اانا عندى 19 سنة و عاملة اكونت ع الفيس بوك من سنة و نص تقريبا و اتعاهدت مع نفسى انى مش هكلم ولاد و لا هضيف ابدا غير قرايبى و بس و كمان مش بتكلم معاهم غير سلام عليكو و عليكم السلام
من 6 شهور كده دخلت على شات جروب قلت اما اعمل دعوة
فدخلت و بأسلوب حلو كده سلمت و قلتلهم يا جماعة يلا نستغل وقتنا فى حاجة مفيدة بدل الكلام اللى ملوش لزمة ده و قدرت فعلا ان الكلام ده يتحول من كده لدرس دينى بقى كل يوم فى ساعة معينة
فى الوقت ده كان فى شاب من نفس سنى ملتزم فى حضور الدرس ده على طول
المهم كنت بخلص الدرسو ساعات بعد شوية و كنت بتكلم معاه ع الشات قدام كله كلام عام يعنى
و عمرى ما فكرت اقبل طلب صداقه اذا بعتلى ، فجه فى مرة قالى انا ايام الجامعة مش هقدر ادخل من الجهاز كتير زى الصيف ممكن اضيفك عندى عشان بفتح النت من الموبايل و اعرف اكلمك
فالمهم اترددت شوية و فى الاخر قلت و فيها ايه ما هو زى اخويا بالضبط فالمهم وافقت
و فعلا لغاية دلوقتى حاسة انه اخويا بجد
من بعد ما ضيفته و انا بتكلم معاه كتير اوى بس كأخ و الله و بنشجع بعض ع العبادة و الدراسة و كنا بنعد مع بعض كتير اوى لدرجة اننا تقريبا مكناش بنقوم غير عشان نصلى او ناكل او لو حد نازل او عشان حاجة متفقين عليها فى العبادة مثلا او للنوم غير كده بنقرى ع النت و بنتناقش كأنى قاعدة مع اخويا فعلا بالضبط
و بدأ يقولى على حاجات كتير فى حياته و بيستشيرنى فى حاجات كتير قبل ما يعملهاو لقيت نفسى انا كمان بحكيله لما اكون مضايقة و هو كمان و بقيت مستغربة نفسى انى بثق فيه بالسرعة دى
.
المهم انا دلوقتى لما بفتكر الوعد اللى وعدته لنفسى قبل ما اعد ع الفيس و كده احس انى مخنوقة و مش عارفة انا صح و لا غلط
و بعد مع نفسى و افكر انا صح و لا غلط و فكرت الغى الكونت بتاعى خالص عشان مكلمهوش تانى عشان صعب جدا بعد ما كنت بقضى تقريبا معظم اليوم معاه اقطع مرة واحدة
خايفة يكون حرام بس كل ما ادخل ع النت الاقى مكتوب على حسب النية و انا ربنا اعلم بنيتى و الله
بس كده
طولت عليكو انا اسفة
بس محتارة جدا و الله
والله يا اختى انتى فى سكة مش صح لان ببساطه ربنا قال ولا تتبعوا خطوات الشيطان وبما انك عارفه القران فعارفه الايه اللى بتقول وزين لهم الشيطان اعمالهم فصدهم عن السبيل …بعد ما كنتى بتقضى كل وقتك فى العبادة والطاعة بقى كل اليوم كلام لا يفيد معاه واكيد بتروحى تصلى بسرعه علشان ترجعى تتكلمى معاه ومش بعيد كمان وانتى بتصلى بتسرحى فيه …. الجانب التانى اللى خايف عليكى منه هو الجانب العاطفى عارف انك بتبقى فرحانه وانتى بتتكلمى معاه وعارف انك حاسه ان اكيد حد فاهمك وبيسمعلك بس عايز اقولك للاسف انك اتعلقتى بيه واقدر اقولك كمان انك متقدريش تستغنى عنه يوم ….لازم واقفة يا قلبى ..هو لغاية دلوقتى ماتكلمش فى ارتباط رسمى ولا حاجة … عارف ان اللى حقوله صعب بس كلميه وقوليله انا اسفة علاقتنا مش حينفع تكمل لانى اتعلقت بيك وده غلط وانا مش عارف اخرة العلاقة ديه ايه والله جاه خطبك اهلا وسهلالو عمل من بنها انهى العلاقة فورا وخليكى قوية وللاسف حتلاقى نفسك حتى لو قطعتيه نفسك تكلميه تانى او يحصل الاسوء انك تتدورى على شاب تانى تتكلمى وتتفضفضى معاه ….حافظى على طهارة قلبك وروحك وبلاش تضحكى على نفسك وهو على فكرة مش اخوكى ويارب ميكنش طلب منك صور او حاجة علشان دى بدايات ال**** وربنا يححميكى يابنتى
اللي عملتيه غلط مافيش حاجة اسمها اخويا او صداقة بين البنت والشاب دا كله من عمل الشيطان الرجيم عشان يوقعكم في المحرمات والمعاصي هل فهمت الان حرمة الشئ اللي انت عملتيه اذن اقطع علاقتك بالشاب وتوبي لربك واستغفريه وحافظي على خلاقك وسمعتك وسمعة اهلك وربنا يصلحك ويهديك ويسترعليك انت وكل بنات المسلمين