجهة نظره صدقيني اللي تخافي منه مايجيش احسن منه واستخيري ربك مره و20 مره ربنا يقدم اللي فيه الخير ويستر عرضك ويفرح قلبك
18. ريري دمعه الزمان

    

    20/09/2011 at 15:54

    والله نصحيتي ليكي اتجوزيه لانك متعرفيش لو رفضتيه حيحصل ايه يمكن دي فرصه وتعدي حاولي تحبي خذي الي بيحبك والله يسعدك ويسعدني مع حبيبي وكل بنات المسلمين دنيا واخره اختك من العراق
19. O.A

    

    20/09/2011 at 11:44

    انا حبيت اضيف ليكي حاجة مش شرط بعد صلاة الاستخارة تحلمي او تشوفي حاجة لكن الموضوع بتلاقيه بيمشي في الاتجاه الخير ليكي لوحده وبتحسي ان الامر متيسر وبيمشي كويس وبس ولازم تصليها صح وربنا يوفقك
20. انا مين؟؟

    

    20/09/2011 at 11:36

    بصي اي حد هيرد عليكي مش هيقدر يفيدك او يديك حل سحري لان مفيش حد يعلم الغيب غي الله سبحانه وتعالي انما احنا بنفكر معاكي مش اكتر

    انت عندك 3 مشكلات مش مشكله واحده

    الاوله)
    انت خايفه ترفضي العريس اللي متقدملك”بغض النظر عن انه قريبك” احسن يكون هو اخر عريس ليك وتدخلي في قطر العنوسه لاقدر الله وده فكر بنات كتير بس لازم يبقي عندك ايمان قوي ان لكل انسان رزقه والجواز رزق ولو مكتوبلك تتجوزي هتتجوزي حتي لو سنك 100 سنه ده نصيب ومحدش هيقدر يغير..يبقي لما تيجي توافقي علي عريس انتي او غيرك لازم تشيلي فكره انك توافقي عليه لانه الفرصه الاخيره

    المشكله التانيه)
    انتي مش عاوزه تتجوزي حد يكون قريب ليك!!واعتقد اني مش هقدر افيدك من غير ما اعرف السبب ايه؟؟
    هل مشاكل بينكم لاقدر الله مثلا؟؟انا مش عارف
    انما بشكل عام مفيش مانع انك تتجوزي حد قريب ليكي مادام انسان متدين ومهذب وصالح وهيرعاكي
    بالعكس ده صله القرابه ساعات بتفيد في ان الشخص اللي هيتجوزك يراعيك اكتر من الغريب لانك من دمه خصوصا لو مفيش حب..بس طبعا لازم فحوصات قبل الجواز علشان الري الطبي لمنع الامراض الوراثيه

    المشكله التالته)
    وهي الاهم انتي لحد دلوقتي مش قادره تحددي شعورك ناحيه قريبك المتقدم
    انتي محتاره انتي بتحبيه ولا لاء
    طيب بتحبيه زي اخوكي ولا زي حبيب
    الحل بسيط صفي ذهنك من كل الحاجات اللي فيه وانسي انه قريبك وانسي انه متقدم وكل الحاجات دي
    فكري بس في كل مواقفه معاكي
    لما بيكون حواليك هل بتكوني مبسوطه؟؟
    بتحبي تشوفيه؟؟ تتطمني عليه؟؟ تسمعي صوته؟؟
    لما تكونوا العيله كلها مع بعض وجوده بيشدك؟؟
    هيفرق عندك لو كان مش موجود في حياتك؟؟
    يفرق عندك لو اتجوز واحده من بنات العيله اللي تعرفيها اختك بنت خالتك بنت عمتك؟؟

    هي دي الاسئله اللي تقدري تعرفي بيها انت بتحبيه ولا لاء؟؟

    بس ابدا ما تتجوزي حد لو انتي من جواكي مش مقتنعه بيه لانك وقتها هتظلمي نفسك والاهم انك هتظلميه معاكي..بس وعن تجربه لو هو بيحبك بجد هيبقي سعيد مهما كان شعورك مادام معاكي.