ابن خالتي بيحبني من زمان وقبل 6 سنين صرحلي بحبه في الأول ماكنتش موافقة و فضل سنة وهو يكرر في طلبه ويترجاني كل مرة كنت أرده فيها ما بيئسش يزيد يتمسك بيا حتى خلاني قبلت كان التاريخ 04/01/ 2007 كان عمري 17 سنة و هو أكبر مني بخمس سنين أنا كنت بدرس بالثانوي وهو يدرس حقوق بالجامعة كان عايش عند جدي لأن اهله كانوا بالخارج …فضلنا نتكلم بتليفون و كنت يوم عن يوم بكتشف قد ايه بيحبني و يعزني و يحترمي و كان يوم عن يوم يزيد يكبر في عيني أكثر و حبيته. كان بيقول اني عوضته عن أهله و فضلنا مع بعض و حبينا بعض و بعد 7 شهور جاته الفيزا و يقرر يسافر لعند أهله و لما كان رايح وعدني أنه مهما صار ما رح يسيبني و أنا وعدته إني حستناه. لما سافر أنا خفت ينساني بس هو مانسانيش وفضل يكلمني فات الوقت و أنا جبت البكالوريا 2008 بمعدل جيد و في الحفلة جات خالتي للبيت وخطبتني و وافق بابا بس قال أنه البنت تكمل دراستها بعدين العرس, كانت فرحتي فرحتين فرحة النجاح وفرحة الخطوبة و بعدين جات
التسجيلات في الجامعة و اختيار الشعبة انا كنت أحلم أدخل كلية الطب بس أنا فكرت في ابن خالتي إلي راح يستنا سبع سنين كثيرة عليه و قررت أضحي بحلمي اخليها خمس سنين علشان كده سجلت في كلية الهندسة المعمارية علشانه هو بس . كل الأمور سارت على ما يرام هو بدا يشتغل و أنا بدرس و همي الوحيد إني ادرس كويس ما ضيعش وقتي عشان السنة إلي حكمل فيها نتجوز وكمل حياتي مع الإنسان إلي حبيته. فاتت السنة الأولى من الجامعة ونجحت فيها وجات السنة الثانية و بدا هو يتكلم على الزواج وقال انه محتاجني جنبه و مش قادر يقعد من دوني أنا قلتله انه يصبر حتى اكمل و مقدرش اسيب دراستي لأني تعبت فيها و بيها مستقبلي
ولما شفته مستعجل و مصر صعب عليا أوي اقترحت عليه أننا نتجوز و أكمل دراستي هناك معاه بس هو ما رضيش و قال خلاس رح استناكي لكنه زعل كثير بس بعدين جابلي الخاتم وكنا نبسوطين ,حتى بدا يتغير و كل ما يكلمني يقلي اني فضلت دراستي عليه ولو صح بحبه كنت سبت الدنيا عل شانه ورجع يطول و مايتصلش بيا ولما اتصل بيه ما يردش عليا ولما يكلمني يقول انه مشغول في العمل و ما عندوش وقت وسامحيني؛ الحقيقة اتوجعت اوي من الكلام ده بس قلت ماعليش حصبر وتكرر الأمر ده مرات ومرات ….الرجل تغير ما رجعش الإنسان الأول الي كان مايغفلش بلا ما يكلمني كان يقول انت حياتي انت عنيا الي بشوف بيهم لو رحت عليا تكحال الدنيا عليا رجع مطنشني ما بيسئل عليا ولما بقله ليه و انه وحشني ولو في حاجة قلقاه يفضفضلي ما بيحكيش حاجة, كلمة وحدة في فمه دراستك و بعدين الحاجة الجديدة الي طلعهالي انه المراة هي الي تستنى الراجل مش هو الي يستناها ولو استناها يبقى مش راجل انا انصدمت من الكلام ده وشيء الي صدمني كتير فضل 6 شهور منقطعة اخباره طفى تليفونه واختفى وانا اتعذبت وقلقت من الخوف عليه و يوم اتصل من نمرة تانية قلي نتفارق يجوز احنا مش مكتوبين لبعض ومش مش رح زيد استنى و حقول لماما تفسخ الخطوبة وكل شيء قسمة ونصيب قلتله خلاص مابقاش وقت ليه تاخد القرار ده ان سنة رابعة و بقالي العام الخامس واخد الديبلوم قال انه أخذ قراره ومش حيرجع فيه قولولي أعمل ايه انا تعبانة كتير طول الوقت ببكي حبيته كتير ما توقعت يجي يوم يتركني ده ابن خالتي كيف يعمل كدا و لو ماكانش ابن خالتي ده الي وعدني انه مايسبنيش مهما صار وأنه رح يعمل المستحيل علشان أكون له ليه يتبدل ولا الغربة تبدل القلوب …مانيش قادرة ننساه و نعيش بلا بيه حبيته و كنت شايفة فيه زوجي وحبيبي و ابو عيالي كل حاجة عندي قولولي انا غلطت اني قررت أكمل دراستي ولا هو الي تبدل ودار في كلامه قولولي اعمل ايه أنا تعبانة كتير واسمحولي طولت عليكم.
