انا بنت واتعرفت على شاب فى الفيس بوك هومن نفس بلدى بس مكنش يعرفنى بعدما بعتلى طلب صداقه اتعرفت عليه بس كلامنا بيبقى دايما فى الحدود وانا حبيته ومش عارفه هو اه ولالا وفى نفس الوقت انا مبضفش اى رجاله او شباب فى صفحتى وانا بكلمو باسلوب كويس وانا متدينه جدا خايفه اسقط فى نظره او يستهتر بيا او تفكيره يروح لبعيدانى بجرى وراه او مرميه عليه انا كنت بحس من تصرفاته انو بيخاف عليا اوقات واوقات لا بعدسواعى ميعملش الحاجه اللى بضايقنى واوقات يعملها انا عاوزه اعرف هو بيحبنى ولالا وفى نفس الوقت عاوزه احافظ على سمعتى فكلامى معاه دابيبقى ايه ظروفه
البنت المتربيةوالمحترمة ماتتكلم مع الشاب الغريب عنها في النت اوالفيس بوك وغيرها ده حرام شرعاويودي للفتنةوالوقوع فيها اتقي الله في نفسك وفي شرفك واخلاقك وتربيةاهلك لك وماتجلب لهم العاروالفضيحة بافعالك الطائشة ربي يهديك ويسترعليك ويكرمك بالزوج الصالح اللي يجي بابكم ويخطبك من اهلك وتلاقي معه الراحةوالسعادةوالاستقرار
ان كنتى تحبينها حبا حقيقيا فلا داعى للحسابات الاخرى ماذا سيقول كيف سيفكر فى ان اقدمت على ذالك كلها حسابات لا داعى لها قد تكون مماطلة لا داعى لها وتكون سببا فى بعده عنك اذا رائ حب من شخص اخر وصارحة هذا الشخص بحبة له ان كنتى مكانه فمن ستختارين شخص صارحكى بحبة ام شخص بخل عليكى بكلمة حب
الحب مش عيب ولا حرام بي يكون فى اطار شرعى ورسمى وبعدين انتى اكيد انسانة محترمة عشان فكرتى كدة ماتتسرعيش ولو ليكى نصيب فى هتاخدى واوعى تبينيله اى حاجة واتعاملى طبيعى جدا
انتى حبيتى واحد لو شفتيه مش هتعرفى ولو اتعملتى معاه هتكتشفى انه انسان تانى الحب بيجى مع واحد تعرفيه وعارفه مميزاته وتبقى راضيه بعيوبه لكم على الشات هو مش هيقولك على عيوبه لو فكرنى شويه هتلاقى انك بش اتعودتى تكلميه مش اكتر وممكن اوى لة قابلتيه مترتحيش فى الكلام معاة فى الواقع
انا مشكلتى زيك كده بس سهله شويه هو اللى اعترافلى بحبه وانا خايفه من ربنا قوى انا عايزه اعرض مشكلتى بش مش عارفه ازاى حد يقولى لو سمحتوا
اني اقترح عليكي تزوجي لان حبك صحيح
بسم الله الرحمن الرحيم.
السلام عليكم.
أولا كده عشا نكون واضحين ومنصفين
مينفعش نقول مفيش حب على الفيس أو النت
لأن في نفس الوقت ممكن نقول مفيش حب في أرض الواقع، لأن قصص كتير وعلاقات كتيرة جدا بتبدأ وتنتهي بخداع أحد الطرفين للآخر في كل مكان.
أما بالنسبة للحب في النت فهو نادر فعلا وأقل من الحب في الواقع، لكنه موجود، لأن الحب مش بيكون للشكل أو الجمال بقدر ما بيكون حب للشخصية والثقافة والفكر والأخلاق أكيد، فلو هو قدر يتعرف على أخلاقك وثقافتك عن طريق النت فممكن يكون فعلا بيفكر بشكل سليم ونيته خير.
ع العموم ندخل الموضوع بشكل دقيق أكتر.
نسبة متقلش عن 99% من الشباب بيتسلى على الفيس بوك بيتسلى بالبنات الساذجات اللي معندهمش خبرة ولا حكمة في فهم الآخرين، وتقريبا نفس النسبة من البنات معندهمش خبرة وخايبات ههههههههه.
كمان، الشاب المحترم اللي نيته خير، مش هيلعب ببنت عايز يتجوزها أو مُعجب بيها، فلمجرد إنه هيفتح معاها كلام هيبدأ يلمحلها على إنه عايز يرتبط بها بشكل رسمي، وهيكون سباق في طلب الارتباط الرسمي كمان، يعني مش هيقول لها خلينا سنة كده وبعدين آجي أخطبك، ولا هيقول قدامي شوية عشان أقدر أخطب، ولا هيقول أهلي مش هيوافقوا يخطبولي دلوقتي فنأجل الخطوبة دلوقتي، في الحالة دي يبقى اتفضل حضرتك اسكت ولما تنفع تخطب ابقى تعالى.
