الحب بين الاقارب

ابن خالتي بيحبني ومستنية الثانوية العامة تخلص

المشكله ان ابن خالتي بيحبني وانا لا ..
ولو قولت لا هاتحصل خانقه كبيره وهاتوصل للعيله وانا مش عايزه كدا لان دي خالتي الوحيده وهايكون الموضوع كبيره .. وهو دلوقتي ابن خالتي بيحبني و فتح معايا الموضوع وانا عايزه اتوه الموضوع لحد مااخلص امتحانات لاني في الثانوية العامة المرحلة الثانية وبعدين ابقا اشوف حل ليه . .. بليزز ساعدوني

مشاكل وحلول ذات صلة

اضيف بتاريخ: Saturday, May 12th, 2012 في 07:31

كلمات مشاكل وحلول: , ,

6 رد to “ابن خالتي بيحبني ومستنية الثانوية العامة تخلص”

  1. perfect girl
    25/03/2013 at 11:57

    خد اللى يحيك مش اللى تحبه يعنى لو هو ما بيحبك وانت بتحبيه سبيه

  2. roma
    26/06/2012 at 19:25

    قوليهالو صريحة بس بعد ما تخلص الامتحانات عشان مفيش حاجةتشغلك عن المزاكرة وشيلى الموضوع دة من دماغك لحد ما تعدى فترة الامتحانات

  3. gaha
    19/05/2012 at 09:19

    كل اللى يفتح الموضوع دة قوليلهم انا مش عايزة اتشتت عن الامتحانات لو سمحتوا كل تركيزي في مستقبلي بس لما اخلص امتحانات نتكلم براحتنا … الكلام دة هيوصل معلومة لابن خالتك انك مش عايزة … وبعد الامتحانات قوليها صراحة حتى لو عيلتكم كلها اتخانقت … دة جواز يعني حياة وموت

  4. Dode
    12/05/2012 at 17:56

    إتكلمى مع مامتك وحاولى تفهميها الموضوع عشان تلاقوا حل

  5. the prof
    12/05/2012 at 09:11

    بما انك مش بتحبيه اوى تتجوزيه مهما كانت حجم المشاكل الى ممكن تحصل, لانى المشاكل الى قبل الجواز حلها اسهل بكتير من المشاكل الى بعد الجواز. وبعدين الجواز قسمه ونصيب يعنى خالتك مش هتزعل كتير هتزعل شويه وبعدين هتسلم للنصيب. وتاجيل الموضوع لحد ما تخلصى الامتحانات ليه ميزه وعيب فى نفس الوقت, ميزته انك مش هتنشغلى عن امتحاناتك مع انك انشغلتى برضو بدليل انك طرحتى مشكلتك, وعيبه ان ابن خالتك تخيل انك موافقه لانك ماقولتيش لا فبالتالى هيعيش فى الحلم فصدمته منا ما يعرف انك مش موافقه هتبقى اكبر واكبر لكن لو كنتى قولتى لا من اول الموضوع كان هيفوق من الصدمه بسرعه. وبرضو فكرى مره ثانيه فيه يمكن تغيرى رايك دا ابن خالتك الوحيده وبيحبك واكيد هيحافظ عليكى ويتمنالك الرضا ترضى ,لكن لو فضلتى مش بتحبيه فى اقرب فرصه مناسبه ارفضى الجواز وانهى الموضوع لانى التاجيل بيخلى النتجه اكبر ,وخلى بالك من امتحاناتك دى باقى عليها اقل من شهر وهى الى هتحدد مستقبلك عشان كده لازم تقطعى نفسك فى المذكرة وحاولى ماتشغليش نفسك باى حاجه خالص غير مذكرتك ومستقبلك وربنا يوفقك ان شاء الله.

  6. soka
    12/05/2012 at 08:35

    ده جواز مش لعب عيال يعنى اختار الى تقدرى تعيشى معاه

اترك رداً أو حلاً لهذه المشكلة