الحب بين الاقارب
خطيبي تركني بسبب دراستي
اضيف بتاريخ: Tuesday, October 18th, 2011 في 13:51
كلمات مشاكل وحلول: الحب, الحب بين الاقارب, الزواج, مشاكل الحب
سبحان الله والله انا بعاني من نفس المشكله ماح تصدقي اذا قلت لك انا برضو بحب ابن خالتي من الثانويه وهو كمان بحبني ولمن دخلت الجامعه كلية الهندسه المعمارية برضو بدا يتغير معاي لاني بقيت احسن منه (وهو كان ماكمل دراسته ) وقطع الاتصال وبقى بتعامل معاي كاني واحده تانيه وزايده حساسيتة في الموضوع انا بفتكر انه عشان الدراسة اللي درستها بس من ندمانه خالص عليها بالعكس احنا لازم نفتخر بروحنا واذا هم فعلا بحبونا زي ماقالو ماكان قدرو اتخلو عننا عشان كدا ياختي انا بنصحك انك تسيبي الموضوع على كدا وماتعزبي نفسك به وانسيه احسنللك لانه انسان اناني
انا من راى انك مش غلطانة هو الى مش يستحقك هو كان لية الشرف ان تكون زوجتة المستقبلية مهندسة رغم انة مش زيك فى مستواكى التعليمى كدة كدة انتى صح لان الله طلب العلم الاول “اقرا بسم ربك الذى خلق “وقال :”ان الله يرفع الذين ءامنوا منكم والذين اؤتوا العلم درجات “:انتى الى كسبانة عذبية انتى اكتر اديلة انتى الدبلة بكل فرح ولا تبينى اى الم امامة واجتهدى وحاولى انك تحصلى على اكبر قدر من العلم وهتحسى انة هو الى بيتعذب لا تحزنى ابدا انتى انسانة اما هو فالله اعلم بية هظرى واضحكى وانسى همومك وابداى حياة جديدة مليئة بالسعادة””اختتتتتتتك””
غلطانة واكبر غلطانة انا اشوف بنات متزوجين في الجماعة يعني تخليه يستناك 5 سنين وتقولي 7 حرام عليكي الحب يا اختي = التضحية بكل شي وانتي ما حيتي بش حتى لو كانت التضحية بروح هي دراسه لا اكثر ولا اقل انتي غلطانة واكبر غلطانة
من أول ما قرأت إنه فضل يلف عليكي كتير وترفضيه، عرفت إنه ممكن يغدر بسهولة..
لأنه شخص معندوش كرامة ولا نخوة..
الراجل اللي يترفض مرة ويرجع تاني من نفسه يبقى مش راجل أصلا..
وأحسن إنك خلصتي منه، وبعدين أهو ريحك من دراسة الطب وطولها ودوشتها..
هو أخد قرار عدم الرجوع إليك وأنت حافظي على كرامتك ولا تطلبي منه الرجوع لأنه انسان لا يستحقك وموضوع الدراسة ليس هو السبب الرئيسي لكي يتركك ولكن أنا أشك بأنه وجد حب آخر وقرر أن يبني حياتك بعيدا عنك .