واضح إنك معجبة بيه جدا وبتتمني يكون شعوره زيك، بس طبعا صعب إنك تبادري بالكلام معاه، خاصة إنك ممكن تكوني مش عارفاه كويس.
أهم نقطة لازم تعرفيها هل هو بتاع بنات وصداقات وكلام من ده، ولا انتي الحالة الأولى أو الوحيدة له حاليا في حياته، ادخلي بوفايله وشوفي عنده بنات كتير ولا لأ، بس بردو غالبا الشاب بيقبل طلب صداقة أي بنت على الأقل عشان ميحرجهاش.
بس نقطة إنه بعتلك طلب صداقة في الأول مش مريحاني، لأنه بكده واضح إنك مش أول بنت يبعتلها طلب صداقة، وإن الفعل ده عادي جدا بالنسباله، فممكن يكون بيتسلى.
وكمان صعب إن شاب يخطب بنت بدون ما يشوفها، فغالبا ممكن يطلب منك تبعتيله صورتك أو تفتحي الكاميرا عشان يشوفك، ودي مصيبة وقع فيها بنات كتير زيك كده وكانوا بيثقوا في الشاب اللي بيطلب منها الطلب ده، وبتلاقي رد الفعل منه سيء جدا.
لنفترض إنه شخص سيء، ممكن يشتغل صورتك بإنه يركبها مثلا ببرامج التعديل على الصور على صورة غلط ويعمل حواليكي شوشرة، وحتى بدون تركيب، كفاية إن صورتك معاه ومفيش بينك وبينه حاجة رسمي، والمقابلات الخارجية بردو مش برجحها.
أنا عمال أتكلم عن الموضوع وكأنه بجد هههههههههه بس مفيش شاب هيبعت طلب صداقة لبنت إلا لسببين، إما بيتسلى أو عايز يخطبها، واللي بيتسلى بيعمل فيها محترم ومتدين وفجأة هتلاقيه اتغير، أما اللي ناوي خير، مش هيكذب ولا كذبة عليكي، هيطلب منك يقابل أهلك.
أنا رغيت كتير بكلام غير مرتب، لكن دي نصايح مهمة
– متبعتيش له صورتك أبدا أبدا لأنك مش ضامناه.
– متتكلميش معاه في الموبايل خالص ولا أي كلام بالصوت، ولا تديله نمرة تليفونك.
– لو قال كلام يخدش الحياء، اقفلي معاه علطول واحذفيه من عندك لأنه هيكون واحد بيتسلى.
– لو قال كلمة تُظهر حبه أو إعجابه زي مثلا كلمة (ربنا يخليكي ليا، أو ربنا ميحرمنيش منك) اسأليه سبب الكلمة دي ايه، ومتحسسيهوش إنك كارهاه عشان ميبعدش عنك O.o .
– لو طول عن شهر ومفيش جديد في كلامه قوليله مش هقدر أكلمك كده كتير عشان احنا مش ينفع نتكلم كده وأنا خايفة حد يعرف، وقتها بقى لو قال لك ماشي نقطع كلام يبقى كان بيتسلى، أما لو بيحبك فعلا هيتجنن ويقول لك طيب أنا عايز أتقدملك، لأنه هيخاف تروحي منه.
– قلتي إنك متدينة، يبقى غالبا هو متدين يا إما ملوش لزمة تعرفيه من الأساس، والمتدين تعرفيه من البوستات اللي بيشيرها (طبعا آراءه السياسية حاجة والبوستات حاجة) يعني مش معنى إنه ضد جماعة أو شيخ دين يبقى مش متدين، وبردو مش معنى إنه مؤيد لجماعة أو شيخ دين إنه متدين، التدين يعني أخلاق وعلم شرعي مش تأييد أعمى أو ببصيرة، أو معارضة عمياء أو ببصيرة.
– أنا بحكم خبرتي شايف إنه بنسبة 90% بيتسلى أو بيتعرف وخلاص ومش ناوي جواز، عشان كده حاولي تعرفي آخره ايه، حتى لو تقوليها صريحة له (آخرة كلامنا ده ايه؟)
ولو عايزك فعلا مش هيتكسف يقول لك، إذا كان متكسفش يبعتلك طلب صداقة وتلاقيه هو اللي بدأ بالكلام بردو معاكي، يبقى مش هيتكسف لما يلاقيكي هتروحي منه (إن كان بيحبك).
– الشاب المحترم المتدين الفاهم الخلوق، لو بنت هو معجب بيها وطلبت منه الجواز بنفسها حتى مش هتقل في نظره طالما عارف إنها عارفة إنه شخص ثقة وكويس، إنما لو طلبت منه وهي مش عارفاه يبقى هيشك فيها ومش هيثق فيها.
في نقطة نسيتها
هو بعتلك طلب الصداقة ليه؟
هل هو عارفك قبل كده؟
ولا لمجرد إنه شافك مثلا في الأشخاص اللي ممكن يكون عارفهم اللي الفيس بيقترحهم عليه وضافك؟
لو مكنش عارفك يبقى ضافك وخلاص من الأول بدون سبب
أما كلامك معاه فهو اللي يحدد مدى جديته في الموضوع
أتمنتالك الخير العاجل سواء بالبعد عنه أو القرب الرسمي منه، وربنا يكتبلك الخير في زوج المستقبل.
يا اختي الحب عمره ما كان حاجة وحشة … ولو زي ما بتقولي ان كلامكم في حدود الادب …ماشي بس المهم ما تفضليش كده لو بتحبيه حاولي تلمحي … او تشوفي لو هو بيحب الهزار لمحي بهزار ولو في طريق تاني انتي عارفاه في شخصيته ادخلي منه … بس اهم حاجة يكون غرضك شريف ونيتك كويسة … وعلى الاقل يكون في تكافؤ شوية بينكم … ولو هو بيحك او بيرتحلك ومفيش حد في حياته … هيفكر في الطريق السليم ويجي يتقدم … وسيبها على الله .,,, ولو مفيش نصيب حاولي ما تتكلميش معاه تاني ,,, لانك لو بتحبيه بجد مش هتقدري تغيري احساسك ده ,, وسيبك من روايه خلينا اصحاب ,, ونتطمن على بعض … ويا ريت تكوني ناضجة ,, وعائلة علشان ما تندميش ولا تتعبي في حياتك.
مفيش حب على الفيس بوك
ما ياتي من الفيسبوك ينتهي في الفيسبوك…من ياتي من باب بيتكم اختي هو من يحبك …ليس من شاشه ..لا تعلمين عنه شيا …انتبه لحياتك وكرامتك وكرامه اسرتك وعرضك …انتبه لروحك اختي وحكمي عقلك ,,ولا تحكمي عواطفك ومشاعرك …
اختي …والله العظيم انا شب مسلم واحب لكل فتاه مسلمه الخير …ومن كل قلبي ..ومن كل ايماني وحبي لك كأخت …ابعدي حب الفيسبوك من حياتك …انت فقط تتخيلين انك تحبيه …فقط لانك تكلمتي معاه … واي شب لو تتكلمي معه على الطبيعه حتقولي حبيتوه …الحب على النت فاشل ..والله فاشل …اللي يجي من الفيسبوك ينتهي فيه …واللي يجي من البيت ينتهي من البيت …خذي حذرك اختي ..ابتعدي عنه …وما تقولي له هي الكلام …خذي حذرك اختي …حتى لا تتندمي وتتاسفي على حياتك ..
انا معجب من جميع الردود ماعدا واحد وسبب الاعجاب انها تدل على تدين هذا الشعب المحترم واقول للاخت خليكى محترمة فى نظر نفسك واهلك ومن قبلة ربك فهذا الذى تقولين انة حب ليس صاقا واقول عن تجربة وقد قالها لى من اكبر منى الحب هو حب الزوج بعد العشرة والارتياح بينهم وليس غير ذلك فحذ
مافيش حب نابع من القلب كله كذب وخداع احذري من تقع ضحية لاوهام اتقي الله في نفسك واصبري حتى ياتيك النصيب وربي يسعدك ويوفقك بالزوج الصالح اللي يستاهلك
على فكرةهو مش بحبك لو بحبك كان اتقدملك ولو اجوزك هكون شكاك معاكى فبلاش موضوع الكلام مع انسان غريب عنك
بكل وضوح الحب على النت من ورا الاهل ومن غير اى حاجة رسمى حرام شرعا ومش بجيب الكلام دا من عندى دورى بنفسك اذا حبيتى بدل متتعلقى فيه اكتر شدى نفسك من الموضوع دا باسرع وقت (( وما كان لمؤمن ولا مؤمنة اذا قال الله ورسوله امرا ان يكون لهم الخيرة من امرهم ))
يا حبيبتى انت زى بنتى وأنصحك بلاش موضوع الفيس دة لأنى بسمع عنه حكايات وحشه جدا ومعظمهم رجال متزوجون وبيضحكوا على البنات أو شباب مش كويسين وبيتسلوا وإنتى باين عليكى من كلامك انك بنت كويسه . حافظى على نفسك لغاية ما تقابلى ابن الحلال ال يستاهلك .وربنا يحفظك ويبارك فيكى ويوفقك
السلام عليكم
اختى الكريمه حفظكى الله ورعاكى لنفسك ولاهلك ورزقكى بالزوج الصالح ان شاء الله