وان شاء الله سوف يعوضك الله بأحسن منه
السلام عليكم عيد مبارك و كل عام و أنتم بخير
أنا جربت أرجعله لكن ماقبلش وقالي انه أخذ قراره ومش حيرجع فيه و قالي اني أنساه
انتى مغلطيش لما كملتى دراستك ده بالعكس بكره هيندم انه سابك وبعدين ده كده ربنا ورهولك على حقيقته ده مكنش بيحبك لو كان بيحبك كان هيستنى ولو العمر كله وانتى اخترتى الصح بكره يجيللك اللى احسن منه وهيحبك ويحوطك فى عينه وهتحبيه وهيعيشك سعيده وهتفترحى ربنا ينولك اللى فى بالك انسى وخلاص اللى حصل حصل
انا كنت زيك بس كان السبب هو الشغل وقالى سيبى شغلك وانا اتمسكت بشغلى وكنت بحبه وبعدين محصلش نصيب وكنت مخطوبه ليه شهور كتير ومحصلش نصيب والله ودلوقتى والله جالى عريس زى القمر ويارب يكون فيه نصب ويكون طيب وحنين عليا انا انصحك انك تنسيه حياتك بعد كدا هخلهالك باختيار يا دا يا دا بلاش بكره يجيلك الاحسن والشهاده اهم حاجه سلاحك فى الدنيا ش ك ر اااا
شكرا على الرد الحقيقة أنا الحاجة الي وجعتني
الخيار الي حطني فيه هو ولا دراستي ,,,,هو بحبه له مكانة كبيرة هو بالنسبة ليا الأساس الي بنيت عليه
حياتي كل ما افكر اخطو خطوة في حياتي نشوف اذا توالمه لكن عند دراستي خط أحمر حاجة تخصني لأن كل واحد فينا يستنى اليوم الي يحمل فيه شهادته وكمان والديا يستناوني أملهم كبير فيا
أنا عارفة انه بيحبني وكامل يشهدو بهذا الشيء ورح كون سعيدة معاه بس أنا خايفة يجي يوم نتزاعل بدون ما أقصد الومه هو و اقله ليش أو بسببك سبت دراستي ……أنا حاسة نفسي في دوامة بين نارين…….. أنصحني اعطوني رائيكم.
السلام عليكم بصي ياحبيبتي انا هح نفسي مكانه وهقولك اه اللي بيدورفي دماغه ممكن يقولك اناحبيتهاكل السنين ومخلص ليها وه مش قادره تضحي بدراستها علشاني مع اني محتاج ليها وتلاق فكره انك كنتي رفضاه الاول رجعت ليه تاني ويقولك هي مش بتحبني وكبر الموضوع في دماغه وقال انا هسبها علشان كرامتي وكبريئي بصي الرجاله في العموم انانين دي حقيقه لابد منها .. ممكن يكون هو حد تاني كل عقله ممكن يكون حس فعلا انو كر ومحتاج يخلف وتكون حبيبته جنبه عاوز يستقر ومحدش ينكر انو استني كيثر الحل دلوقتي في ايك انتي اما دراستك اما هو .. بصي انا عن نفسي هجيب ورقه وقل واشوف مين هم هو ولا دراستي ستقبلي فين فيه ولا في دراستي ممكن يكون هو حب ياتك اللي مش يتعوض وممكن يكون زي زي اي راجل مش ليه امان يفضل انك توصلي ليه انك بتحبيه وانك متعستعده تخلي الدراسه علشانه ولما ترجعوالبعض تحاولي تقنعيه انك تكملي السنه طريقه مش مباشره والستات ليهم اسلوب اقناع كثيره وصدقيني لو بيحبك هتصعبي عليه ويخليكي تكملي ممكن يكون هو دلوقتي عاوزه اثبات منك انك بتحبيه انك تخلي دراستك ولما تخليها هيعرف ويترجع بس ده في الاخير ش اكيد ب انتي مدام بتحبيه حاولي معاه كل الطرق وبالتوفيق ياحبيبتي
لا حبيبيتي انتي مغلطتيش انك كملتي دراستك بالعكس انتي عملتي الصح وبعدين انتي ضحيتي عشانه خلاص يعني هو مش قادر يستني سنه وبعدين هو في البدايه كان موافق وقالك هستناكي ايه اللي اتغير ؟؟بصي دوري وشوفي ممكن حد دخل حياته اسئليه عن السبب اللي يخليه يبعد عنك وربنا يسعدك حبيبتي وقليلي عملتي ايه