اولا اختى تصفحى واقرأ فى هذا الموقع عن مشاكل الحب على النت والفيس هتشوفى غرائب وعجائب
وكثير من هذه القصص ماتنتهى بالفشل والاكثر منها ينتهى بمصائب
اختى اعزكى الله انتى تقولى انك احبتيه ازى .. انت تعرفى ايه عنه غير البينات اللى على صفحته وبعض البينات اللى هو حكهالك بنفسه ومفيش حد هيتكلم عن نفسه بحجات مش كويسه
مع الاسف انت محبتهوش هو يمكن تكونى حبيتى كلامه حبيتى صوابعه لانها هى الاداه الوحيده التى توصل لكى كل شى عنه
حاولى تفكرى فى الموضوع بشكل منطقى شويه وخليكى فاكره ثقت اهلك فيكى وثقتك فى نفسك لو العلاقه دى لقدر الله متمتش شكلك قدام نفسك هيكون ايه وقدام اهلك وقدام الانسان اللى هترتبطى بيه بعد كده او قدام اولادك هتحافظى عليهم ازى من النت
حضرتك بتقولى انه من نفس بلدك لو نيته خير يجى يتقدم لو ظروفه متسمحش يجى يتكلم كلام بس على الاقل يسبت حسن نيته
ومتنسيش انك بتقولى انك متدينه …وربنا يوفقك ان شاء الله ويرشدك الى مافيه الصواب
السلام عليكم
اولا لازم جداا تكوني حزره جداااا
1-ممنوع منعا باتا ارسال صور
2- الكاميرا ممنوع جداا
3-بلاش من كلمة انا مستريحالك ولا تسمحي له بها لان بعدها بقليل بحبك وهلما جرة
4- لازم الكلام يكون بحدود يعني التحدث في الموضوعات العامة فقط ولا تسمحي له بالحديث في غير ذلك
5- لو عملتي كل ما سبق توقعي الفضيحة دنيا واخرة.
يبقا مراهقه ومغامره برضو بسمعتك
انتي فاكرا ان الحب والتعارف والحكيات اللي بنسمعها علي النت دا حب ؟
افيقي ايتها الغاليه فالحب حب الزوج وغيره وهم
تقدري تقوليلي انتي حبتيه بناء علي ايه ؟؟
طبعن بناء علي طريقتو في الكلام الحلوه الرومنسيه
طيب ده يكفي انو يرتبط بيكي رسمي وتبقي مراتو ولا انتو وخدينها تسالي
والله انا بستغرب علي بنات اليوم وتقديراتهم السيئه في الحب بقا الحب عندهم هديه او كالام حلو او مجرد مظهر
وتجاهلو الجوهر والاخلاق والدين
هوا اكيد بيكلم غيرك كتير
وانتي لو لقيتي اسلوب احلي من كلامه من غير محلفلك هتعجبي بيه
يبقا انتي بتدحكي علي نفسك
اسئلي نفسك سوال لو بيحبني مثلااااااااااااا اخترها اييييييييييه هيتقدملك ولا هتقضوها فيييس بوك؟؟؟؟؟؟؟؟؟؟؟؟؟
علي فكره حب النت ده مش حب اصلن وياريت تفكي من الموضوع ده لان والله مش هيعجبك في الاخر
بصى ياأختى أحنا كلنا من الأخر فيسبوكية ولينا فيها من الأخر يعنى ههههههه……..
أذا تحدثنا عن تعاملك معاه فخليه فعلا زى ما أنتى ماشية فى الحدود والأخلاق والتربية
والتدين بتاعك وماتعمليهوش على أساس أنه انسان مرتبط بيكى أو أنسان أنتى بتحبيه بردوه
متعامليهوش على الأساس ده عامليه على أنه أخوكى أو صاحبك .لان هو فعلا حتى الأن فى تلك المرتبة…
فى نفس الوقت أذا حسيتى فى أى وقت أنه عمل حاجة غلط وضايقتك لا تلومينوه والسبب
1-بعض الشباب لهم أختبارات فانتى أذا لومتيه يبقا هو علم أنك
وقعتى فى حبه من غير ما
يقولك ويبدأ يلعب بيكى على راحته
2-احسنى اليه كما يحسن اليكى ولا تسيئى اليه اذا ااساء اليك لتبينى له الحالة الصحيحة أنك انسانة محترمة متدينة وليس بينكى وبينه شيئا لكى تلومينوه
وعلى فكرة بردوه ياريت ياربت ما تتسرعيش فى اختيار
شريك حياتك الا بعد ما تتأكدى ميه فى الميه ان الانسان ده بيخاف عليكى وممكن يعمل اى حاجة
عشانك ساعتها افتحيله قلبك ……….وفقكك الله وزادكى تدين
2-